Actualitats
Catalonha: lo Parlament apròva uèi la lei que permetrà lo vòte sus l’independéncia
Eurovision e un dotzenat de mèdias internacionals rapòrtan l’eveniment en dirècte dempuèi la cambra catalana. Lo govèrn espanhòl o considèra coma “una provocacion” e menaça de suprimir l’autonomia
Un dotzenat de mèdias internacionals son uèi al Parlament de Catalonha per seguir l’aprobacion d’una lei, que permetrà de convocar lo vòte sus l’independéncia de Catalonha lo 9 de novembre que ven. En mai d’aquò, l’Union Europèa de Radiodifusion, Eurovision, qu’amassa mai de 170 televisions e ràdios de tot lo Mond, demandèt ièr a Radiotelevision Espanhòla (RTVE) lo senhal en dirècte del plen del parlament catalan.
Demest los mèdias internacionals, son dins lo Parlament de Catalonha la television alemanda Deutsche Welle, l’estatsunidenca CNN e l’aràbia Al Jazira. I a tanben las agéncias Alamy, Zuma Press, France Presse, Associated Press, Reuters, Bloomberg e Getty Images. Los jornals The Economist e The Guardian i an mandat tanben de correspondents.
La lei que l’apròva uèi la cambra catalana permet als poders politics de Catalonha de realizar de consultas als ciutadans per conéisser lor opinion sus una determinada accion politica publica.
De menaças de l’estat espanhòl
Lo govèrn espanhòl a anonciat que sul pic farà recors contra aquela lei al Tribunal Constitucional. Al delà, l’executiu espanhòl emplegarà “totes los mejans que seràn a sa portada” per empedir lo vòte sobeiranista en Catalonha, segon çò qu’avertiguèt dimars passat lo ministre espanhòl dels afars estrangièrs, José Manuel García-Margallo. Margallo menacèt qu’o fariá “dins la lei, mas tota la lei”, çò que compren tanben la possibilitat de suspension de l’estatut d’autonomia. Margallo, que se definiguèt coma un “patriòta”, assegurèt que lo govèrn espanhòl tolerariá pas en cap de cas la secession de Catalonha e qu’aquel vòte tòca “de linhas rojas” coma “l’unitat d’Espanha e lo principi de legalitat”. “Lo principi qu’avèm jurat de defendre es de respectar la constitucion e las leis e de las far respectar”, çò diguèt lo ministre en un dejunar informatiu amb los ambaissadors de 58 païses.
Lo pòrtavotz parlamentari del Partit Popular, Alfonso Alonso, mercegèt sul pic Margallo d’aver expausat “amb clartat” la posicion del govèrn espanhòl sul referendum sobeiranista e sus las armas qu’a l’estat per l’empedir. “S’aquesta setmana i a una provocacion a la normalitat constitucionala o a la legislacion basica, lo govèrn reagirà e complirà son obligacion”, çò diguèt Alonso en conferéncia de premsa, ont remembrèt que lo govèrn espanhòl demandariá la suspension automatica de la Lei de consultas qu’apròva uèi lo Parlament de Catalonha.
Demest los mèdias internacionals, son dins lo Parlament de Catalonha la television alemanda Deutsche Welle, l’estatsunidenca CNN e l’aràbia Al Jazira. I a tanben las agéncias Alamy, Zuma Press, France Presse, Associated Press, Reuters, Bloomberg e Getty Images. Los jornals The Economist e The Guardian i an mandat tanben de correspondents.
La lei que l’apròva uèi la cambra catalana permet als poders politics de Catalonha de realizar de consultas als ciutadans per conéisser lor opinion sus una determinada accion politica publica.
De menaças de l’estat espanhòl
Lo govèrn espanhòl a anonciat que sul pic farà recors contra aquela lei al Tribunal Constitucional. Al delà, l’executiu espanhòl emplegarà “totes los mejans que seràn a sa portada” per empedir lo vòte sobeiranista en Catalonha, segon çò qu’avertiguèt dimars passat lo ministre espanhòl dels afars estrangièrs, José Manuel García-Margallo. Margallo menacèt qu’o fariá “dins la lei, mas tota la lei”, çò que compren tanben la possibilitat de suspension de l’estatut d’autonomia. Margallo, que se definiguèt coma un “patriòta”, assegurèt que lo govèrn espanhòl tolerariá pas en cap de cas la secession de Catalonha e qu’aquel vòte tòca “de linhas rojas” coma “l’unitat d’Espanha e lo principi de legalitat”. “Lo principi qu’avèm jurat de defendre es de respectar la constitucion e las leis e de las far respectar”, çò diguèt lo ministre en un dejunar informatiu amb los ambaissadors de 58 païses.
Lo pòrtavotz parlamentari del Partit Popular, Alfonso Alonso, mercegèt sul pic Margallo d’aver expausat “amb clartat” la posicion del govèrn espanhòl sul referendum sobeiranista e sus las armas qu’a l’estat per l’empedir. “S’aquesta setmana i a una provocacion a la normalitat constitucionala o a la legislacion basica, lo govèrn reagirà e complirà son obligacion”, çò diguèt Alonso en conferéncia de premsa, ont remembrèt que lo govèrn espanhòl demandariá la suspension automatica de la Lei de consultas qu’apròva uèi lo Parlament de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
saique l'AFP com medià francés... Cal tanben tornar sul punt de vist del ministre francés de las afars estrangièras lo Fabius que disiá que se la separacion de Catalonha de l'Espanha èra votada ,la França reconeiguesse pas la legitimitat de la resulta d'aqueste referendum.....
#1 A la roda de premsa que ha fet el president Mas aquest migdia per comentar el resultat del referèndum escocès, retransmesa en directe pel 3/24, tres periodistes li han fet preguntes en francès, a les quals ell també ha contestat en francès (a més de català, castellà i anglès).
"No passaran !" s'exclaman los catalans. O disiá déjà lo Charles a Peitièrs (pas lo Grand, pas lo..., mes l'Ancien).
#1 I a era AFP
E dins totes aquelos medias internacionaus, ges de francés ??? Los interessa pas, aquo ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari