Actualitats
Peticion publica per gardar e melhorar l’ensenhament de las lengas al collègi
La reforma del collègi prevei que l’ensenhament de las lengas mal nomenadas “regionalas” quite d’èsser una disciplina
L’anonciada reforma de l’educacion als collègis de l’estat francés prevei de marginalizar mai encara l’ensenhament de las lengas minorizadas de l’estat, que quitaràn d’èsser de disciplinas e seràn relegadas a las practicas interdisciplinàrias, amb una ora per setmana. Per mostrar lo desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica vèrs lo Ministèri francés de l’Educacion Nacionala.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Peticion manten e desevolopament de l’ensenhament de las lengas regionalas al collègi
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Peticion manten e desevolopament de l’ensenhament de las lengas regionalas al collègi
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#25 un grandmercé public a la còla dels Amics del Jornalet e un grandmercé a la FELCO. Benlèu avèm cadun d'idèas disparièras mas sèm totes de pèiras de la meteissa paret
#25 Te'n grandmercegi, Maria Joana! :-)
De segur que soi d'accòrdi sus l'ajuda a Jornalet. Vau demandar a la FELCO que i participèssem, seria que per la cronica que nos i es acordada.
Segur que la vida dels mejans d'expression liura es fondamentala ; o sabi pro amb la premsa comunista, la Marseillaise amb sa pagina setmanièra Mesclum (dempuèi 30 ans, tota en occitan !!!) es menaçada, l'Huma viu a còps de soscripcions...
Es pas una justificacion, sonque una informacion, mas me sembla que quand trabalhi coma clavaire de l'associacion del Amics de Jornalet, soi dins l'accion. E es una accion que fau en completa independéncia de tota ideologia (n'aprofièiti per o dire: avètz totes pres vòstre escotisson?). E aquò es pas qu'un tot petit exemple de çò que fau per l'occitan e per Occitània, sens o trompetar de longa.
L'antinacionalisme occitan a pas lo monopòli de l'accion concreta, de la pertinéncia argumentativa e de l'intelligéncia politica. Lo patriotisme occitan democratic tanben es dins l'accion, la pertinéncia e l'intelligéncia politics
Aprofièchi aqueste debat a l'entorn d'una peticion publica qu'ai evidentament signada per vos demandar a totes d'ajudar Jornalet e l'associacion que li pòrta tota son apièja:
http://www.jornalet.com/pagina/2828/los-amics-de-jornalet
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari