Actualitats
La vila de Calais protegirà los graffitis de Banksy
Aquelas òbras d’art que denóncian la crisi dels refugiats son “una oportunitat per la vila” segon la consolessa
La vila de Calais protegirà los graffitis de Banksy. Lo mai remarcable es fach dins un campament de refugiats e mòstra lo fondador d’Apple, Steve Jobs, representat coma un refugiat amb una sac sus l’espatla e un dels primièrs modèls d’ordenador d’Apple. “Remarquèrem la preséncia d’aquela òbra d’art e avèm decidit de la protegir”, çò declarèt al mièg de decembre la consolessa de Calais a Nord Littoral. Aquela, amb d’autras òbras d’art d’aquel campament de refugiats, son “una oportunitat per la vila”, çò diguèt.
Banksy es un artista de carrièra engatjat e fòrça conegut e mai se se desconeis son identitat. El expliquèt lo sens de l’òbra als mèdias britanics e sus son compte de Facebook: “Apple existís solament pr’amor que las autoritats dels Estats Units permetèron a un jove d’Hòms, en Siria, d’intrar al país”, e aquel sirian èra lo paire d’Steve Jobs. “Sovent nos vòlon far creire que l’immigracion es una carga per las ressorsas d’un país mas Steve Jobs èra filh d’un immigrant sirian”, çò escriguèt Banksy, conegut per sas òbras muralas ironicas en d’endreches susprenents.
Al delà dels campaments, Banksy a fach d’autras òbras a Calais. Dins una zòna de la plaja, se pòt veire un enfant que regarda vèrs lo Reialme Unit a travèrs d’un telescòpi que sus el s’es pausat un voltor. Près de l’ofici de l’immigracion de la vila se pòt veire una version del Radèl de la Medusa, una òbra plan coneguda del sègle XIX del pintor francés Théodore Gericault que mòstra los subrevivents d’un naufragi ensajant d’atraire l’atencion d’un iòt modèrne a l’orizont. Lo sit web de l’artista descriu aquela òbra en precisant: “sèm pas totes dins lo meteis vaissèl”.
Aperaquí 6000 personas subrevivon dins los campaments de Calais, coneguts coma “la Jungle” (la Jogla), e d’ailà assajan en d’escasenças repetidas d’aténher lo sòl britanic en sautant dins los camions, en s’amagant dins los trens o en caminant a travèrs de l’Eurotunnel. Fugisson la guèrra e la pauretat.
De legir: “Mas, de bon, es aquò Euròpa?”: las condicions desesperantas dels migrants a Calais” (Jornalet 3.8.2015)
Banksy es un artista de carrièra engatjat e fòrça conegut e mai se se desconeis son identitat. El expliquèt lo sens de l’òbra als mèdias britanics e sus son compte de Facebook: “Apple existís solament pr’amor que las autoritats dels Estats Units permetèron a un jove d’Hòms, en Siria, d’intrar al país”, e aquel sirian èra lo paire d’Steve Jobs. “Sovent nos vòlon far creire que l’immigracion es una carga per las ressorsas d’un país mas Steve Jobs èra filh d’un immigrant sirian”, çò escriguèt Banksy, conegut per sas òbras muralas ironicas en d’endreches susprenents.
Al delà dels campaments, Banksy a fach d’autras òbras a Calais. Dins una zòna de la plaja, se pòt veire un enfant que regarda vèrs lo Reialme Unit a travèrs d’un telescòpi que sus el s’es pausat un voltor. Près de l’ofici de l’immigracion de la vila se pòt veire una version del Radèl de la Medusa, una òbra plan coneguda del sègle XIX del pintor francés Théodore Gericault que mòstra los subrevivents d’un naufragi ensajant d’atraire l’atencion d’un iòt modèrne a l’orizont. Lo sit web de l’artista descriu aquela òbra en precisant: “sèm pas totes dins lo meteis vaissèl”.
Aperaquí 6000 personas subrevivon dins los campaments de Calais, coneguts coma “la Jungle” (la Jogla), e d’ailà assajan en d’escasenças repetidas d’aténher lo sòl britanic en sautant dins los camions, en s’amagant dins los trens o en caminant a travèrs de l’Eurotunnel. Fugisson la guèrra e la pauretat.
De legir: “Mas, de bon, es aquò Euròpa?”: las condicions desesperantas dels migrants a Calais” (Jornalet 3.8.2015)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca Banksy ! Un brave sosten per la vila de Calais e un messatge pacifiste clar per Franca. Lo musèu dins la carrièra vaqui la consciéncia viventa l'art per tots e a tots.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari