Actualitats
Palestina serà membre del TPI a partir del 1r d’abril
Amb aquò poirà presentar de denóncias contra lo govèrn d’Israèl per de crimes de guèrra. Se poirà tanben enseguir los grops armats palestinians
O confirmèt ier lo secretari general de las Nacions Unidas: Ban Gimun (Ban Ki Moon) a comunicat ièr que “l’estat de Palestina” serà membre del Tribunal Penal Internacional (TPI) a partir del 1r d’abril que ven. Lo president palestinian Mahmud Abbas faguèt la demanda d’adesion a la fin de 2014 e a agut una responsa rapida. Amb aquò lo govèrn palestinian poirà presentar de denóncias a aquela cort penala contra lo govèrn d’Israèl per de crimes de guèrra. Aquela mesura permetrà tanben d’enseguir los grops armats palestinians.
Lo primièr ministre israelian, Benjamin Netanyahu, reagiguèt amb vivacitat fa una setmana contra la decision de Palestina en blocant lo pagament mai de 100 milions d’èuros. Segon Netanyahu, lo govèrn palestinian dinamitava las opcions del procès de patz.
Fins al començament de decembre, Palestina participava a las reünions del TPI coma “entitat observaira”. Puèi passèt a “estat observaire”. E a partir d'abril serà un estat membre del tribunal internacional.
Lo primièr ministre israelian, Benjamin Netanyahu, reagiguèt amb vivacitat fa una setmana contra la decision de Palestina en blocant lo pagament mai de 100 milions d’èuros. Segon Netanyahu, lo govèrn palestinian dinamitava las opcions del procès de patz.
Fins al començament de decembre, Palestina participava a las reünions del TPI coma “entitat observaira”. Puèi passèt a “estat observaire”. E a partir d'abril serà un estat membre del tribunal internacional.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 "Enseguir" vòl dire aicí "perseguir", segon un sens atestat dins lo diccionari d'Alibèrt.
Qué vòu díser "enseguir" svp?
L'èi pas trobat dens lo multidiccionari deu congrès...
Que se n'avava temps :-)
Serà pas compres per Israël aquesta plena adesion al TPI coma una caricatura de C.H. que la cal castigar per la sang ?
Òsca!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari