Actualitats
La Setmana e Jornalet an validat un acòrdi de cooperacion
Lo redactor en cap de Jornalet collaborarà a l’escritura de la version papièr de La Setmana. Los dos mèdias faràn de reünions periodicas per parlar de l’actualitat, escambiar d’informacions e partejar lo trabalh
Après qualques jorns de discussions amb lo conselh de la Federacion Interregionala dels Mèdias Occitans (FIMÒC), que los dos mèdias ne fan partida, La Setmana e Jornalet venon de validar un acòrdi de cooperacion amb la tòca d’afortir e melhorar la premsa en occitan.
D’un costat, lo redactor en cap de Jornalet collaborarà a l’escritura de la version papièr de La Setmana, çò que pòt permetre de desvolopar cèrts subjèctes, dont qualques unes publicats d’en primièr en linha sus Jornalet, en los presentar d’un autre biais. A la diferéncia del numeric, pensat per legir lèu, comentar, debatre e partejar suls rets socials, la premsa de papièr permet de presentar de tèmas en prigondor.
En mai d’aquò, lo partenariat tòca tanben la cooperacion entre los dos sits Internet de La Setmana e de Jornalet que poiràn reproduire liurament lors contenguts.
Enfin, los dos mèdias faràn de reünions periodicas per parlar de l’actualitat, escambiar d’informacions e partejar lo trabalh.
Lo primièr numèro de La Setmana en cooperacion amb lo redactor en cap de Jornalet serà lo 1078, datat del 9 de junh de 2017.
Lo pache se faguèt dimècres passat 10 de mai, amb un veirat de l’amistat e un brinde via Skype, en preséncia dels confraires de France 3.
19/20 Journal occitan et catalan
D’un costat, lo redactor en cap de Jornalet collaborarà a l’escritura de la version papièr de La Setmana, çò que pòt permetre de desvolopar cèrts subjèctes, dont qualques unes publicats d’en primièr en linha sus Jornalet, en los presentar d’un autre biais. A la diferéncia del numeric, pensat per legir lèu, comentar, debatre e partejar suls rets socials, la premsa de papièr permet de presentar de tèmas en prigondor.
En mai d’aquò, lo partenariat tòca tanben la cooperacion entre los dos sits Internet de La Setmana e de Jornalet que poiràn reproduire liurament lors contenguts.
Enfin, los dos mèdias faràn de reünions periodicas per parlar de l’actualitat, escambiar d’informacions e partejar lo trabalh.
Lo primièr numèro de La Setmana en cooperacion amb lo redactor en cap de Jornalet serà lo 1078, datat del 9 de junh de 2017.
Lo pache se faguèt dimècres passat 10 de mai, amb un veirat de l’amistat e un brinde via Skype, en preséncia dels confraires de France 3.
19/20 Journal occitan et catalan
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una bona union fa la força.
La sinergia dels mejans de comunicacion es vitala per l'informacion en occitan.
"Lo pache se faguèt dimècres passat 10 de mai, amb un veirat de l’amistat e un brinde via Skype, "
atencion en trincant de copar pas l'ecran de l'ordenador :)
Es un maridatge evident e planvengut.
Espèri, coma lector, qu'aqueles jornals arribaràn enfin a trapar lo léser per se desvelopar dins lors dimensions comercialas. Se sap qu'aquesta question n'es copacap, mas n'auriái gaug a véser aqueles mediàs s'espandir.
Sèi un país e duas flors...
Òsca ! Una boana causa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari