Actualitats
Lo “Mannequin Challenge” amb mai de personalitats
S’enregistrèt dimars als Estats Units e i participèron Bill Gates, Michael Jordan, Robert De Niro, Ellen DeGeneres, Tom Hanks, Diana Ross, Kareem Abdul Jabbar, Frank Gehry e d’autres
Dimars passat, lo president dels Estats Units, Barack Obama, decerniguèt la Medalha Presidenciala de la Libertat —l’onor civil pus naut del país— a un grop de personalitats de l’univèrs del léser, dels espòrts, de la tecnologia e de l’arquitectura. Demest los laureats i aviá de personalitats coma Bill Gates, Michael Jordan, Robert De Niro, Ellen DeGeneres, Tom Hanks, Diana Ross, Kareem Abdul Jabbar o Frank Gehry. Après l’acte, totes aquestes enregistrèron un “Mannequin Challenge”, es a dire un vidèo amb los protagonistas completament immobils coma se foguèsson de manequins.
Qu’es aquò lo “Mannequin Challenge”
Après la mòda del “Lipdub”, l’“Harlem Shake” foguèt la tendéncia de mòda dels vidèos virals sus Internet en 2013, e l’Ice Bucket Challenge en 2014. En 2015 arribèt la mòda del “Condom Challenge” e ara es lo “Mannequin Challenge” qu’inonda los nòstres rets socials. S’agís d’enregitrar una escena ont tot lo mond demòran immobils coma de manequins. Normalament se fa mentre que sona la cançon Black Beatles del duet estatsunidenc de rap Rae Sremmurd. De fach eles foguèron los primièrs d’acceptar lo desfís dins un de sos concèrts.
Qu’es aquò lo “Mannequin Challenge”
Après la mòda del “Lipdub”, l’“Harlem Shake” foguèt la tendéncia de mòda dels vidèos virals sus Internet en 2013, e l’Ice Bucket Challenge en 2014. En 2015 arribèt la mòda del “Condom Challenge” e ara es lo “Mannequin Challenge” qu’inonda los nòstres rets socials. S’agís d’enregitrar una escena ont tot lo mond demòran immobils coma de manequins. Normalament se fa mentre que sona la cançon Black Beatles del duet estatsunidenc de rap Rae Sremmurd. De fach eles foguèron los primièrs d’acceptar lo desfís dins un de sos concèrts.
#Mannequinchallenge live pic.twitter.com/y0aUTIfyTn
— Swae Lee Lee Swae (@iHipsterLee) 4 de novembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amb quatre medalhas a famosos, s'adoba pas los crims de la guerra de sos socis mercenaris de l' EI. Lo mal de boca que deissa la presidència d'Obama es gran.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari