Actualitats
L’expansion del virus Zika contunha
Comença d’èsser considerat coma una malautiá nautament perilhosa per las femnas prenses
Los primièrs cases de femnas prenses alertèron tota la planeta. Fa solament qualques meses que divèrsas femnas colombianas e veneçolanas qu’èran estada ponhudas per de moissals e qu’avián la malautiá del Zika, enfantèron d’enfants amb de malformacions cranialas grèvas. E los mètges poguèron pas dire res sus las causas o l’origina.
Après plusors meses, aquela malautiá contunhèt de créisser e i aguèt de cases de femnas amb d’enfants qu’avián de malformacions tanben en Bolívia e l’Eqüator. Tant que i pas cap de vaccin, los mètges e los servicis medicals d’aqueles païses an trobat solament una solucion: las malformacions dels enfantons pòdon èsser quitament tan marridas que poirián afectar los enfants per tota lor vida, e donc, la sola causa que se pòt far es de recomandar a las femnas d’aqueles païses de venir pas prenses, fins al moment que se trobarà una solucion.
Mas aquela malautiá ja comença d’èsser viva dins d’autres païses de l’America del Sud. Lo Centre de Contratròtle de las Malautiás dels Estats Units a recomandat a las femnas d’aquel país de viatjar pas vèrs de païses sud-americans coma Barbados, Bolívia, l’Eqüator o las illas de Guadalope e Sant Martin. Guyana tanben es dins aquela lista e ara la malautiá del Zika a sautat fins a las illas Samoa dins lo Pacific Sud e tanben vèrs lo continent african. En dins las illas del Cap Verd ja i a agut los primièrs cases.
Originas desconegudas
La malautiá del Zika es una malautiá tropicala qu’a totjorn existit en America del Sud. Mas solament provocava de fèbres pendent qualques jorns, e pro. Non èra pas brica una malautiá perilhosa. Mas ara, e amb las malformacions dels enfants en seguida de las ponheduras de moissals, comença d’èsser considerada coma una malautiá nautament perilhosa, mai que mai per las femnas prenses.
Per tant, lo Centre de Contratròtle de las Malautiás dels Estats Units a recomandat a totas las femnas prenses de parlar amb lors mètges abans de far un viatge en aqueles païses. Mai que mai s’an los uèlhs roges o de fèbre elevada. Lo perilh es d’aver d’enfants amb un taus naut de malformacions cerebralas e cranianas, una malautiá que s’apèla microcefalia e que pòt deformar totalament lo cap de l’enfant.
Amb la recenta preséncia de femnas prenses qu’an los simptòmas e qu’an viatjat fa gaire dins las Illas Verges, e tanben a causa dels primièrs cases en Brasil, ven ara a l’Organizacion Mondiala de la Santat (OMS) d’i intervenir.
D’autras femnas an agut un resultat positiu amb de simptòmas en Polinesia Francesa e al Salvador, mas los centres governamentals de la santat solament an pogut reconéisser qu’es una malautiá que se poiriá desvolopar, après la ponheduda del moissal que transmet lo virus Zika, per mejan de diferentas personas qu’an las condicions d’èsser autoimmunas. E solament una persona sus cinc desvolopa la malautiá fins a de nivèls perilhoses, coma es lo cas de las femnas prenses.
Euròpa, uèi, es luènh d’aquela malautiá. Mas l’OMS ja a dich que lo virus Zika se poiriá desvolopar dins totes los païses americans levat Chile e Canadà. Amb lo saut en Africa, comença d’èsser considerada coma una malautiá nautament perilhosa per las femnas prenses. E encara i a pas cap de vaccin.
Christian Andreu
Après plusors meses, aquela malautiá contunhèt de créisser e i aguèt de cases de femnas amb d’enfants qu’avián de malformacions tanben en Bolívia e l’Eqüator. Tant que i pas cap de vaccin, los mètges e los servicis medicals d’aqueles païses an trobat solament una solucion: las malformacions dels enfantons pòdon èsser quitament tan marridas que poirián afectar los enfants per tota lor vida, e donc, la sola causa que se pòt far es de recomandar a las femnas d’aqueles païses de venir pas prenses, fins al moment que se trobarà una solucion.
Mas aquela malautiá ja comença d’èsser viva dins d’autres païses de l’America del Sud. Lo Centre de Contratròtle de las Malautiás dels Estats Units a recomandat a las femnas d’aquel país de viatjar pas vèrs de païses sud-americans coma Barbados, Bolívia, l’Eqüator o las illas de Guadalope e Sant Martin. Guyana tanben es dins aquela lista e ara la malautiá del Zika a sautat fins a las illas Samoa dins lo Pacific Sud e tanben vèrs lo continent african. En dins las illas del Cap Verd ja i a agut los primièrs cases.
Originas desconegudas
La malautiá del Zika es una malautiá tropicala qu’a totjorn existit en America del Sud. Mas solament provocava de fèbres pendent qualques jorns, e pro. Non èra pas brica una malautiá perilhosa. Mas ara, e amb las malformacions dels enfants en seguida de las ponheduras de moissals, comença d’èsser considerada coma una malautiá nautament perilhosa, mai que mai per las femnas prenses.
Per tant, lo Centre de Contratròtle de las Malautiás dels Estats Units a recomandat a totas las femnas prenses de parlar amb lors mètges abans de far un viatge en aqueles païses. Mai que mai s’an los uèlhs roges o de fèbre elevada. Lo perilh es d’aver d’enfants amb un taus naut de malformacions cerebralas e cranianas, una malautiá que s’apèla microcefalia e que pòt deformar totalament lo cap de l’enfant.
Amb la recenta preséncia de femnas prenses qu’an los simptòmas e qu’an viatjat fa gaire dins las Illas Verges, e tanben a causa dels primièrs cases en Brasil, ven ara a l’Organizacion Mondiala de la Santat (OMS) d’i intervenir.
D’autras femnas an agut un resultat positiu amb de simptòmas en Polinesia Francesa e al Salvador, mas los centres governamentals de la santat solament an pogut reconéisser qu’es una malautiá que se poiriá desvolopar, après la ponheduda del moissal que transmet lo virus Zika, per mejan de diferentas personas qu’an las condicions d’èsser autoimmunas. E solament una persona sus cinc desvolopa la malautiá fins a de nivèls perilhoses, coma es lo cas de las femnas prenses.
Euròpa, uèi, es luènh d’aquela malautiá. Mas l’OMS ja a dich que lo virus Zika se poiriá desvolopar dins totes los païses americans levat Chile e Canadà. Amb lo saut en Africa, comença d’èsser considerada coma una malautiá nautament perilhosa per las femnas prenses. E encara i a pas cap de vaccin.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben... es vengut un vertadièr site de rencontre per calucs professionals, Jornalet!
Apres l'islam que pòrta lo terrorisme en se, veiqui los mostics que son acusats de portar lo terrorisme dins l'espeça umana. E l'òm damanda una mobilisacion genarala (armada de cerchadors, de doctors, d'infirmiers, vaccin, ).
Coma per las autras malaudias viralas, la maladia se'n ira quand las condicions sanitarias cambiaran. Mas l'òm prefera la mobilisacion generala que jamai a estada eficaça. Quò nurir los laboratoris farmaceuticas, los medias, l'aida umanitaria, e subretot la paur.
Avetz paur de la malaudia mas avetz pas paur daus vacins, daus deserbants, daus pesticides e autres poluants que l'òme a espandut dins la natura. E si l'òm pòd pas garir aquela malaudia farem coma per las autras malaudias : acceptaren que l'òm pòd pas garir. Las malaudias son aqui per vos dire que quò es pas solament l'esser uman qu'es malaude mas quò es tota la terra. Fau en aceptar totas las consequenças.
e tant intelligent coma l'australopitec, belèu ? Que ne sabetz ? Dins lo processus d'ominizacion per reprene lo concepte de Telhard de Chardin, lo creator, de fes que i a, s'encogorda e en aguent dotat lo neanderthal de prognatisme s'èra pas avisat qu'aviá ansin predestinat sa pèrda.. la question, ara, ei de saubre cu èro lo demiurge responsable, lo dieu crestian, Jehova o Allah ? ieu, que siáu islamofòb, ,me pensi qu'es estat Allah, mai me pòdi enganar
#2 Coneissètz pas la recèrva en Preïstòria. En realitat, segon la recèrca recenta, Neandertal èra pas un òme primitiu, èra tant intelligent coma Cròsmanhon e coma l'uman modèrne.
segons lei radieras recercas dei preistorians seriá precisament una mauformacion craniana que foguèt a l'origina de la disparicion de l'òme de Neanderthal, aquesta còp una macroencefalia, qu'aqueleis òmes primitius avián la boïta dau crani tròp gròssa,enterin que l'òme de Cromanhon l'aviá pus pichoneta e miès adaptada e poguèt la remplir e la ben remplir, per quant ai moissaus desempuei, de segur qu'an evoluat, coma lo climat, mai aquest moissau tropicau nos remembra que lei climats fregs de la preistòria en Euròpa an agut favorizat l'evolucion de l'òme-e son expression artistic dins lei baumas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari