Actualitats
Lo movement “Oui au Pays Catalan” ven un partit politic regionalista
Eiretièr de CDC, lo nòu partit renóncia al catalan e revendica una collectivitat territoriala unica per Catalonha Nòrd e Fenolhedés
Lo movement “Oui au Pays Catalan”[Òc al País Català], que revendica que la region qu’a pres lo nom d’Occitània se nomene tanben País Catalan, es vengut un partit politic. Se tenguèt dissabte a Perpinhan lo congrès constitutiu d’aquela nòva formacion politica, que se ditz regionalista e que remplaça Convergéncia Democratica de Catalonha (CDC), e mai se tanben “integrarà de personas vengudas d’autres partits, ansin coma d’independents sens antecedents politics”, segon çò que declarèt Jordi Vera a VilaWeb. Lo partit a començat amb mièg milièr d’inscripcions dont un vintenat de cònsols, e aurà un ligam amb lo Partit Democrata Catalan, qu’es l’eiretièr de CDC en Catalonha Sud e amb qui anóncian la signatura d’un acòrdi.
Segon VilaWeb, aquel nòu partit renóncia al catalan, coma o aviá fach son partit ancessor. Jordi Vera justificava atal aquela opcion lingüistica: “Nos cal pensar que sèm aicí dins una situacion parièra a l'irlandesa o l’escocesa. Se volèm far un partit catalan important, nos devèm exprimir dins la lenga que parlan las gents. Si que non, podèm restar installats dins lo testimonialisme coma fins ara”.
En mai d’aquò, Vera ajustèt al jornal catalan que “Oui au Pays Catalan” èra pas restacat al procès independentista de Catalonha Sud, mas que deviá “èsser percebut coma una causa pròpria dels nòrd-catalans”. Dins aquel sens lo politician precisava qu’en Catalonha Nòrd “a començat aicí una revòlta democratica prigonda. Los que se son mobilizats tornaràn pas mai endarrièr. Sèm dins una nòva dinamica”.
Demandan l’estatut de collectivitat territoriala unica
“Lo territòri dels Pirenèus Orientals es demorat escafat per una region Occitània qu’avèm pas causida”, çò dison los promotors del nòu partit dins lor propaganda, e revendican “un territòri dins la Republica Francesa”.
Los regionalistas nòrd-catalans demandan doncas l’estatut de collectivitat territoriala unica, previst per l’article 72 de la Constitucion francesa. Atal, lo territòri del departament 66 quitariá la region qu’a pres lo nom d’Occitània. Ça que la, l’encontrada occitana de Fenolhedés demorariá dins un país catalan qu’òm auriá pas causit tanpauc.
Segon VilaWeb, aquel nòu partit renóncia al catalan, coma o aviá fach son partit ancessor. Jordi Vera justificava atal aquela opcion lingüistica: “Nos cal pensar que sèm aicí dins una situacion parièra a l'irlandesa o l’escocesa. Se volèm far un partit catalan important, nos devèm exprimir dins la lenga que parlan las gents. Si que non, podèm restar installats dins lo testimonialisme coma fins ara”.
En mai d’aquò, Vera ajustèt al jornal catalan que “Oui au Pays Catalan” èra pas restacat al procès independentista de Catalonha Sud, mas que deviá “èsser percebut coma una causa pròpria dels nòrd-catalans”. Dins aquel sens lo politician precisava qu’en Catalonha Nòrd “a començat aicí una revòlta democratica prigonda. Los que se son mobilizats tornaràn pas mai endarrièr. Sèm dins una nòva dinamica”.
Demandan l’estatut de collectivitat territoriala unica
“Lo territòri dels Pirenèus Orientals es demorat escafat per una region Occitània qu’avèm pas causida”, çò dison los promotors del nòu partit dins lor propaganda, e revendican “un territòri dins la Republica Francesa”.
Los regionalistas nòrd-catalans demandan doncas l’estatut de collectivitat territoriala unica, previst per l’article 72 de la Constitucion francesa. Atal, lo territòri del departament 66 quitariá la region qu’a pres lo nom d’Occitània. Ça que la, l’encontrada occitana de Fenolhedés demorariá dins un país catalan qu’òm auriá pas causit tanpauc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A CDC i a de mond que parla catalan. Qual coneis Jordi Vera pòt pas metre sa catalanitat, amb la lenga primièra, en dobte. Ara se pòt comprene que per avançar e rastelar larg parlen d'identitat sens mençonar clarament la lenga, pels "catalans" reborsièrs de barretina e cargolada. Que n'ia que son catalans de l'USAP o dels "Dragons" (e pas "Dracs" per eles!) coma lo Valls es catalan del FC Barcelone e pas mai. D'aquò se'n ditz far de politica.
Una putada de lo chovinista Malvin qu' es dedica abans d'anar a las reunions decisories a beire lo vin de la mala lait.
Es Convergència, non? Me parèis una estrategia per se desmarcar de Catalonha Sud e evitar blocatges amb Paris.
Vòlon pas entegrar la lenga e la cultura catalanas au projèct ? Perquò, es escrich sus la pagina faciboc : "Son avenir, son économie et son identité méritent une force nouvelle, ... ".
Coma pòdon dire als catalans que van lurs ofrir una bòna botelha de vin requist e prometeire, se lo contengut a despareissegut ?
Sariáun de trompaires quel monde, una empostura ? (e los catalans d'ases tucles o destimborlats ?)
A mens qu'agon causit de se presentar coma aquò per de rasons estrategicas, ce qu'empacharà pas que sostengon la lenga e la cultura catalanas, quand saràn estats elegits.
O ben, quò's nautres que volèm pas veire l'evolucion indefugibla de las identitats catalana e occitana...
Demòre fisançós ieu. Me dise qu'aquò's una etapa dinc la presa de consciença dals nòrd-catalans dau dever de préner en mans lur avenir e de decidir per eles.
Se aqueste partit pren en consideracion, coma ditz, l'identitat catalana, sarà oblijat quauque moment d'enfaciar los aspècts culturaus e linguistics vernaculars. E se los catalans son tant estacats a tot ce que compausa lur identitat, la portaràn e la faràn entendre coma se deu aquela identitat. A eles prumièrs reven la responsabilitat de trasmetre e valorizar lur identitat, de convencir e de butar per fin de tot còmpte. E se aquò's pro cresable, lo partit farà pas que seguir.
Que pensar d'aquò?; per ieu , es pas que la reivindicacion demagogica d'una clica de folclò-localistas pojadistas, que las ficèlas ne son tiradas per una drecha que cèrca de s'enrasigar un pauc mai localament , daissant de caire çò que la cultura de Catalonha Nòrd a de mai prigond- es a dire la LENGA, sens voler aver cap de reflexion sus l'estatut del Fenolhedés ( qu'es lo rebat en pichon de la problematica " Oxitany- Pays Catalan), emai se, solide, un estatut especial de Catalonha-Nòrd es absoludament legitim, al vist de l'eretatge culturò-linguistica que parteja Catalonha-Nòrd amb los autres Paises Catalans, .....al luòc d'aquela integracion impausada dins una region Oxitany ( que la denominacion meteissa es jà un non-sens)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari