Actualitats
An nomenat l’èx-sindic d’Aran, Paco Boya, al conselh directiu del PSÒE
Serà secretari de la montanha e i vòl defendre lo plurilingüisme
L’èx-sindic d’Aran, Francés Boya, farà partida del conselh directiu estatal del PSÒE, après l’eleccion de Pedro Sánchez coma secretari general del partit socialista espanhòl. E mai se Sánchez foguèt votat pels militants socialistats de tot l’estat, dins lo territòri de Catalonha e Aran s’impausèt amb l’81,9% dels vòtes.
Escrivan d’expression occitana e musician tradicional, Francés Boya foguèt raportaire de la Lei 35/2010 de l’occitan, aranés en Aran, quand foguèt deputat al Parlament de Catalonha, e ara poiriá portar la revendicacion de l’identitat occitana al PSÒE. “I sò per aquerò tanben, entà trabalhar per un estat que defene eth plurilingüisme”, çò a dich Boya a Jornalet.
Es pas brica partisan del referendum d’independéncia en Catalonha e Aran. Segon el “cau hèr un esfòrç entà trobar er encaish en ua concepcion dera democracia que non sigue binària”. Es a dire que se declara partisan de “bastir espacis de trabalhs comuns entath respècte dera pluralitat e des identitats”.
Dins lo conselh del PSÒE, Boya serà lo secretari de la montanha. “Sajarè d'èster ara nautada d'aguest nau nomentament e trabalharè entara gent que viu enes zònes de montanha”, çò declarèt Boya a Aué TV.
Escrivan d’expression occitana e musician tradicional, Francés Boya foguèt raportaire de la Lei 35/2010 de l’occitan, aranés en Aran, quand foguèt deputat al Parlament de Catalonha, e ara poiriá portar la revendicacion de l’identitat occitana al PSÒE. “I sò per aquerò tanben, entà trabalhar per un estat que defene eth plurilingüisme”, çò a dich Boya a Jornalet.
Es pas brica partisan del referendum d’independéncia en Catalonha e Aran. Segon el “cau hèr un esfòrç entà trobar er encaish en ua concepcion dera democracia que non sigue binària”. Es a dire que se declara partisan de “bastir espacis de trabalhs comuns entath respècte dera pluralitat e des identitats”.
Dins lo conselh del PSÒE, Boya serà lo secretari de la montanha. “Sajarè d'èster ara nautada d'aguest nau nomentament e trabalharè entara gent que viu enes zònes de montanha”, çò declarèt Boya a Aué TV.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Patapim Patapam, que òc, es lenga de fusta, que altra causa non sap ne pode pas dire.
"se declara partisan de “bastir espacis de trabalhs comuns entath respècte dera pluralitat e des identitats”: S'aquò es pas de lenga de fusta...
Aquel sénher pòt explicar perqué es en contra d'un referèndum demòcratic e es sòci d'un partit que lucha contra la liura expression d'un pòble ?
A l'Aran, i a pas sonque "botiflers" coma el ! Urosament !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari