Actualitats
Polonha publica un sit web amb los noms dels 8502 gardians d’Auschwitz
D’istorians planhon que lo govèrn polonés investisca fòrça argent per manipular l’istòria
Lo Departament de la Memòria Nacionala de Polonha a publicat sus Internet una lista amb los noms dels 8502 gardians que trabalhèron dins lo camp d’Auschwitz, çò rapòrta Ara Aquela lista es lo resultat d’una enquèsta de 30 ans menada a bon tèrme per l’istorian Aleksander Lasik. L’a facha a partir d’archius poloneses, alemands, austrians, estatsunidencs e russes, e mai se l’informacion d’aqueles darrièrs archius es totjorn inaccesibla.
La majoritat dels registres comprenon la data e lo luòc de naissença de cada foncionari, lo ciutadanatge, l’istòria militara, la formacion escolara e l’afiliacion politica. La lista compren tanben los documents judiciaris dels cases que se jutgèron en Polonha.
Òm calcula que dins lo camp d’Auschwitz moriguèt mai d’un milion de personas, dont 232 000 èran d’enfants. Segon Lasik, 200 dels gardians d’aquela lista poirián èsser totjorn vius.
Manipòla de l’istòria
La publicacion d’aquel sit web amb la lista dels bòias nazis coincidís amb un cambiament de la lei en Polonha —governada ara per un partit ultradrechista— que castigarà amb fins a tres ans de preson los que descriuràn Auschwitz-Birkenau coma un camp polonés. “La publicacion d'aquela lista coincidís amb los assages del govèrn polonés de cambiar lo relat de l'istòria, vòlon demostrar que los poloneses foguèron solament de victimas dels nazis", çò ditz a Ara l'istoriana olandesa Marije Hristova, especialista en memòria e violéncia del sègle XX.
“An redefinit los poloneses coma una comunautat de victimas del totalitarisme e n’escafan tota critica”, çò precisa en tot apondre que “lo govèrn interven de mai en mai dins las exposicions, los libres d’istòria e las associacions de la memòria”.
Per quant a el, l’istorian catalan Jordi Guixé, director de l’Observatòri Europèu de la Memòria” ditz que “lo govèrn polonés actual investís fòrça argent dins los afars de la memòria, mas o fa per manipular lo passat e tornar pojar la fiertat nacionala; se son quilhats fòrça monuments als martirs que moriguèron en defendent Polonha dels nazis e dels comunistas”. Dins aquel sens, Guixé precisa que “dins lo Warsaw Uprising Museum dison que se pòt pas èsser polonés e comunista, o que s'ès comunista, ès antipatriòta”. Aquela manipòla, segon Guixé, arribariá fins a l’intencion d’eliminar los noms de carrièras consagrats als brigadistas internacionals que luchèron contra lo franquisme dins la guèrra d’Espanha, çò que provoquèt de manifestacions de protèsta en decembre passat.
De borrèls poloneses
Lo professor de l’universitat estatsunidenca de Princeton, Jan Tomasz Gross, d’origina polonesa, a denonciat dins qualques publicacions la participacion de poloneses als chaples nazis.
Dins un dels libres sieus, Gross detalha lo pogròm de Jedwabne, un massacre dels abitants josieus d’aquela localitat, que foguèron tuats pels abitants poloneses.
De fach, lo ministèri public de Polonha estudiava arunan de denonciar a la justícia Jan Tomasz Gross per aver dich, dins un article publicat sus Die Welt, que: “E mai se los poloneses son fièrs, amb rason, de lor resisténcia davant los nazis, tuèron mai de josieus que los alemands pendent la guèrra”.
La majoritat dels registres comprenon la data e lo luòc de naissença de cada foncionari, lo ciutadanatge, l’istòria militara, la formacion escolara e l’afiliacion politica. La lista compren tanben los documents judiciaris dels cases que se jutgèron en Polonha.
Òm calcula que dins lo camp d’Auschwitz moriguèt mai d’un milion de personas, dont 232 000 èran d’enfants. Segon Lasik, 200 dels gardians d’aquela lista poirián èsser totjorn vius.
Manipòla de l’istòria
La publicacion d’aquel sit web amb la lista dels bòias nazis coincidís amb un cambiament de la lei en Polonha —governada ara per un partit ultradrechista— que castigarà amb fins a tres ans de preson los que descriuràn Auschwitz-Birkenau coma un camp polonés. “La publicacion d'aquela lista coincidís amb los assages del govèrn polonés de cambiar lo relat de l'istòria, vòlon demostrar que los poloneses foguèron solament de victimas dels nazis", çò ditz a Ara l'istoriana olandesa Marije Hristova, especialista en memòria e violéncia del sègle XX.
“An redefinit los poloneses coma una comunautat de victimas del totalitarisme e n’escafan tota critica”, çò precisa en tot apondre que “lo govèrn interven de mai en mai dins las exposicions, los libres d’istòria e las associacions de la memòria”.
Per quant a el, l’istorian catalan Jordi Guixé, director de l’Observatòri Europèu de la Memòria” ditz que “lo govèrn polonés actual investís fòrça argent dins los afars de la memòria, mas o fa per manipular lo passat e tornar pojar la fiertat nacionala; se son quilhats fòrça monuments als martirs que moriguèron en defendent Polonha dels nazis e dels comunistas”. Dins aquel sens, Guixé precisa que “dins lo Warsaw Uprising Museum dison que se pòt pas èsser polonés e comunista, o que s'ès comunista, ès antipatriòta”. Aquela manipòla, segon Guixé, arribariá fins a l’intencion d’eliminar los noms de carrièras consagrats als brigadistas internacionals que luchèron contra lo franquisme dins la guèrra d’Espanha, çò que provoquèt de manifestacions de protèsta en decembre passat.
De borrèls poloneses
Lo professor de l’universitat estatsunidenca de Princeton, Jan Tomasz Gross, d’origina polonesa, a denonciat dins qualques publicacions la participacion de poloneses als chaples nazis.
Dins un dels libres sieus, Gross detalha lo pogròm de Jedwabne, un massacre dels abitants josieus d’aquela localitat, que foguèron tuats pels abitants poloneses.
De fach, lo ministèri public de Polonha estudiava arunan de denonciar a la justícia Jan Tomasz Gross per aver dich, dins un article publicat sus Die Welt, que: “E mai se los poloneses son fièrs, amb rason, de lor resisténcia davant los nazis, tuèron mai de josieus que los alemands pendent la guèrra”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot lo que sia esclairir la veritat es bon.
Aquí, a Cat. haurien de fer el mateix amb tots els falangistes, que van matar i assesinar per tot arreu del País, encara que el que es feu a Auschwitz, fou una monstruositat a gran escala, tota l'aberració que es pot fer, quelcom que no s'ha d'oblidar mai.
Perquè no passi mai mes.
Visca la Terra...Lliure!
L'Ernest, "El Tàrrega".
Es estranh coma iniciativa, coma s'en França se publicava la tièra dels engatjats dins la Milícia, dels collaborators e dels denonciators mai o mens anonims de l'epòca. Aquò pud.
Per l'actitud del govèrn polonés, i a de paralèls plan clars amb de nombroses govèrns que son pas d'extrèma drecha…
Enfin, lo fach de se definir coma « una comunautat de victimas » es una facilitat tròp sovent vista (e pas solament a drecha) per unificar un grop darrièr una ideologia.
De meditar.
per reabilitar lo communisme, totis lei mejans son bons, la grossa messorga en primier luoc, lei polonés son estats tan victimas coma lei jusius,quora ,au mes d'avost 1939 son destin foguèt sagelat per lo pacte germano-sovietica e aquI l'URSS faguèt aitant de mau que Hitler, citarem entre autres lo chaple de Katyn - mai de 30 000 oficiers de l'armada, borgés e intelectuaus polonés massacrats au nom de la revolucion proletariana, sensa oblidar lei deportacions en Siberia e 'Stalin qu'ordona ai tropas russas arribadas sus lei ribas de la Vistula en fàcia de la vila de pas intervenir quand Varsovia se sot-leva contra l'occupant nazi e d'esperar que lei insurgents foguèsson aneientits per intervenir, cresetz pas qu'amb aquo n'i auriá pas pron per que lei polonés foguèsson pas estats eli pereu de victimas dei dos totalitarismes e que son nacionalisme de vuei foguèsse tant siá pauc legitima ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari