Actualitats
L’Union Europèa e Canadà an signat lo CETA
L’Acòrdi Economic e Comercial Global foguèt blocat qualques jorns a causa del vèto del Parlament de Valonia, après sèt ans de negociacions
L’Acòrdi Economic e Comercial Global (CETA segon sa sigla en anglés) entre l’Union Europèa e Canadà se signèt, enfin, dimenge a Brussèlas. Formalizèron l’acòrdi lo president de la Comission Europèa, Jean-Claude Juncker, lo president del Conselh d’Euròpa, Donald Tusk, lo primièr ministre d’Eslovaquia e president viradís de l’Union Europèa, Robert Fico, e lo primièr ministre canadian, Justin Trudeau. Ara lo CETA deu èsser ratificat pel Parlament Europèu, en genièr que ven, e tanben per totes los parlaments dels estats de l’UE.
L’acòrdi foguèt blocat qualques jorns, la setmana passada, après sèt ans de negociacions. Lo Parlament regional de Valonia lo volguèt pas aprovar en tot ne criticar sustot sa seccion d’importacions agricòlas e los tribunals d’arbitratge qu’intervenon dins los contencioses entre las entrepresas e los estats. Pasmens, après que foguèron ajustadas qualques “clarificacions” dins los documents annèxes, lo vèto valon se retirèt.
Sens cambiaments de contengut
Segon çò que declarèt als mèdias Jean-Claude Juncker, “i a pas agut de cambiaments dins lo contengut” de l’acòrdi. En mai d’aquò, Jucncker definiguèt la signatura coma “un grand jorn per l’Union Europèa”. De son costat, lo president del Parlament Europèu, Martin Schulz, diguèt que “lo pache representa fòrça mai qu’una avançada positiva tocant las nòstras relacions bilateralas”.
L’acòrdi foguèt blocat qualques jorns, la setmana passada, après sèt ans de negociacions. Lo Parlament regional de Valonia lo volguèt pas aprovar en tot ne criticar sustot sa seccion d’importacions agricòlas e los tribunals d’arbitratge qu’intervenon dins los contencioses entre las entrepresas e los estats. Pasmens, après que foguèron ajustadas qualques “clarificacions” dins los documents annèxes, lo vèto valon se retirèt.
Sens cambiaments de contengut
Segon çò que declarèt als mèdias Jean-Claude Juncker, “i a pas agut de cambiaments dins lo contengut” de l’acòrdi. En mai d’aquò, Jucncker definiguèt la signatura coma “un grand jorn per l’Union Europèa”. De son costat, lo president del Parlament Europèu, Martin Schulz, diguèt que “lo pache representa fòrça mai qu’una avançada positiva tocant las nòstras relacions bilateralas”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una manier globala d'explotar los pobles.
#1 Donc se te seguissèm plan, avèm la causida entre l'ultraliberalisme descabestrat sens cap possibilitat de mrestesa democratica, o la guèrra ?
#2http://trade.ec.europa.eu/doclib/docs/2014/september/tradoc_152806.pdf
Se’u vòletz léger que’vs deuratz empassar 1598 paginas en anglés.
That’s democracy for you.
E de que i a dins lo CETA ? de qual l'a legit ?
Enfin una bona novèla. Coma disiá Mitterrand : "Quand recuola l'idèa Euròpa unida, avança la guèrra !"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari