Actualitats
An començat los referendums populars sus la reünificacion de Bretanha
Se debanèt ièr a Sant-Widel-Skovrid un referendum popular, iniciat per l’associacion DIBAB, qu’ara se deu estendre als autres municipis bretons
Un dels territòris que mai s’es mobilizat dins la reforma territoriala aprovada pel govèrn francés, es Bretanha. S’i esperava qu’amb aquel reordenament e aquela reduccion de regions, París escotariá l’important clam en favor de la reünificacion del departament del Léger Atlantic e de sa capitala, Nantas, amb la region bretona. Mas s’es pas passat ansin: dins la mapa nòva, aquel departament e la capitala istorica bretona rèstan dins la region dels Païses de Léger e perpetuan lo desmembrament de Bretanha decretat pel marescal collaboracionista Philippe Pétain fa mai de setanta ans.
Après de manifestacions nombrosas demandant la reünificacion del Léger Atlantic a la region de Bretanha, dimenge los partisans d’aquela integracion an començat una nòva fasa de la revendicacion amb lo primièr referendum popular sus la question. Se fa a Sant-Widel-Skovrid per iniciativa de l’associacion DIBAB e s’inspira de l’ondada de consultas sus l’independéncia que s’organizèt dins fòrça municipis de Catalonha entre 2009 e 2011, en mai del procès participatiu del 9 de novembre passat.
La consulta de Sant-Widel-Skovrid pausa una dobla question sus l’integracion del Léger Atlantic a la region bretona. Los participants devon respondre a las questions seguentas: “Sètz en favor de la creacion d’una nòva region de Bretanha qu’intègre lo Léger Atlantic e los quatre departaments bretons restants? En cas que òc, sètz en favor de la fusion dels conselhs departamentals e del conselh regional al sen d’una Assemblada de Bretanha?”
DIBAB ara vòl estendre aquel referendum popular al maxim de municipis bretons, compreses los del Léger Atlantic.
Resultats
| Òc | Non | Blanc | |
| Sètz en favor de la creacion d’una nòva region de Bretanha qu’intègre lo Léger Atlantic e los quatre departaments bretons restants? | 75,1% | 22,5% | 2,4% |
| En cas que òc, sètz en favor de la fusion dels conselhs departamentals e del conselh regional al sen d’una Assemblada de Bretanha? | 80,1% | 11,1% | 8,78% |
Participacion: 20% dels inscriches
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que de comentaris per res e sustot de qu'an de fer aqui ? Quin rapòrt amb los referendum populars en Bretanha ?
#12
Vertadierament, presi lo vòstre esperit constructiu. Un plaser.
#11- Que s'interròguen sus mas idèas ? ... N'èi pas, soi un occitan mancat de son gèni nacional per la colonizacion francesa, per parafrasar la granda umanista Simone Weil.
Se n'avètz, vos, sèm salvats.
Bonjorn a tu lo Gèli.
#9
E ben macanicha, avètz pas brica lo sens del segond grau!
Bon vesiadament la vòstra nòrma de la critica es que pòt existir sonque dins una direccion: de vos cap als autres. Fin finala amb aquesta vision unidireccionala benlèu que tant val qu'escriguèssetz pas dins Jornalet: lo risc que de monde se poirián interrogar sus vòstras idèas, en efièit, deu èsser insuportable.
#9
Cristian totara t'ai defendut en tot dire que t'amagavas pas darrièr un escaisnom ...
çò que te prepausa Terric Lausa (comentari n°3) es oneste. Te vòl donar una tribuna per t'exprimir profita ne macarèl ..... se n'i a que te tustan dessus "a gratis" es e serà pas lo teu problema.
Te cal acceptar la critica ... Arretar d'èsser a tengut (sans cesse) dins la critica
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari