Segon la tradicion de la Val d’Aran, lo primièr de genièr, quand doas personas se rescontran, se saludan en se disent “Bon jorn des aninòs!” Lo primièr qu’o ditz a lo drech de se far convidar a beure un còp per l’autre o de recebre d’el qualque sòu.
 
Fa qualques annadas, quand aquela tradicion èra plan viventa, la jornada èra plan trevada per las carrièras e las plaças del país. Los enfants anavan vesitar lors pairins per lor desirar una bona annada en tot cantar la cançoneta:
   
Alavetz, lo pairin respondiá en tot pagar al filhòl las estrenas, qu’en aranés lor dison “aninòs”.
 
Tanben la còla de Jornalet desiram una bona annada als legeires d’aqueste jornal. Un an especial, qu’aqueste jornal aurà complit cinc ans e o festejarem amb diverses eveniments a travèrs d’Occitània tota.
 
Profecham tanplan de l’ocasion per demandar los “aninòs” a tot lo mond que nos legisson. Jornalet es possible gràcias al sosten economic e jornalistic dels legeires e benevòls, e per tant vos grandmercejam de nos sosténer en venent sòci dels Amics de Jornalet o ben de l’associacion ADÒC. Contribuiretz a far un mèdia mai independent e de melhora qualitat.
 
Bon jorn des aninòs tà toti!