Actualitats
Sud-Sodan es al bòrd de la guèrra civila
Lo país commemòra los cinc ans de l'independéncia amb de tensions
Sud-Sodan es al bòrd de la guèrra civila. Aperaquí tres centenats de personas son mòrtas a causa dels afrontaments qu'an luòc dempuèi divendres entre de militars partisans del president del país Salva Kiir Mayardit, e los de son vicepresident e rival politic, Riek Macha.
Los afrontaments comencèron lo divendres de ser près de l'Ostal de l’Estat, ont Kiir e Machar començavan las convèrsas de patz amb la tòca de metre fin a dos ans de conflicte. Los dos camps an assegurat desconéisser çò que descadenèt las ostilitats e an cridat a la calma.
Qué se passa en Sud-Sodan?
Sud-Sodan, o lo Sodan del Sud, s’independentizèt de Sodan lo 9 de julhet de 2011, e malgrat sas exportacions milionàrias de petròli, a un taus de pauretat dels mai nauts e un taus de santat e d’educacion dels mai basses del Mond. Dins un territòri d’aperaquí 620 000 quilomètres cairats demòran entre 8 e 10 milions de personas, qu'apertenon a mai de 60 grops etnics.
Las informacions qu’arriban de Sud-Sodan indican una division de l’armada entre los partisans del president actual, Salva Kiir Mayardit, e del sieu èx-vicepresident, Riek Machar. Tant Kiir coma Machar venon del Movement de Liberacion del Pòble Sodanés (SPLM, segon sa sigla en anglés), l’organizacion politicomilitara que dirigiguèt la guèrra d’independéncia de Sud-Sodan. Totes dos avián governat amassa lo país dempuèi l’an 2005 —quand Sodan li concediguèt l’autonomia— fins en julhet de 2013, quand Kiir destituiguèt Machar.
Los afrontaments comencèron lo divendres de ser près de l'Ostal de l’Estat, ont Kiir e Machar començavan las convèrsas de patz amb la tòca de metre fin a dos ans de conflicte. Los dos camps an assegurat desconéisser çò que descadenèt las ostilitats e an cridat a la calma.
Qué se passa en Sud-Sodan?
Sud-Sodan, o lo Sodan del Sud, s’independentizèt de Sodan lo 9 de julhet de 2011, e malgrat sas exportacions milionàrias de petròli, a un taus de pauretat dels mai nauts e un taus de santat e d’educacion dels mai basses del Mond. Dins un territòri d’aperaquí 620 000 quilomètres cairats demòran entre 8 e 10 milions de personas, qu'apertenon a mai de 60 grops etnics.
Las informacions qu’arriban de Sud-Sodan indican una division de l’armada entre los partisans del president actual, Salva Kiir Mayardit, e del sieu èx-vicepresident, Riek Machar. Tant Kiir coma Machar venon del Movement de Liberacion del Pòble Sodanés (SPLM, segon sa sigla en anglés), l’organizacion politicomilitara que dirigiguèt la guèrra d’independéncia de Sud-Sodan. Totes dos avián governat amassa lo país dempuèi l’an 2005 —quand Sodan li concediguèt l’autonomia— fins en julhet de 2013, quand Kiir destituiguèt Machar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quan un pichon país que té petroli s'independiza d'un major que en té pas, aleshores sol ser per raons de diner e pas culturals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari