Actualitats
Eleccions legislativas en Espanha: l’estat ven ingovernable
Solament poiriá governar una coalicion PP-PSÒE o un pache d’esquèrra entre PSÒE, Podèm amb los independentistas catalans
Se confirma los pronostics de las eleccions legislativas e l’estat espanhòl ven ingovernable. Solament se poiriá formar govèrn amb un pache del Partit Popular (PP) e del Partit Socialista (PSÒE) o ben amb una granda coalicion de las esquèrras (PSÒE e Podèm) amb lo sosten dels independentistas catalans qu’auràn 17 representants al Congrès dels Deputats a Madrid.
Lo PP es lo partit mai votat, e mai s’a perdut la majoritat absoluda qu’aviá. En 2011 ganhèt las eleccions amb lo 44,63% dels vòtes e aqueste còp n’a obtengut lo 28%. Tanben lo PSÒE a perdut un bon nombre de vòtes e mai se demòra segonda fòrça amb lo 22%. Mas la nòva mai remarcabla d’aquelas eleccions es que lo bipartidisme es acabat en Espanha amb l’espelida de la coalicion esquerrista de Podèm e del partit drechista Ciutadans. Podèm es intrat a la cambra parlamentària espanhòla amb fòrça (lo 20% dels vòtes) del temps que Ciutadans intra amb lo 13%, un resultat considerable e mai s’es fòrça mai bas de çò qu’esperavan.
Los independentistas catalans son intrats tanben amb fòrça al Congrès dels Deputats ont Esquèrra Republicana de Catalonha (ÈRC) aumenta sa representacion e Democracia e Libertat (DL), partit eiretièr de Convergéncia Democratica (CDC), ten los deputats qu’aviá amb la coalicion de Convergéncia e Union (CIU), e mai s’Union Democratica (UDC) despareis de las Corts espanhòlas.
Amb lo sosten de plusors movements d’esquèrra, Podèm a ganhat amb fòrça dins los Païses Catalans. La fòrça esquerrista a fach una campanha consagrada a postular un referendum independentista en Catalonha, e solament pacharàn amb qui se i engatge. Cal soslinhar que Podèm a totjorn revendicat qu’es pas per ni contra l’independéncia de Catalonha e Aran.
En Aran, lo Partit Socialista (PSÒE), amb lo sosten d’Unitat d’Aran, es la fòrça mai votada amb mai del 22% dels vòtes, seguit de Ciutadans amb lo 21%. Seguisson lo Partit Popular amb lo 18,7%, Podèm amb lo 17,88%, DL amb l’11,47% e ÈRC amb lo 6,85%.
Nicolau Rei Bèthvéder: Eleccions espanhòlas: Catalonha decidirà
Resultats oficials sul sit del Ministèri de l’interior
Lo PP es lo partit mai votat, e mai s’a perdut la majoritat absoluda qu’aviá. En 2011 ganhèt las eleccions amb lo 44,63% dels vòtes e aqueste còp n’a obtengut lo 28%. Tanben lo PSÒE a perdut un bon nombre de vòtes e mai se demòra segonda fòrça amb lo 22%. Mas la nòva mai remarcabla d’aquelas eleccions es que lo bipartidisme es acabat en Espanha amb l’espelida de la coalicion esquerrista de Podèm e del partit drechista Ciutadans. Podèm es intrat a la cambra parlamentària espanhòla amb fòrça (lo 20% dels vòtes) del temps que Ciutadans intra amb lo 13%, un resultat considerable e mai s’es fòrça mai bas de çò qu’esperavan.
Los independentistas catalans son intrats tanben amb fòrça al Congrès dels Deputats ont Esquèrra Republicana de Catalonha (ÈRC) aumenta sa representacion e Democracia e Libertat (DL), partit eiretièr de Convergéncia Democratica (CDC), ten los deputats qu’aviá amb la coalicion de Convergéncia e Union (CIU), e mai s’Union Democratica (UDC) despareis de las Corts espanhòlas.
Amb lo sosten de plusors movements d’esquèrra, Podèm a ganhat amb fòrça dins los Païses Catalans. La fòrça esquerrista a fach una campanha consagrada a postular un referendum independentista en Catalonha, e solament pacharàn amb qui se i engatge. Cal soslinhar que Podèm a totjorn revendicat qu’es pas per ni contra l’independéncia de Catalonha e Aran.
En Aran, lo Partit Socialista (PSÒE), amb lo sosten d’Unitat d’Aran, es la fòrça mai votada amb mai del 22% dels vòtes, seguit de Ciutadans amb lo 21%. Seguisson lo Partit Popular amb lo 18,7%, Podèm amb lo 17,88%, DL amb l’11,47% e ÈRC amb lo 6,85%.
Resultats oficials sul sit del Ministèri de l’interior
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Oc se pot far un govern de progrés, se lo PSOE vol pactar amb Podem e los partits nacionalistas. Podem qu'es reconega que Catalunha és una nació, e que tenga un concert econòmic,e ficar a la preson als banquers privats que tornen tornen pas los diners que los varen daissar e far una reforma laboral, e suprimir lo Senat, suprimir las guerras dels iancos, e far un estat neutral,...
Se la pèsta bruna a perdut li regionalas, e m'en regaudissi , caurà pas demembrar que set milions de gents represéntan una resèrva potenciala per lu frontistas. E aquelu an pas dich lo sieu darrier mòt perqué ne son ben conscients. Lo bipartisme a l'espanhòla es pas per deman en aquela República que nos gonfla de lònga embe li sieu"valors" : libertat, egalitat (pas per toi !), fraternitat e...delacion ! frança es una dictatura qu'auja pas dire lo sieu nom.
ei la fin dau bipartidisme a l'estat espanhòu -coma a l'estat francés. mai au contra de la nòstra republica que s'estrangla dins sei valors, manca lo front nacionau, la pèsta bruna segons l'expression d'unei pèrdents deis eleccions regionalas, qu'estimagtiza 6 milions 800 00 electors, mai te venga la mala-poison, coma conciliar aquela estigmatizacion amb l'autra, qu'ei severament e moralament enebida tocant lei 6 a 8 milions de musulmans, que podèm pas criticar sensa èstre taussat d'islamofòbia ? coma que ne siá l'espanha deurrà faie coma lei tres quarts dei democracias europencas de govèrn de coalicion, e aquò presenta un cèrt avantatge, que lo sistèma presidenciau francés incita lei partits a faire de promessas electoralas que a 70 o 80 dau cent seràn pas tengudas. En Alemanha, per exemple, lo programa dei partits ei pas exaustiu, fan lei grandas linhas e se perdon pas dins lei detalhs e aquò li permete de se coalizar en establissent un programa comun negociat entre eli e de governar, l'estat espanhòu s'encamina devèrs un tau sistèma democratic e non pas autoritari coma lo nòstre, que lo president de la republica deten de poder cent cops mai que lo rei d'Espanha
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari