Actualitats
Cédric Herrou demanda publicament dins un vidèo perqué l’an detengut cinc còps
Lo païsan roiasc es estat mes en gàrdia a vista pel cinquen còp après publicar un vidèo que mòstra e denóncia de practicas illegalas de las autoritats francesas amb los immigrants refugiats menors
An mes en gàrdia a vista Cédric Herrou pel cinquen còp dempuèi un an. Lo païsan de la Val de Ròia qu’es vengut lo simbòl de l’ajuda als migrants e als refugiats lo detenguèron dijòus passat après qu’aguèt publicat dimècres un vidèo suls rets socials que denonciava de practicas illegalas de las autoritats francesas amb los immigrants refugiats menors. Lo vidèo, entitolat Anar-Retorn, es estat fach amb camèra amagada per la còla de Ròia Solidària a la gara mentonasca de Garavan e mòstra e denóncia de “reconduchas illegalas de menors isolats a la frontièra” ansin coma un “centre de retencion illegal” al primièr estatge de la petita estacion ferroviària de Menton.
Tanlèu daissat en libertat, divendres passat, Herrou publiquèt un autre vidèo ont demanda publicament d’explicacions al procuraire de la Republica. “Sòrti de la mieua 5a gàrdia a vista despí un an, a priòri sensa seguida [...] e vorrii ben que m’expliquessiatz perqué”. “Vorrii que me diguessiatz cen qu’es illegal dins lu mieus actes”, çò demanda.
En mai d’aquò, lo païsan roiasc convida a “venir sus plaça” lo prefècte, lo ministre de l’Interior Gérard Collomb e lo president francés Emmanuel Macron.
“Siáu susvelhat 24 oras sus 24, de gendarmas mobils dòrmon sota una tenda, son relevats per 4 còlas. Segon lu mieus calculs, una quarantena de personas son pagadas per lo govèrn francés per mi susvelhar. De qué? Non o sabi”.
En mai d’aquò, Herrou s’inquieta de l’accès als dreches dels migrants e tanben de la presa en carga dels menors isolats per l’ajuda sociala a l’enfança.
Anar-Retorn
Jutjat qualques còps per un afar de solidaritat
Cédric Herrou es un agricultor de 37 ans conegut per aver albergat en cò sieu plusors centenats de migrants. Foguèt detengut en agost passat e puèi mes en libertat. Lo 4 de genièr passat foguèt jutjat per aver portat secors a de migrants e refugiats. Lo procuraire l’acusèt d’aver pas agit a títol umanitari mas per militantisme e li reprochèt, a el e a l’associacion Ròia Ciutadana, l’ocupacion illegala d’un bastiment desafectat per de colònias de vacanças de l’SNCF a Sant Dalmatz de Tenda ont aurián aculhit de desenats de migrants, mai que mai de menors isolats.
Herrou foguèt ja jutjat lo 23 de novembre, amb un autre activista roiasc, Pierre Alain. Èran acusats d’aver secorreguts de migrants e de refugiats. “Un delicte de solidaritat”, çò afirmavan alavetz lors avocats a Marseille infos autonomes. Herrou obtenguèt lo remandament de son procès, çò rapòrta l’OBS.
“Quand vesètz de familhas amb de nenets, de menors per carrièras en situacion d’ipervulnerabilitat fàcia als rets de tot genre, que fasètz? Passatz vòstre camin?”, çò disiá Herrou a La Croix fa qualques meses.
Un afar mediatizat
Ara l’afar es talament mediatizat, mai que mai a l’estrange ont quitament lo New York Times i consagra un bèl reportatge.
La mediatizacion del dorsièr aviá butat lo president del conselh departamental, Eric Ciotti, a publicar d’articles contra Herrou, e mai se los mèdias donèron a l’activista roiasc lo drech de replicar.
Tanlèu daissat en libertat, divendres passat, Herrou publiquèt un autre vidèo ont demanda publicament d’explicacions al procuraire de la Republica. “Sòrti de la mieua 5a gàrdia a vista despí un an, a priòri sensa seguida [...] e vorrii ben que m’expliquessiatz perqué”. “Vorrii que me diguessiatz cen qu’es illegal dins lu mieus actes”, çò demanda.
En mai d’aquò, lo païsan roiasc convida a “venir sus plaça” lo prefècte, lo ministre de l’Interior Gérard Collomb e lo president francés Emmanuel Macron.
“Siáu susvelhat 24 oras sus 24, de gendarmas mobils dòrmon sota una tenda, son relevats per 4 còlas. Segon lu mieus calculs, una quarantena de personas son pagadas per lo govèrn francés per mi susvelhar. De qué? Non o sabi”.
En mai d’aquò, Herrou s’inquieta de l’accès als dreches dels migrants e tanben de la presa en carga dels menors isolats per l’ajuda sociala a l’enfança.
à M le procureur de la république
— Cédric Herrou (@CedricHerrou) 7 de juliol de 2017
j'ai été mis en garde à vue jeudi 6 juillethttps://t.co/pLX8uK1lTU
Anar-Retorn
Jutjat qualques còps per un afar de solidaritat
Cédric Herrou es un agricultor de 37 ans conegut per aver albergat en cò sieu plusors centenats de migrants. Foguèt detengut en agost passat e puèi mes en libertat. Lo 4 de genièr passat foguèt jutjat per aver portat secors a de migrants e refugiats. Lo procuraire l’acusèt d’aver pas agit a títol umanitari mas per militantisme e li reprochèt, a el e a l’associacion Ròia Ciutadana, l’ocupacion illegala d’un bastiment desafectat per de colònias de vacanças de l’SNCF a Sant Dalmatz de Tenda ont aurián aculhit de desenats de migrants, mai que mai de menors isolats.
Herrou foguèt ja jutjat lo 23 de novembre, amb un autre activista roiasc, Pierre Alain. Èran acusats d’aver secorreguts de migrants e de refugiats. “Un delicte de solidaritat”, çò afirmavan alavetz lors avocats a Marseille infos autonomes. Herrou obtenguèt lo remandament de son procès, çò rapòrta l’OBS.
“Quand vesètz de familhas amb de nenets, de menors per carrièras en situacion d’ipervulnerabilitat fàcia als rets de tot genre, que fasètz? Passatz vòstre camin?”, çò disiá Herrou a La Croix fa qualques meses.
Un afar mediatizat
Ara l’afar es talament mediatizat, mai que mai a l’estrange ont quitament lo New York Times i consagra un bèl reportatge.
La mediatizacion del dorsièr aviá butat lo president del conselh departamental, Eric Ciotti, a publicar d’articles contra Herrou, e mai se los mèdias donèron a l’activista roiasc lo drech de replicar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'estat francès, qu'a la memòria corta e selèctiva se mainha de pantheonisa l'ex-delinquènta Simone Veil . Segon las leis anti-josivas de Vichy, que foguèron promulgadas tre julh e octòbre 1940, o-cal precisar, sensa cap pression alemanda , ésser josiu èra un delicte. La nissarda Simone Veil foguèt doncas legalament arrestada per de policièrs francèses , que fasian res qu'aplicar la lei, puèi remèsa a las autoritats alemandas, totjorn dins l'estricte respièch de la lei, per ésser desportada a Auschwitz.
D'aquèl temps lo tipe que fasia lo colhon en donant asili, assistència o ajuda a "d'illegals " ( josius, sens-patria, resistants, comunistas,,franc-maçons, omosessuals e-c-a) s'expausava a ésser castigat per la lei. Quand n'i-avia un que se fasia agantar, lo bon sens populari ( los braves gents de la Mauvaise Réputation de Brassens) avia bèl jòc de dire " es de sa fauta , avia qu'a pas bravar la lei !"
Ara los que bravèron la lei de Vichy son considerats coma d'eròis per los mèsmas ( l'estat francès, lo bon sens populari e-c-a.. ) que considèran que lo Cédric Herrou quicha un pauc amb sa tissa de donar asili, assistència e ajuda a "d'illegals ". Aprèp tot ,s'òm l'escampa en preson es de sa fauta , avia qu'a pas bravar la lei !"
N'i-a certs que me van dire "où, quichas un pauc, sèm pas en 1940, la situacion a res a vèire, e patin-cofin !"
Conèissi una montanhòla vièlha, de la cevèna, qu'en 1940 diguèt bestiosament de las nòvas leis anti-josivas " me damne, fai pensar a l'Edicte de Nantes !". E lo vilatge de ne rire e de se trufar d'èla en li disent " nècia que sias, sèm al sègle vint, sèm pas al sègle sètze, , es pas la mèsma epoca, a pas res a vèire, cal pas tot confondre, pecaire ! " La nècia, l'originala, se taisèt. E a la resconduda, aquèla protestanta un pauc simplèta que confondava las epocas, donèt asili, assistència e ajuda als illegals de son temps. Aprèp la guèrra, quand la lei cambièt e se capvirèt a 180 degrasses, diguèron pas qu'èra una delinquènta. Diguèron qu'èra una "Justa". Es colhon lo mond, vertat ?
I-aurà de longa de nècis, d'originals e de simplèts coma lo Cédric Herrou. Aürosament. Son l'onor de la raça umana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari