Actualitats
L’agressor de Munic aviá de “ligams evidents” amb lo chaple de Breivik
Segon la polícia patissiá una malautiá depressiva e s’interessava als atacs quins que foguèsson. L’atac se debanèt lo jorn del cinquen anniversari del masèl d’Utøya e de l’atemptat d’Òslo
Segon la polícia alemanda, l’atac de divendres passat a Munic lo faguèt una sola persona: un gojat alemand de 18 ans qu'aviá la nacionalitat alemanda e tanben l’iraniana. Se seriá suicidat après aver tuat nòu personas e n’aver feridas 27. Lo gojat èra pas conegut per la polícia, patissiá una malautiá depressiva e s’interessava als atacs quins que foguèsson. La polícia escorcolhèt l'ostal ont demorava amb sos parents e confirmèt dissabte de matin, dins una conferéncia de premsa, qu'avián trobat pas cap de ligam de cap de sòrta amb l’Estat Islamic, e n’escartan tota motivacion politica. Dins sa cambra trobèron d’informacions sus d’autres massacres. Mentre que tirava, qualques testimònis an explicat que cridèt: “Soi alemand. Soi nascut aicí!”.
En mai d’aquò, la polícia afirma que i a de ligams “evidents” entre la fusilhada de Munic e lo chaple que lo faguèt Anders Behring Breivik a Òslo e Utøya (Norvègia) lo 22 julhet de 2011. L’atac se debanèt just durant lo cinquen anniversari del chaple. “Quand qualqu’un s’interèssa d’un biais talament intens als atacs massisses e de foliá, es segur que Breivik a tanben agut quicòm a veure”, çò afirmèt lo cap de la polícia de Munic, Hubertus Andrä.
L’assalhidor aviá piratat un compte de Facebook, e l’empleguèt per convidar de mond al McDonald’s ont comencèt lo masèl: “Vos donarai quicòm se volètz, mas serà pas tròp car”. La polícia a confirmat que tirèt amb una arma de 9 mm Glock e que dins sa valisa i portava 300 cartochas de municion.
Demest las dètz personas mòrtas i a tres kosovars e tres turcs. Los mòrts avián entre 13 e 45 ans, i aviá tres femnas e sèt òmes, en comprenent l’agressor.
La fusilhada comencèt a 17h52 dins un restaurant Mc Donald’s, e après los primièrs còps de fuòc, lo gojat seriá anat devèrs lo centre comercial Olympia Einkaufszentrum. Puèi —probablement ferit per la polícia— se seriá suicidat un quilomètre pus luènh. Inicialament, las fòrças de seguretat cercavan tres òmes coma autors de la fusilhada mas fin finala la polícia seriá arribada a la conclusion que l’atemptat èra l’òbra d’un sol òme, sens complices. Demorava amb sos parents dins lo quartièr de Maxvorstadt, segon çò que rapòrta Vilaweb que mençona los mèdias locals.
Après qualques oras de panica e de confusion totala a Munic, la vila alemanda recobrèt dissabte la normalitat amb la desactivacion de l’estat d’emergéncia e lo restabliment dels transpòrts publics.
Lo vidèo que seguís mòstra lo murtrièr qu'es a tirar contra las personas a cara descobèrta:
En mai d’aquò, la polícia afirma que i a de ligams “evidents” entre la fusilhada de Munic e lo chaple que lo faguèt Anders Behring Breivik a Òslo e Utøya (Norvègia) lo 22 julhet de 2011. L’atac se debanèt just durant lo cinquen anniversari del chaple. “Quand qualqu’un s’interèssa d’un biais talament intens als atacs massisses e de foliá, es segur que Breivik a tanben agut quicòm a veure”, çò afirmèt lo cap de la polícia de Munic, Hubertus Andrä.
L’assalhidor aviá piratat un compte de Facebook, e l’empleguèt per convidar de mond al McDonald’s ont comencèt lo masèl: “Vos donarai quicòm se volètz, mas serà pas tròp car”. La polícia a confirmat que tirèt amb una arma de 9 mm Glock e que dins sa valisa i portava 300 cartochas de municion.
Demest las dètz personas mòrtas i a tres kosovars e tres turcs. Los mòrts avián entre 13 e 45 ans, i aviá tres femnas e sèt òmes, en comprenent l’agressor.
La fusilhada comencèt a 17h52 dins un restaurant Mc Donald’s, e après los primièrs còps de fuòc, lo gojat seriá anat devèrs lo centre comercial Olympia Einkaufszentrum. Puèi —probablement ferit per la polícia— se seriá suicidat un quilomètre pus luènh. Inicialament, las fòrças de seguretat cercavan tres òmes coma autors de la fusilhada mas fin finala la polícia seriá arribada a la conclusion que l’atemptat èra l’òbra d’un sol òme, sens complices. Demorava amb sos parents dins lo quartièr de Maxvorstadt, segon çò que rapòrta Vilaweb que mençona los mèdias locals.
Après qualques oras de panica e de confusion totala a Munic, la vila alemanda recobrèt dissabte la normalitat amb la desactivacion de l’estat d’emergéncia e lo restabliment dels transpòrts publics.
Lo vidèo que seguís mòstra lo murtrièr qu'es a tirar contra las personas a cara descobèrta:
Video of shooter shooting at people. #munich#münchenpic.twitter.com/Pl6jhrVXMH
— uprising (@johndeconner) 22 de juliol de 2016
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
de confondre pas lo tuaire de massa que plan sovent se tua a la fin (veire los fachs divèrs de : "la falordisa l'agafa pren un cotèl, escotela femna e dròlles e se suicida" o ben "s'agafa lo fusilh e chapla la vesinalha davant d'èsser abatut pels gendarmas") e lo tuaire multirecidivista que se'n fa mestièr e que ritualisa la mòrt que balha. Lo primièr se pòt considerar coma un suicidari que vòl pas partir sol e lo segond coma un "me congosti de tuar". Lo primièr ven capbord d'un còp e s'arresta tot sol (o es arrestat) per la mòrt generalament alara que lo segond s'arresta pas jamai solet, e se suicida gaireben pas jamai. Plan solide las victimas se'n chautan ben plan e lo limit entre los dos es tèune mas çaquelà se pòdon pas confondre.
vuei, l'enquesta a progressat e la policia afortis que lo tuaire en massa -serial killer aguèt pres per modèla un fadat de joinàs que ara fai set a uech ans aviá desquilhats una desena de sei condiscipols que l'avián estarnassat (brimer en francés)e viei se ditz en anglés, mai ai oblidat lo mot; e aquest cop sembla èstre un drama de l'integracion bèn capitada que lo jovènt germano-irani se reenvendiquèt coma echter Deutscher, un alemand autentic, coma lo podèm entendre sus una video facha in situ avans que se suicidèsse . ein Kuriosum, coma se ditz en alemand, lo vertadier aqueu qu'a agut subit tant e puei mai d'influencias francesas e non pas la trista anglizacion de vuei
Es tota la dreta qu' es posa en evidència e tota l'UE. Quan hi haguet en l'estacion d'Atocha lo chaple, Aznar e tot lo pp diguet que havian estat eta, los jutges sentenciaren que havien estat los islamistas d'extrema destra, per la guerra en que Espanya havia participat. E encar lo pp segueissen disent lo mateis
la policia alemanda e lo jornalet volon que lo tuiaire Ali irani emigrat musulman chiïte siegue d'extrema drecha, coma tot ço que compte nostre d'islamofils enrabiats volián que l'assassin dau camion a Nissa siguèsse un dement, un desequilibrat e non pas un djihadista,mai l'nquesta a desmostrat lo contrari e ara nos servon una autra fonfoni ! e l'atentat de Cabol que faguèt 80 moarts d'una ,sècte d'ailalin ? es belèu Marine Le Pen qu'ei darrier ? e non pas lo fanatisme religios ...
super de publicar atau una video (ende dider vertat, l'èi pas guaitada que fonciona pas au mon navegator).
societat de l'espectacle e deu necitge sistematizat, mediàs caronhèirs, hialats sociaus, capitalisme shens limite, aqui los grands relotgèirs de la holia murtrèira dont poiris las nòstas existéncias dempuish tròp de temps.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari