Actualitats
França fa un omenatge patriotic a las victimas dels atemptats de París
Hollande a demandat a cada ciutadan de la Republica de “pavesar” cada abitatge amb un drapèl blau-blanc-roge
França fa uèi un omenatge a las 130 personas tuadas e als centenats de ferits dins los atemptats del 13 de novembre a París. La ceremònia, que s’anóncia plan sòbria, la protagoniza unicament lo president francés François Hollande, e se ten a 10h30, retransmesa en dirècte per divèrsas cadenas de television.
Per aquel omenatge, las autoritats francesas tornan utilizar la tragèdia dins un acte d’adesion massissa e non critica a la Republica. Dins aquel sens, Hollande a demandat a cada ciutadan de la Republica de “pavesar” cada abitatge amb un drapèl blau-blanc-roge.
De parents de las victimas que boicòtan l’eveniment
Aquela sòrta d’omenatge nacional en format d’exaltacion patriotica a pas agradat a totòm. La sòrre de François-Xavier Prévost, assassinat a París al Bataclan, a fach una crida sus Facebook per boicotar la ceremònia, ja que considèra los politicians “coma partida responsabla de çò que nos arriba”. Cal dire que sa publicacion es ja partejada mai de 27 000 còps. Tanpauc i participa pas lo paire de la vitima Aurelie de Peretti; aquel paire, un occitan del país de las Mauras, repròcha al govèrn francés la manca de seguretat e preferís rendre omenatge a las victimas a Sant Tropetz.
Iniciativa per Occitània “contra la manipulacion”
Dins un comunicat entitolat “Contra la terror, contra la manipulacion”, Iniciativa per Occitània exprimís sa dolor davant los atemptats e rend omenatge a las victimas del temps que sosten la lucha dirècta contra l’Estat Islamic. Condemnan, d’un costat, l’estrategia jihadista “que cèrca, aicí en Euròpa, d’installar d’òdi entre los musulmans e la rèsta de la populacion” e, a l’encòp, critican durament “l’embrigadament dins lo chauvinisme francés qu’es menat ara per lo govèrn francés”. Dins aquel sens, precisan lor posicion aital: “refusam de nos considerar franceses e d’arborar de drapèls franceses car nòstra cultura occitana es assassinada per la politica centralista de l’estat francés”.
De messatges similars de refús de l’emplec del drapèl francés se pòdon veire dins d’autres sits occitanistas, coma lo blòg Occitan-Toarèg ont Joan-Marc Pellet defend que lo drapèl francés serà pas a sa fenèstra, pas per “oblit” mas coma “un acte politic”.
Per aquel omenatge, las autoritats francesas tornan utilizar la tragèdia dins un acte d’adesion massissa e non critica a la Republica. Dins aquel sens, Hollande a demandat a cada ciutadan de la Republica de “pavesar” cada abitatge amb un drapèl blau-blanc-roge.
De parents de las victimas que boicòtan l’eveniment
Aquela sòrta d’omenatge nacional en format d’exaltacion patriotica a pas agradat a totòm. La sòrre de François-Xavier Prévost, assassinat a París al Bataclan, a fach una crida sus Facebook per boicotar la ceremònia, ja que considèra los politicians “coma partida responsabla de çò que nos arriba”. Cal dire que sa publicacion es ja partejada mai de 27 000 còps. Tanpauc i participa pas lo paire de la vitima Aurelie de Peretti; aquel paire, un occitan del país de las Mauras, repròcha al govèrn francés la manca de seguretat e preferís rendre omenatge a las victimas a Sant Tropetz.
Iniciativa per Occitània “contra la manipulacion”
Dins un comunicat entitolat “Contra la terror, contra la manipulacion”, Iniciativa per Occitània exprimís sa dolor davant los atemptats e rend omenatge a las victimas del temps que sosten la lucha dirècta contra l’Estat Islamic. Condemnan, d’un costat, l’estrategia jihadista “que cèrca, aicí en Euròpa, d’installar d’òdi entre los musulmans e la rèsta de la populacion” e, a l’encòp, critican durament “l’embrigadament dins lo chauvinisme francés qu’es menat ara per lo govèrn francés”. Dins aquel sens, precisan lor posicion aital: “refusam de nos considerar franceses e d’arborar de drapèls franceses car nòstra cultura occitana es assassinada per la politica centralista de l’estat francés”.
De messatges similars de refús de l’emplec del drapèl francés se pòdon veire dins d’autres sits occitanistas, coma lo blòg Occitan-Toarèg ont Joan-Marc Pellet defend que lo drapèl francés serà pas a sa fenèstra, pas per “oblit” mas coma “un acte politic”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
qué marrit professor fau en laissant passar de fautas degudas a meis iniufisanças e a mei gros dets sus lo clavier mistolin de l'ordinator, me pensi qu'avetz restablit drap e cache. lo mot francés inconegut que dona Honnorat targe es tinteina qu'ei pereu recensat dins son diccionari :échelle sur la&quelle les jouteurs (targaires)se toiennent pour combattre la targa=les joutes, en mai d'aquò, fai pre tinteina se ditz dei pichots enfants au breç -o pus tard, qu'empachan lei parents de durmir
pavoiser se ditz en oc abandeirar, vocabla que se pòt trobar dins lo diccionari tot en oc dins aqueu cas consurtem Honnorat pus seriósque lo TDF de Mistral PAVES espéce de gros bouclier dont les anciens se servaient... une targe (?) de jouteur PAVESADA : pavesade, pavois, bandes d'ètoffes donbt on entoure le p^lat-bord d'un vaisseau PAVESAR mettre un bout de drpa ou de toile rouge pour ,acdher les soldats e enfin PAVOUASAR pavoiser, mot pris au français v. abandeirar
Me sembla que lo cònsol de Besièrs aviá interdich de penjar las pelhas a las fenèstras.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari