Actualitats
Montsegur: remembre e omenatge als martirs de 1244, lo 20 de març que ven
Ongan l’eveniment es marcat per la protèsta contra los projèctes d’amainatjament del sit
Dimenge 20 de març que ven, a 11 oras, aurà luòc al Prat dels Cremats, al pè del Castèl de Montsegur (País d’Òlmes), la commemoracion de remembre de las victimas de la guèrra de 1209-1244, quand l’armada francesa, amb lo sosten del Vatican, envasiguèt una partida d’Occitània jol pretèxt de combatre una eretgia religiosa.
Lo 16 de març de 1244, de matin, l’armada francesa cremèt 210 personas dins un grand lenhièr. Uèi, al Prat dels Cremats, i a una estèla commemorativa dedicada a aquelas victimas: “Als catars, als martirs del pur amor crestian”.
A l’ora d’ara, lo 16 de de març es pas oficialament un jorn festiu, e per tant l’associacion foissenca Occitània e Libertat suggerís la commemoracion lo dimenge seguent, qu’es lo 20 de març. Se prepausa “una ceremònia de reculhiment, dobèrta a totes”, per “tornar trobar d’espacis de libertat, de pensada, de reflexion; luènh dels unifòrmes constrenches”. Pasmens, lo quite 16 de març, dimècres, i aurà de mond sus plaça per far de memòria istorica.
Protèsta contra de projèctes d’amainatjament
La commemoracion d’ongan es marcada per la protèsta contra cèrts projèctes d’amainatjament del sit. Occitània e Libertat es a amassar de signaturas per demandar que se bastisca pas de construccions ni mai que se faga pagar per accedir al Prat dels Cremats.
Lo projècte previst per la comuna amb lo sosten de la region se nomena Montsegur 2020 e prevei de bastir un bastiment d’aculhença al pè del castèl, amb d’informacions, de lavabòs, un portanèl... e la creacion d’un musèu nòu. Son còst es estimat a 586 000 èuros e cèrca d’obténer lo labèl “grand site de France” (grand sit de França).
Mas Occitània e Libertat refusa que l’endrech istoric siá tractat coma un pargue tematic o un complèxe toristic. “Montsegur es un santuari e tanben un cementèri. La tragèdia que s'i debanèt cogís de nòstra part memòria, respècte e umilitat”, çò afirma lo collectiu, que demanda que “tota construccion, se se deu bastir, demòre invisibla dins la perspectiva actuala del sit” e que “l'accès al Prat dels Cremats e al monument demòre liure e a gratis per totes, e aquò lo sant clame de l'an”.
“Degun comprendriá pas que calguèsse pagar per accedir als monuments als mòrts de nòstras vilas e als cementèris”, çò precisa Occitània e Libertat.
Lo 16 de març de 1244, de matin, l’armada francesa cremèt 210 personas dins un grand lenhièr. Uèi, al Prat dels Cremats, i a una estèla commemorativa dedicada a aquelas victimas: “Als catars, als martirs del pur amor crestian”.
A l’ora d’ara, lo 16 de de març es pas oficialament un jorn festiu, e per tant l’associacion foissenca Occitània e Libertat suggerís la commemoracion lo dimenge seguent, qu’es lo 20 de març. Se prepausa “una ceremònia de reculhiment, dobèrta a totes”, per “tornar trobar d’espacis de libertat, de pensada, de reflexion; luènh dels unifòrmes constrenches”. Pasmens, lo quite 16 de març, dimècres, i aurà de mond sus plaça per far de memòria istorica.
Protèsta contra de projèctes d’amainatjament
La commemoracion d’ongan es marcada per la protèsta contra cèrts projèctes d’amainatjament del sit. Occitània e Libertat es a amassar de signaturas per demandar que se bastisca pas de construccions ni mai que se faga pagar per accedir al Prat dels Cremats.
Lo projècte previst per la comuna amb lo sosten de la region se nomena Montsegur 2020 e prevei de bastir un bastiment d’aculhença al pè del castèl, amb d’informacions, de lavabòs, un portanèl... e la creacion d’un musèu nòu. Son còst es estimat a 586 000 èuros e cèrca d’obténer lo labèl “grand site de France” (grand sit de França).
Mas Occitània e Libertat refusa que l’endrech istoric siá tractat coma un pargue tematic o un complèxe toristic. “Montsegur es un santuari e tanben un cementèri. La tragèdia que s'i debanèt cogís de nòstra part memòria, respècte e umilitat”, çò afirma lo collectiu, que demanda que “tota construccion, se se deu bastir, demòre invisibla dins la perspectiva actuala del sit” e que “l'accès al Prat dels Cremats e al monument demòre liure e a gratis per totes, e aquò lo sant clame de l'an”.
“Degun comprendriá pas que calguèsse pagar per accedir als monuments als mòrts de nòstras vilas e als cementèris”, çò precisa Occitània e Libertat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Montsegur non es un "grand site de France". Montsegur es una plaça sacrada dd'Occitania — e França comença a las marchas limosinas…
Tard o d'hora recuprarem el que un dia ens varen pendre, Catalans i Occitans, tornarem a estar junts, i segur en una Catalunya (o PP.CC.), i Occitània Lliures.
Mentres a lluitar i a ésser forts, i no pedre de vista el nostre repte, que per grand no es imposible.
Per una Terra Lluire, i per l'honor dels caiguts.
Visca la Terra...LLiure! Ah, i Despertaferro!
L'Ernest, "El Tàrrega".
Fogueron morts 210 occitans que defensaren son país dels invasors del nord. Foguet una excusa la religion, lo que prenenien era apoderar-se d'Occitania e fotre l'aliança entre occitans e catalans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari