Actualitats
19 de mai: jornada de protèstas contra la reforma del collègi
L’occitan e d’autras matèrias seràn relegats als nòus ensenhaments practics interdisciplinaris
Los ensenhaires del país, e quitament de tot l’estat francés, an mostrat majoritàriament son refús a la reforma del collègi amb una jornada de grèva dimars passat, e an organizat de mobilizacions. Los ensenhaires planhon la reforma que la prepausa la ministra francesa de l’Educacion, Najat Vallaud-Belkacem. Segon eles, empejorarà la situacion actuala e possarà una partida dels parents a se n’anar dins l'ensenhament privat. En mai d'aquò, se dison malcontents de la desinformacion de l’administracion e quitament deploran d’“informacions falsas”.
Demièg d’autres aspèctes, aquela reforma cèrca de metre l’accent sus l’aprendissatge de las matèrias que la ministra considèra fondamentalas, e doncas, l’occitan e d’autras matèrias seràn relegats als nòus ensenhaments practics interdisciplinaris (EPI) , amb una ora per setmana.
Divèrses collectius d’ensenhaires manifestèron dimars passat per tot lo país, e quitament se presentèt al ministèri francés de l’Educacion de peticions contra la reforma actuala.
En Occitània se manifestèt a Bordèu, Carcassona, Clarmont-Ferrand, Limòtges, Marselha, Montpelhièr, Mende, Narbona, Nimes, Niça, Tolon e Tolosa.
France 3 de Miègjorn-Pirenèus raportèt la manifestacion de Tolosa, en metent l’accent sus las revendicacions dels professors d’occitan.
L'Occitan dins l'escòla publica 19/05/2015 Tolosaper sami-logos
La revendicacion occitanista a la manifestacion a Montpelhièr foguèt tanplan fòrça nombrosa.
Una peticion de mai de 5500 signaturas
Per mostrar lo desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica devèrs lo Ministèri francés de l’Educacion Estatala, qu’a ja atench mai de 5500 signaturas.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Manifestacion a Peireguers
De mai, se prepara una manifestacion solament per revendicar l’occitan dins l’ensenhament: a l’escòla, al collègi e al licèu, pel 6 de junh que ven a Peireguers (Peiregòrd Central).
Lo Collectiu Occitan Peiregòrd fa una crida a manifestar a Peireguers lo 6 de junh que ven per revendicar l’occitan a l’escòla, al collègi e al licèu. Dins aquel sens, lo collectiu demanda a las associacions, als amoroses de la lenga e de la cultura, als escolans, als elegits e a tot lo mond de bona volontat d’i participar.
Demièg d’autres aspèctes, aquela reforma cèrca de metre l’accent sus l’aprendissatge de las matèrias que la ministra considèra fondamentalas, e doncas, l’occitan e d’autras matèrias seràn relegats als nòus ensenhaments practics interdisciplinaris (EPI) , amb una ora per setmana.
Divèrses collectius d’ensenhaires manifestèron dimars passat per tot lo país, e quitament se presentèt al ministèri francés de l’Educacion de peticions contra la reforma actuala.
En Occitània se manifestèt a Bordèu, Carcassona, Clarmont-Ferrand, Limòtges, Marselha, Montpelhièr, Mende, Narbona, Nimes, Niça, Tolon e Tolosa.
France 3 de Miègjorn-Pirenèus raportèt la manifestacion de Tolosa, en metent l’accent sus las revendicacions dels professors d’occitan.
L'Occitan dins l'escòla publica 19/05/2015 Tolosaper sami-logos
La revendicacion occitanista a la manifestacion a Montpelhièr foguèt tanplan fòrça nombrosa.
Una peticion de mai de 5500 signaturas
Per mostrar lo desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica devèrs lo Ministèri francés de l’Educacion Estatala, qu’a ja atench mai de 5500 signaturas.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Manifestacion a Peireguers
De mai, se prepara una manifestacion solament per revendicar l’occitan dins l’ensenhament: a l’escòla, al collègi e al licèu, pel 6 de junh que ven a Peireguers (Peiregòrd Central).
Lo Collectiu Occitan Peiregòrd fa una crida a manifestar a Peireguers lo 6 de junh que ven per revendicar l’occitan a l’escòla, al collègi e al licèu. Dins aquel sens, lo collectiu demanda a las associacions, als amoroses de la lenga e de la cultura, als escolans, als elegits e a tot lo mond de bona volontat d’i participar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#18 A un moment indiscutible d'unitat nacionala, perqué voler crear una polemica?
#4 E la cauma de la fam de Grosclaude, es un "occitanisme minimalista"? Fa pas partit dels occitanistas oficials que denonciatz coma ploraires e esperant tot de la Republica Francesa Occitanifòba?
#16 La realitat es la realitat, de segur, mas o vesi coma un objectiu.
#15 Demandar l'ensenhament obligatòri de l'occitan sens aver pro de personas capablas d'ensenhar a 10 % dels escolans del primari, sabi pas s'es « una vergonha » o un « vièlh reflèxe diglossic », mas es la realitat.
Mas per anar dins ton sens, cresi que demandar l'ensehament obligatòri d'una lenga non oficiala es una vergonha.
Que tantes occitanistas refusen encara de luchar per l'ensenhament obligatòri de l'occitan es la pròva que lo temps de la vergonha, dels vièlhs reflèxes diglossics, non es pas acabat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari