Actualitats
Desfacha dels partits tradicionals al primièr torn de l’eleccion presidenciala francesa
E mai se quatre candidats an obtengut de resultats fòrça semblables, al segond torn òm deurà causir entre Macron e Le Pen
Los resultats d’aquel primièr torn se rendràn publics oficialament dimècres que ven a 17h. Ara, segon las darrièras estimacions, podèm veire que quatre candidats an agut de resultats fòrça pròches. Fillon a obtengut lo 20% dels vòtes, e l’esquerrista Jean-Luc Mélenchon lo 19,2% dels vòtes. Per un percentatge a pena superior, passaràn al segond torn l’ultradrechista Marine Le Pen, qu’a obtengut lo 21,7% dels vòtes e lo liberal Emmanuel Macron, qu’es lo ganhant d’aqueste primièr torn amb lo 23,9% dels vòtes. Cal remarcar que Macron, èx-ministre de l’economia d’Hollande, s’èra pas jamai presentat a nada eleccion.
Lo socialista Benoît Hamon a solament obtengut lo 6,3% dels sufragis, çò es la davalada pus fòrta que jamai l’a patida aquel partit.
Los dos candidats que contestavan lo jacobinisme e defendián cèrtas politicas favorablas a la lenga e la cultura occitanas an recebut un supòrt fòrça bas. L’occitanofòn Joan de Lassala a obtengut l’1,2% del temps que l’obrièr esquerrista bordalés Philippe Poutou a atench solament l’1,1% dels sostens.
Resultat istoric per l'ultradrecha
Es lo second còp que l'FN accedís al segond torn de la presidenciala francesa. Mentre que son paire Jean-Marie aviá batut de pauc lo socialista Lionel Jospin amb un 16,86% lo 21 d'abril de 2002, Marine Le Pen fa un resultat istoric per l'ultradrecha francesa.
Desbranda socialista
Benoît Hamon a reconegut sa desbranda e demanda lo vòte per Macron al segond torn. Hamon, que ganhèt contra tot pronostic la primària del Partit Socialista es a la cinquena posicion del resultat del primièr torn. El meteis a reconegut “una desfacha istorica”.
Per Hamon, lo 7 de mai que ven i aurà “una distincion clara entre un adversari politic e una enemiga de la Republica”. Abans que se coneguèsse l’escrutini definitiu, Hamon publiquèt un apèl sus Twitter “a batre lo pus fòrtament possible lo Front Nacional en votant per Emmanuel Macron, quitament se fa pas partida de l'esquèrra”. Tanben o an fach Fillon e los presidents de las regions que tòcan Occitània.
J’appelle à battre le plus fortement possible le Front national en votant pour Emmanuel Macron, même s’il n’appartient pas à la gauche.
— Benoît Hamon (@benoithamon) 23 d’abril de 2017
J’appelle donc tous les citoyens de notre pays à voter en faveur d’@EmmanuelMacron. Il est désormais le candidat de tous les républicains.
— Christian Estrosi (@cestrosi) 23 d’abril de 2017
Je souhaite que @lesRepublicains adopte une ligne commune pour le 2nd tour : ne pas voter pour Marine Le Pen.
— Laurent Wauquiez (@laurentwauquiez) 23 d’abril de 2017
J’appelle clairement ts les démocrates et républicains à voter sans états d’âme @EmmanuelMacronhttps://t.co/9KdkQDBCAI#Presidentielle2017
— Carole Delga (@CaroleDelga) 23 d’abril de 2017
J'appelle au rassemblement derrière @EmmanuelMacron qui incarne le renouvellement et le dépassement des clivages #Presidentielle2017
— Alain Rousset (@al_rousset) 23 d’abril de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se un es lo representant directe dels financers, e l'altra la facha. Melhor anar pas a votar.
#17 Alibert, Alibert, Alibert es tornat ! Regaudissèm-nos bravi provençaus ! Alibert president, Alibert president ! E òsca Manòsca !
P.S. Fau saupre pantaiar, nos disia lo Lenin. E tanben galejar, nos disian leis avis de la Canebièra. Galèjar, tot es aquò !
#16 encara un còp dels amics l'escolan de çò Rothschild, que vòl nos governar !
òsca Marsilha e Catalunha liura !
E ben oc, me'n sovèni de l'aver agut legit sul Jornalet aquel Alibert. ( "On connaît dans chaque hémisphère notre belle, belle, belle, Canebière" ! ) Perque l'avètz censurat aquel ? Me sembla que disia pas res de mal o de marrit... Cal saupre escotar los fòls e los galejaires, non ?
Où, coquin de sòrt ! Où missanta mauparada ! Ieu, l'Alibert, ère lo numero 12, entre Lo muòl de Carpan city e l'Emmanuèl Isopet. Gaitatz, verificatz, brave mond ! Escriguère sul Jornalet tot aquò que pensave d'aquela galèjada granda, d'aquela pantalonada de pas crèire que fuguèt l'eleccion d'aquèu dimenge passat. E vaqui que "Lo Jornalet" m'a censurat aprèp una mièja-ora, en retirant ma dicha ! Qué missanta vergonha ! Me copar rèdde la paraula coma s'ère un maufatan ! De qu'avètz contra lei bravi marsilhès ? Es lo paure Gélu que s'en dèu revirar dins lo tombèu, pecaire !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari