Actualitats
L’Union Europèa comença la legislatura amb un parlament encara mai complèxe
Se fa uèi la session inaugurala, que s’i elegís lo president de la cambra, la constitucion dels grops e los rapòrts de la presidéncia del Conselh, lo que sortís e lo qu’intra
Lo resultat de las eleccions del 25 de mai ja mostrava que veniá una legislatura complicada dins l’Union Europèa, pr’amor de la fragmentacion dels grops del parlament europèu e pr’amor de la reüssida dels eurosceptics e de l’extrèma drecha. La negociacion per bastir los grops parlamentaris a confirmat çò que se prevesiá. La session constitutiva de l’ochena legislatura del Parlament Europèu, que se fa uèi, daissarà veire la mapa finala dels grops.
L’ais central d’aquela session es l’eleccion del president de la cambra, los catòrze vicepresidents e los cinc questors, que forman lo burèu de l’institucion. De mai, lo primièr ministre grèc, Antonis Samaras, s’adreiçarà a l’emicicle deman de matin per presentar las conclusions de la presidéncia grèga del Conselh Europèu. De ser, lo primièr ministre italian, Matteo Renzi, lai presentarà las prioritats de la presidéncia italiana. Dijòus, los eurodeputats votaràn la composicion de las comissions parlamentàrias.
Eleccion de la presidéncia de la cambra
Lo president del parlament en foncions, l’italian Gianni Pittella (S&D), presidís la session plenièra fins a l’eleccion del nòu president, en acòrdi amb lo reglament de la cambra. La presidéncia del parlament a una durada de dos ans e mièg. Los candidats fan una declaracion de cinc minutas abans de votar. Las candidaturas solament las pòdon presentar los grops politics o un minim de quaranta deputats. A l’ora d’ara, los candidats que s’i presentan son: Martin Schulz (S&D, Alemanha), Syed Kamall (CRE, Reialme Unit), Pablo Iglesias (GUE-NGL, Espanha) e Ulrike Lunacek (Verds-ALE, Àustria).
Sèt grops e cinquanta dos deputats non inscriches
Lo nòu parlament lo compausan 7 grops politics e 52 eurodeputats non inscriches. Abans de saber lo resultat de la constitucion oficiala, la distribucion de sètis es la seguenta: Partit Popular Europèu (PPE), 221; Aliança Progressista dels Socialistas e Democratas (S&D), 191; Conservators e Reformistas Europèus (CRE), 70; Aliança dels Democratas e Liberals per Euròpa (ALDE), 67; Esquèrra Unitària Europèa-Esquèrra Verda Nordica (GUE-NGL), 52; Verds-Aliança Liura Europèa (Verds-ALE), 50; Euròpa de la Libertat e de la Democracia (EFD), 48; deputats non inscriches, 52.
L’ais central d’aquela session es l’eleccion del president de la cambra, los catòrze vicepresidents e los cinc questors, que forman lo burèu de l’institucion. De mai, lo primièr ministre grèc, Antonis Samaras, s’adreiçarà a l’emicicle deman de matin per presentar las conclusions de la presidéncia grèga del Conselh Europèu. De ser, lo primièr ministre italian, Matteo Renzi, lai presentarà las prioritats de la presidéncia italiana. Dijòus, los eurodeputats votaràn la composicion de las comissions parlamentàrias.
Eleccion de la presidéncia de la cambra
Lo president del parlament en foncions, l’italian Gianni Pittella (S&D), presidís la session plenièra fins a l’eleccion del nòu president, en acòrdi amb lo reglament de la cambra. La presidéncia del parlament a una durada de dos ans e mièg. Los candidats fan una declaracion de cinc minutas abans de votar. Las candidaturas solament las pòdon presentar los grops politics o un minim de quaranta deputats. A l’ora d’ara, los candidats que s’i presentan son: Martin Schulz (S&D, Alemanha), Syed Kamall (CRE, Reialme Unit), Pablo Iglesias (GUE-NGL, Espanha) e Ulrike Lunacek (Verds-ALE, Àustria).
Sèt grops e cinquanta dos deputats non inscriches
Lo nòu parlament lo compausan 7 grops politics e 52 eurodeputats non inscriches. Abans de saber lo resultat de la constitucion oficiala, la distribucion de sètis es la seguenta: Partit Popular Europèu (PPE), 221; Aliança Progressista dels Socialistas e Democratas (S&D), 191; Conservators e Reformistas Europèus (CRE), 70; Aliança dels Democratas e Liberals per Euròpa (ALDE), 67; Esquèrra Unitària Europèa-Esquèrra Verda Nordica (GUE-NGL), 52; Verds-Aliança Liura Europèa (Verds-ALE), 50; Euròpa de la Libertat e de la Democracia (EFD), 48; deputats non inscriches, 52.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Bòris auriá cantat:
Clafit de complèxes
a pas ges cambiat.
Cambièsse de sèxe,
seriá adobat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari