capçalera campanha

Actualitats

SocietatInternacional

Un avion amb 81 passatgièrs s’es escrachat en Colómbia

I auriá 5 subrevivents. I viatjava l’esquipa de fotbòl brasilièra Chapecoense qu’anavan jogar la finala de la Copa Sud-Americana contra l’Atlético Nacional de Medellín

| @TraficoCali
Un avion de tipe RJ85 amb 72 passatgièrs e 9 membres de l’esquipatge s’es escrachat dins lo nòrd-èst de Colómbia, quand se sarrava de l’aeropòrt José María Córdoba de la vila de Medellín. De fonts oficialas rapòrtan 76 mòrts e 5 subrevivents. qu’an trobat 6 subrevivents- Segon Radio Caracol, l’avion mancava de carburant.
 
Las autoritats colombianas an raportat l’accident sus Twitter.
 

Dins l’avion viatjava l’esquipa de fotbòl brasilièra Chapecoense que deman deviá jogar amb l’Atlético Nacional de Medellín lo primièr torn de la finala de la Copa Sud-Americana.
 
Lo Chapecoense se classifiquèt fa uèch jorns per jogar aquela finala. Volián far lo trajècte entre São Paulo e Medellín amb un vòl chartèr, mas las autoritats aerianas brasilièras o lor autorizèron pas. Lor calguèt doncas far lo viatge amb un vòl comercial de la companhiá LaMia, que faguèt escala a l'aeropòrt Viru Viru en Bolívia.
 
L’aeropòrt de Medellín a publicat un comunicat per explicar que lo socors èra complicat perque l’accident s'èra passat dins una zòna fòrça montanhosa, solament accessibla per tèrra. Los elicoptèrs de l’armada colombiana i pòdon pas arribar a causa de las marridas condicions metereologicas.
 





Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
1.

Atencion vols de bais cost : manca benzina per arribar, qui pot far una ajuda butant (empenhent) un pauc darriera a veire se podem arribar a l'aeroport.

  • 1
  • 0

Escriu un comentari sus aqueste article