Actualitats
La Legion Estrangièra de l’armada francesa se va installar en Larzac
Lo Causse de Larzac es sinonim d’una lucha ciutadana dins los ans 1970 contra l’extension d’aquel camp militar
La 13a mièja brigada de la Legion Estrangièra de l’armada francesa se va installar en Larzac. Es previst qu’en 2016 i aja una basa de 450 òmes per passar a un milièr dins los ans venents. Lo Ministèri de la Defensa francés afirma que “se restarà estrictament dins lo perimètre del camp existent”. Lo Causse de Larzac es sinonim d’una lucha dels ciutadans occitans dins los ans 1970 contra l’extension d’aquel camp militar.
La mièja brigada que ven per s’installar al país, ara se tròba als Emirats Arabis Units dempuèi 2011 e los 49 ans precedents èra estacionada en Jiboti. Se creèt en Argeria en febrièr de 1940 e combatèt en Indochina e Argeria. Son efectiu actual es de 70 òmes, qu’aumentarà a 450 òmes quand seràn en Larzac per passar progressivament a un milièr. Sembla que “la Legion recruta pus aisidament que d’autres còrses d’armada”, çò precisa France 3 de Miègjorn-Pirenèus.
Aquela installacion arriba dins l’encastre de la restructuracion de las armadas francesas prevista en 2016, qu’un total de 4500 emplecs, civils e militars, seràn suprimits dins l’encastre d’un vast plan pluriannual de restructuracions, mas 6800 autres emplecs seràn creats per refortir l’armada de tèrra, en primièra linha dins la “proteccion del territòri” e tanben per la ciberdefensa.
La lucha antimilitarista de Larzac
Larzac es un país occitan agricòla, famós dins lo Mond entièr per la produccion del formatge de Ròcafòrt. Mas Larzac venguèt tanben conegut per la resisténcia dels ans 1970 que portèt Occitània a las primièras paginas dels mèdias per sa lucha contra l’estat. En 1970, lo ministre de la defensa francés Michel Debré crompèt per l’armada francesa lo Plan de Canjuers (Draguinhanenc), de 35 000 ectaras, per i far un poligòn militar de tir. E mai, a Canjuers, l’estat francés evacuèt de fòrça lo vilatge de Bròva de 1970 a 1972. E voliá far puèi, aut o bas, la meteissa causa sul Causse de Larzac. Aquel segond camp de tir en Occitània provocariá la pèrda de 107 esplechas agricòlas, de 25 000 fedas, d’1,3 milion de tonas de lach e de damatges economics e ecologics irreparables. Los 107 proprietaris de Larzac volguèron pas vendre lors proprietats e en 1971 Occitània tota los sostenguèt.
Organizèron una “tractorada” de Rodés a Orléans, e a París empliguèron la Tor Eiffel amb de fedas. Lo movement Lucha Occitana desvolopèt l’activisme e a partir de 1973 organizèt de concentracions multitudinàrias e d’accions de divèrses cantautors occitans, e en 1974 culminèt amb l’acte nomenat “Gardarem lo Larzac”, amb 100 000 personas acampadas, dont lo quite François Mitterrand, lo pacifista Joseph Lanza del Vasto, los salariats de Lip e mai de representants dels indians nòrd-americans, dels sindicats e dels nacionalistas còrses e irlandeses. Amb aquela pression, en 1978 s’èran vendudas solament 1500 de las 13 000 ectaras necessàrias pel projècte.
Çai jos publicam un reportatge vidèo de Rouzane Avinissian e Luc Tazelmati emés per France 3 Miègjorn-Pirenèus.
La mièja brigada que ven per s’installar al país, ara se tròba als Emirats Arabis Units dempuèi 2011 e los 49 ans precedents èra estacionada en Jiboti. Se creèt en Argeria en febrièr de 1940 e combatèt en Indochina e Argeria. Son efectiu actual es de 70 òmes, qu’aumentarà a 450 òmes quand seràn en Larzac per passar progressivament a un milièr. Sembla que “la Legion recruta pus aisidament que d’autres còrses d’armada”, çò precisa France 3 de Miègjorn-Pirenèus.
Aquela installacion arriba dins l’encastre de la restructuracion de las armadas francesas prevista en 2016, qu’un total de 4500 emplecs, civils e militars, seràn suprimits dins l’encastre d’un vast plan pluriannual de restructuracions, mas 6800 autres emplecs seràn creats per refortir l’armada de tèrra, en primièra linha dins la “proteccion del territòri” e tanben per la ciberdefensa.
La lucha antimilitarista de Larzac
Larzac es un país occitan agricòla, famós dins lo Mond entièr per la produccion del formatge de Ròcafòrt. Mas Larzac venguèt tanben conegut per la resisténcia dels ans 1970 que portèt Occitània a las primièras paginas dels mèdias per sa lucha contra l’estat. En 1970, lo ministre de la defensa francés Michel Debré crompèt per l’armada francesa lo Plan de Canjuers (Draguinhanenc), de 35 000 ectaras, per i far un poligòn militar de tir. E mai, a Canjuers, l’estat francés evacuèt de fòrça lo vilatge de Bròva de 1970 a 1972. E voliá far puèi, aut o bas, la meteissa causa sul Causse de Larzac. Aquel segond camp de tir en Occitània provocariá la pèrda de 107 esplechas agricòlas, de 25 000 fedas, d’1,3 milion de tonas de lach e de damatges economics e ecologics irreparables. Los 107 proprietaris de Larzac volguèron pas vendre lors proprietats e en 1971 Occitània tota los sostenguèt.
Organizèron una “tractorada” de Rodés a Orléans, e a París empliguèron la Tor Eiffel amb de fedas. Lo movement Lucha Occitana desvolopèt l’activisme e a partir de 1973 organizèt de concentracions multitudinàrias e d’accions de divèrses cantautors occitans, e en 1974 culminèt amb l’acte nomenat “Gardarem lo Larzac”, amb 100 000 personas acampadas, dont lo quite François Mitterrand, lo pacifista Joseph Lanza del Vasto, los salariats de Lip e mai de representants dels indians nòrd-americans, dels sindicats e dels nacionalistas còrses e irlandeses. Amb aquela pression, en 1978 s’èran vendudas solament 1500 de las 13 000 ectaras necessàrias pel projècte.
Çai jos publicam un reportatge vidèo de Rouzane Avinissian e Luc Tazelmati emés per France 3 Miègjorn-Pirenèus.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Al delà del simbolisme cal considerar que
le centre de tir s arresta e s'en va alhors, benleu es una bona causa per las aurilhas
per onte donc ? quals seran los benuroses eretiers ??? benleu om tirara plus, qu sap?
segondament los elegits comunaus dison d'acordi...segur qqu an la gent darer els... pensi que los cal respectar
demai se disen e s audis sense autra garantia d alhors que lo camp ges non s espandira...l aviener nos lo dira
Ni i a donc ni lo costat possa-te-que m asset lo tafanarii ni lo costat perda d activitat
Anatz en patz fedas de mon aver
Canjuers, Larzac. Seriá interessant de saber coma se passèt l'engatjament occitanista dins lei dos luecs!
Bondieu, cu porriá nos va dire dins lei personalitats "istoricas" occitanistas???
#4 Normal ! França non es un país. Non es un estat. França es un empèri colonial qu'a començat de s'espandir fa mai de uèt sègles. L'agèssem daissada far, auriá colonizada Euròpa tota, fins a Moscòva !
"Gardarem lo Larzac”, amb 100 000 personas acampadas, dont lo quite François Mitterrand,"
Las promessas de Mitterrand amb son discors de 1981 a Lorient per la legalitat de las lengas dichas regionalas. Quina galejada son sosten.
#4 Los Emirats son pas de colonias... Tot comptat e rebatut, quin bilanç per l'occitanisme politic despuèi los ans 1970?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari