Actualitats
La Corèa del Nòrd confirma qu’a fach espetar una bomba d’idrogèn
Gim Jeongeun (Kim Jong-un) aviá ja anonciat que lo país n’aviá la tecnologia mas òm considerèt qu’exagerava
La Corèa del Nòrd confirmèt ièr de matin que faguèt espetar una bomba d’idrogèn —o bomba H— dins lo quatren ensag nuclear d’aquel país. Los tres ensages precedents èran estats amb de bombas atomicas de tipe bomba A. La detonacion provoquèt un tèrratrem de magnitud 4,9 o 5,1 segon las fonts. Aquò desvelhèt sus lo còp la mesfisança dels païses vesins abans que lo govèrn nòrd-corean publiquèsse lo comunicat oficial que confirmava l’ensag.
Segon lo comunicat oficial, la detonacion d’aquela bomba es liada al besonh d’aumentar las defensas del país “davant l’agression dels Estats Units e de lors aliats”. Lo govèrn de la Corèa del Sud convoquèt sul pic una reünion d’urgéncia.
En decembre passat, lo dirigent nòrd-corean Gim Jeongeun (Kim Jong-un) aviá ja anonciat que lo país aviá la tecnologia per far detonar una bomba d’idrogèn mas òm considerèt qu’exagerava.
L’arma mai destructiva qu’existís a l’ora d’ara
Una bomba d’idrogèn, tanben nomenada bomba H o bomba termonucleara, a una capacitat destructiva fòrça granda. Se servís de la fusion nucleara dels atòms pesants de l’idrogèn per ne crear un d’èli. Aquela reaccion libèra fòrça calor e una granda quantitat d’energia, çò que ne fa la bomba amb mai de capacitat de destruccion qu’existís a l’ora d’ara.
Los mèdias ne parlavan ièr, espantats qu’èran, pr’amor qu’aital se confirma que la Corèa del Nòrd a aumentat considerablament sas capacitats militaras.
Ça que la, certans expèrts dobtan encara que la Corèa del Nòrd aja pogut fabricar realament una bomba d'idrogèn.
Un desenat de païses amb d’armas nuclearas
A l’ora d’ara son un desenat d’estats qu’an d’armas nuclearas. D’un costat i a los membres del Tractat de Non-Proliferacion Nucleara: los Estats Units, Russia, lo Reialme Unit, França, China, Índia e Paquistan. Tanplan òm crei qu’Israèl auriá d’armas nuclearas e mai s’aquel país o a pas jamai confirmat nimai desmentit. Aquela suposicion compren tanben Sud-Africa, amb qui Israèl auriá desvolopat la bomba atomica. Tanben Iran es observat amb atencion perque lo programa nuclear iranian revelha d’inquietuds. Las grandas poténcias mondialas son scepticas sus l’usatge civil de la tecnologia nucleara qu’Iran pretend desvolopar car aquel país possedís ja una resèrva enòrma de petròli.
Segon lo comunicat oficial, la detonacion d’aquela bomba es liada al besonh d’aumentar las defensas del país “davant l’agression dels Estats Units e de lors aliats”. Lo govèrn de la Corèa del Sud convoquèt sul pic una reünion d’urgéncia.
En decembre passat, lo dirigent nòrd-corean Gim Jeongeun (Kim Jong-un) aviá ja anonciat que lo país aviá la tecnologia per far detonar una bomba d’idrogèn mas òm considerèt qu’exagerava.
L’arma mai destructiva qu’existís a l’ora d’ara
Una bomba d’idrogèn, tanben nomenada bomba H o bomba termonucleara, a una capacitat destructiva fòrça granda. Se servís de la fusion nucleara dels atòms pesants de l’idrogèn per ne crear un d’èli. Aquela reaccion libèra fòrça calor e una granda quantitat d’energia, çò que ne fa la bomba amb mai de capacitat de destruccion qu’existís a l’ora d’ara.
Los mèdias ne parlavan ièr, espantats qu’èran, pr’amor qu’aital se confirma que la Corèa del Nòrd a aumentat considerablament sas capacitats militaras.
Ça que la, certans expèrts dobtan encara que la Corèa del Nòrd aja pogut fabricar realament una bomba d'idrogèn.
Un desenat de païses amb d’armas nuclearas
A l’ora d’ara son un desenat d’estats qu’an d’armas nuclearas. D’un costat i a los membres del Tractat de Non-Proliferacion Nucleara: los Estats Units, Russia, lo Reialme Unit, França, China, Índia e Paquistan. Tanplan òm crei qu’Israèl auriá d’armas nuclearas e mai s’aquel país o a pas jamai confirmat nimai desmentit. Aquela suposicion compren tanben Sud-Africa, amb qui Israèl auriá desvolopat la bomba atomica. Tanben Iran es observat amb atencion perque lo programa nuclear iranian revelha d’inquietuds. Las grandas poténcias mondialas son scepticas sus l’usatge civil de la tecnologia nucleara qu’Iran pretend desvolopar car aquel país possedís ja una resèrva enòrma de petròli.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari