Actualitats
L’Assemblada francesa a tornat debatre sus las lengas autoctònas per pas res
Aqueste còp se debatiá una proposicion en sèt articles tanhent l’educacion, los mèdias e la senhaletica
L’Assemblada francesa a tornat debatre dimecres de ser sus las lengas autoctònas de França autras que lo francés. Aqueste còp se debatiá una proposicion en sèt articles tanhent l’educacion, los mèdias e la senhaletica. La proposision foguèt portada per la deputada socialista bretona Annie Le Houerou e son collèga parisenc Bruno Le Roux, e foguèt pas depausada en nom del Partit Socialista, mas en nom de 143 deputats. Totun, pauques d’aqueles deputats la sostenguèron vist que l’assistència de l’emicicle foguèt minimalista, coma cada còp que se parla d’aquel subjècte.
Lo debat se tenguèt de dimècres a dijòus de matin e s’arribèt pas de votar qu’una partida de la lei, qu’es fòrça probable que jamai intre pas en vigor, per “manca de volontat governamentala e de majoritat al Senat”, coma ben o rapòrta Benaset Roux dins lo Blòg occitan de France 3.
E coma cada còp, la majoritat dels deputats insistiguèron que degun es pas “contra las lengas regionalas” e mai se l’argumentari contra la proposicion nos permetèt d’escotar los prejutjats abituals, çò es “balkanizacion, illetrisme, mestresa indispensabla del francés, doncas... perilh per la Republica”, coma ben o remembra Clamenç Pech dins La Setmana, dins son article que definís la sesilha de l’Assemblada coma “un debat cosmetic”.
Un debat per pas res
“Un debat per pas arren”, çò ditz Dàvid Grosclaude dins son blòg, que tanben ne fa resson Le Journal du Gers. “Tres òras e mièja de discussion per enténer deputats d’esquèrra e de drèita nos estabornir dab arguments qui hèn de còps l’amalgama enter illetrisme e ensenhament de las lengas regionaus! Tot qu’èra bon entà empachar de progressar pr’amor qu’en mei deus arguments abituaus òm evoquèc quitament l’autonomia de las collectivitats per explicar qu’òm non podia lor impausar pas arren...”, çò manifèsta.
De legir:
— La Setmana (1/12/2016): Opinion : lei sus las lengas, un debat cosmetic !
— La Setmana (29/11/2016): Ennau proposicion de lei sus las lengas regionaus examinada a l'Assemblada nacionau
— Lo Blòg occitan de France 3 (1/12/2016): Langues régionales : le chemin tortueux semé d’embûches pour un statut
— Lo Blòg occitan de France 3 (22/11/2016): La proposition de loi sur les langues régionales examinée la semaine prochaine
— Dàvid Grosclaude (1/12/2016): Langues : un débat pour rien…
Lo debat se tenguèt de dimècres a dijòus de matin e s’arribèt pas de votar qu’una partida de la lei, qu’es fòrça probable que jamai intre pas en vigor, per “manca de volontat governamentala e de majoritat al Senat”, coma ben o rapòrta Benaset Roux dins lo Blòg occitan de France 3.
E coma cada còp, la majoritat dels deputats insistiguèron que degun es pas “contra las lengas regionalas” e mai se l’argumentari contra la proposicion nos permetèt d’escotar los prejutjats abituals, çò es “balkanizacion, illetrisme, mestresa indispensabla del francés, doncas... perilh per la Republica”, coma ben o remembra Clamenç Pech dins La Setmana, dins son article que definís la sesilha de l’Assemblada coma “un debat cosmetic”.
Un debat per pas res
“Un debat per pas arren”, çò ditz Dàvid Grosclaude dins son blòg, que tanben ne fa resson Le Journal du Gers. “Tres òras e mièja de discussion per enténer deputats d’esquèrra e de drèita nos estabornir dab arguments qui hèn de còps l’amalgama enter illetrisme e ensenhament de las lengas regionaus! Tot qu’èra bon entà empachar de progressar pr’amor qu’en mei deus arguments abituaus òm evoquèc quitament l’autonomia de las collectivitats per explicar qu’òm non podia lor impausar pas arren...”, çò manifèsta.
De legir:
— La Setmana (1/12/2016): Opinion : lei sus las lengas, un debat cosmetic !
— La Setmana (29/11/2016): Ennau proposicion de lei sus las lengas regionaus examinada a l'Assemblada nacionau
— Lo Blòg occitan de France 3 (1/12/2016): Langues régionales : le chemin tortueux semé d’embûches pour un statut
— Lo Blòg occitan de France 3 (22/11/2016): La proposition de loi sur les langues régionales examinée la semaine prochaine
— Dàvid Grosclaude (1/12/2016): Langues : un débat pour rien…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 per info, la FELCO a mandat una letra, coma o fai chasque cop que la question se pausa, e chasque cop que chau sensibilizar d'elejuts, occitans o non.
#11 Arf... ! Me cal vèire cossi los mos chakras son posicionats :-)
Macanica me cal pas doblidar la Kundalini atanben....
E es atal que Tolosa venguèt a remplçar Lordas... anem, un pesic de paratge e tres pesics de convivéncia e ardit vira la ròda granda de las energias positivas
La premièira region "d'energia positiva". Energia positiva de qu'es aquo ? Es en fach un ambicios prètfach de meditacion bodista e transcendentala per totis los estatjants de la nova region. La Delgà espèra atal faire pojar lo nivèl de positivitat e d'amor compassional, al nostre e dins Europa tota. Tot s'explica ! Que sabiai pas que la Delgà èra una afogada dau Mathieu Ricard, pecaïre ! Energia positiva ?Osca Delgà !
La region qu’a pres lo nom d’Occitània serà la primièra d’energia positiva en Euròpa, sostendrà lo CIRDÒC e las lengas catalana e occitana. Vaquí las conclusions mai estrambordantas del debat d’orientacions budgetàrias 2017 que se debanèt diluns passat al pargue de las exposicions de Montpelhièr. E mentrestant, la meteissa politicalha imperialista contunha d'o blocar tot, d'o ferrolhar tot, al nivèl central, tot en daissant far de pantominas als elegits locals d'unas collectivitats sens cap poder legislatiu. E ne crebam pasiblament.
Los representants capets chovins mostran sa ignorancia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari