Actualitats
Besièrs poiriá celebrar lo primièr Festenal Internacional del kebap
L’eveniment pren forma en reaccion a las declaracions polemicas del primièr cònsol contra aquela mangisca, que per el es pas “judeocrestiana”
S’organizèt sus Facebook coma una galejada per contestar las declaracions polemicas del primièr cònsol de Besièrs contra los restaurants de kebap, e fin finala l’eveniment a ara mai de 48 000 participants confirmats e se poirà ben debanar, segon çò previst, lo 5 de mai que ven.
Ménard a protagonizat tornarmai un episòdi de racisme e xenofobia que serà, ironicament, l’origina de l’eveniment. “Quand i a tròp d’immigrats dins un país, aquò es tròp d’immigrats. [...] Dins l’encastre alimentari, tròp de kebaps, aquò es tròp. [...] Donc se deman de novèls kebaps vòlon dobrir dins lo centre vila, e n’i a ja un vintentat, dirai de non”, çò declarèt lo cònsol racista sostengut pel Front Nacional davant las camèras del programa de television Envoyé Spécial, dins una emission que se difondèt lo 29 d’octòbre passat.
Es en reaccion a aqueles prepauses que Baptiste Fluzin, director de creacion dins una agéncia de comunicacion, decidiguèt de lançar aquel festenal, qu’a l’ora d’ara es encara fantasiós.
Envoyé spécial. Robert Ménard déclare la guerre au kebab
Ménard a protagonizat tornarmai un episòdi de racisme e xenofobia que serà, ironicament, l’origina de l’eveniment. “Quand i a tròp d’immigrats dins un país, aquò es tròp d’immigrats. [...] Dins l’encastre alimentari, tròp de kebaps, aquò es tròp. [...] Donc se deman de novèls kebaps vòlon dobrir dins lo centre vila, e n’i a ja un vintentat, dirai de non”, çò declarèt lo cònsol racista sostengut pel Front Nacional davant las camèras del programa de television Envoyé Spécial, dins una emission que se difondèt lo 29 d’octòbre passat.
Es en reaccion a aqueles prepauses que Baptiste Fluzin, director de creacion dins una agéncia de comunicacion, decidiguèt de lançar aquel festenal, qu’a l’ora d’ara es encara fantasiós.
Envoyé spécial. Robert Ménard déclare la guerre au kebab
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E romega tanben contre los Mc Donalds lo Menard?
A ieu m'agradan los kebabs turcs, las pizzas italianas, los burgers estatsunidencs o los croque-monsieurs franceses. Aquestas importacions estrangièrasa l'origina, ara occitanizadas, embelinan l'ofèrta de repaisses rapids.
Dins ma vilòta la kebabariá es tenguda per un occitan de soca e de rasiga. Los sieus kebabs son un delici.
Ménard es un aissable.
#2 En çò mieu son las pizzerias qu'envasisson tot. Mas cap d'italian dabans los forns. ;-)
Es aital que lo FN arriba a tener l'atencion dels mediàs. De frasas trucantas per far de polemicas qu'an pas ges d'interès.
A tolerar l'intolerança la paraula publica se tròba arrapada per de personas que nos asagan sens fin d'ondadas de qué que siá.
Se lo quebab es amb de trufas fregidas en luòc de bolgor coma fan ara, avalisca! Se lo pòdon gardar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari