Actualitats
Euròpa a commemorat la liberacion d’Auschwitz de fa 70 ans
Lo 51% dels actes racistas de l’estat francés son antisemitas e mai se los josieus representan l’1% de la populacion
Una ceremònia de la dignitat
Tres cents subrevivents e las delegacions de mai d’un estat europèu èran presents en Polonha ièr de vèspre per commemorar la liberacion del camp d’exterminacion e de concentracion d’Auschwitz-Birkenau. D’efièch lo 27 de genièr de 1945 lo camp foguèt liberat per l’Armada Roja sovietica.
Per l’escasença, un cobèrt blanc èra estat dreiçat a la dintrada del camp, aquí ont lo camin de fèrre rescontra la sinistra siloeta del portal que marca la dintrada del camp. De 15h30 a 18h00 se seguiguèron d’actes de remembrança d’una granda emocion. La ceremònia s’acabèt a la plaça del Monument per las Victimas a Birkenau amb lo depaus de candelas. Un grand suènh de realizacion foguèt donat a la difusion televisuala d’aquel acte per permetre als telespectators d’Euròpa e del Mond de prene part a l’emocion d’aquela jornada tant especiala.
Lo complèxe d’Auschwitz-Birkenau foguèt causit pels nazis per venir lo camp màger de la “solucion finala” qu’aviá per tòca la mòrt de la totalitat dels josieus d’Euròpa. A Auschwitz los nazis assassinèron 1,1 milion de personas (900 000 foguèron gazadas a lor sortida del tren). Lo 90% de las victimas èran de josieus.
Lo freg e la nuèch que tombavan donèron un relèu encara mai fòrt a aquela jornada de dignitat ont l’umanitat mondiala, ièr, èra venguda dire “Jamai pus aquò”.
Una França de mai en mai antisemita
Demest las autoritats de pertot, i èra lo president francés François Hollande. Tristament aquela commemoracion se passa al moment precís que la xenofobia e l’antisemitisme son a créisser dins l’estat francés.
Lo rapòrt 2014 del Servici de Proteccion de la Comunautat Josieva constata una aumentacion del 101% dels actes antisemitas entre 2013 e 2014 que son atal passats de 423 en 2013 a 851 en 2014. Aquelas chifras son encara mai impressionantas quand se pensa que representan lo 51% dels actes racistas de l’estat francés e que los josieus representan sonque l’1% de la populacion francesa.
Los territòris occitans mai tocats per l’antisemitisme son Marselha, Tolosa e Niça qu’an conegut 80 actes antisemitas en 2014. Entrevistat pel jornal francés Le Parisien,Roger Cukierman, president del Conselh Representatiu de las Institucions Josievas de França, declara: “Gaireben la totalitat dels actes son comeses per de joves musulmans, eissits d’una comunautat ont los prejutjats antisemitas son ancorats”. Lo nombre de josieus que se son partits installar dins l’estat d’Israèl passèt de 3293 en 2013 a 7231 en 2014.
TL
Tres cents subrevivents e las delegacions de mai d’un estat europèu èran presents en Polonha ièr de vèspre per commemorar la liberacion del camp d’exterminacion e de concentracion d’Auschwitz-Birkenau. D’efièch lo 27 de genièr de 1945 lo camp foguèt liberat per l’Armada Roja sovietica.
Per l’escasença, un cobèrt blanc èra estat dreiçat a la dintrada del camp, aquí ont lo camin de fèrre rescontra la sinistra siloeta del portal que marca la dintrada del camp. De 15h30 a 18h00 se seguiguèron d’actes de remembrança d’una granda emocion. La ceremònia s’acabèt a la plaça del Monument per las Victimas a Birkenau amb lo depaus de candelas. Un grand suènh de realizacion foguèt donat a la difusion televisuala d’aquel acte per permetre als telespectators d’Euròpa e del Mond de prene part a l’emocion d’aquela jornada tant especiala.
Lo complèxe d’Auschwitz-Birkenau foguèt causit pels nazis per venir lo camp màger de la “solucion finala” qu’aviá per tòca la mòrt de la totalitat dels josieus d’Euròpa. A Auschwitz los nazis assassinèron 1,1 milion de personas (900 000 foguèron gazadas a lor sortida del tren). Lo 90% de las victimas èran de josieus.
Lo freg e la nuèch que tombavan donèron un relèu encara mai fòrt a aquela jornada de dignitat ont l’umanitat mondiala, ièr, èra venguda dire “Jamai pus aquò”.
Una França de mai en mai antisemita
Demest las autoritats de pertot, i èra lo president francés François Hollande. Tristament aquela commemoracion se passa al moment precís que la xenofobia e l’antisemitisme son a créisser dins l’estat francés.
Lo rapòrt 2014 del Servici de Proteccion de la Comunautat Josieva constata una aumentacion del 101% dels actes antisemitas entre 2013 e 2014 que son atal passats de 423 en 2013 a 851 en 2014. Aquelas chifras son encara mai impressionantas quand se pensa que representan lo 51% dels actes racistas de l’estat francés e que los josieus representan sonque l’1% de la populacion francesa.
Los territòris occitans mai tocats per l’antisemitisme son Marselha, Tolosa e Niça qu’an conegut 80 actes antisemitas en 2014. Entrevistat pel jornal francés Le Parisien,Roger Cukierman, president del Conselh Representatiu de las Institucions Josievas de França, declara: “Gaireben la totalitat dels actes son comeses per de joves musulmans, eissits d’una comunautat ont los prejutjats antisemitas son ancorats”. Lo nombre de josieus que se son partits installar dins l’estat d’Israèl passèt de 3293 en 2013 a 7231 en 2014.
TL
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7
ha ha ha (ríser jaune)
#7 Disètz pas la meteissa causa dins lo comentari nº1 e dins lo comentari nº6-7. Manteni que vòstre comentari nº1 conten un argumentari racista. Avètz pas de morala.
#2
Se me coneishèvatz, me traitaretz pas de racista, shèr inconeishut.
Disi pas que los jusius son la causa de l'antisemitisme; disi que la focalisacion sus los jusius mèi que sus los magrebins (per exemple), pòt benlèu contribuar a hèser néisher un sentiment d'injustìcia shes los magrebins o shes los ultra-nacionalistas, etc., que van donc s'en préner aus jusius en pretextant qu'i a un complòt per los victimisar, etc. Disi que fau lutar de la mèma faiçon contra TOTS los tipes de racismes, aquò's tot çò que disi.
#3
E òc.
#2
Se me coneishèvatz, me traitaretz pas de racista, shèr inconeishut.
Disi pas que los jusius son la causa de l'antisemitisme; disi que la focalisacion sus los jusius mèi que sus los magrebins (per exemple), pòt benlèu contribuar a hèser néisher un sentiment d'injustìcia shes los magrebins o shes los ultra-nacionalistas, etc., que van donc s'en préner aus jusius en pretextant qu'i a un complòt per los victimisar, etc. Disi que fau lutar de la mèma faiçon contra TOTS los tipes de racismes, aquò's tot çò que disi.
#3
E òc.
Que cau remembrar que la Shoah non s'apliquet sonque als josieus, mais tanben als gitanos. Se los nazis assassineron plus josieus que gitanos foguet solament perque los josieus eran plus nombroses que los gitanos. Non pas per manca de desir d'aucir-ne mens, de gitanos, per part dels nacional-socialistas. .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari