Actualitats
Nimes: cinc militants anticorrida en gàrdia a vista
Las arrestacions aguèron luòc après la manifestacion de dissabte de ser contra la corrida que se teniá dins las Arenas de Nimes
An perlongat la gàrdia a vista dels cinc militants anticorrida arrestats dissabte de ser a Nimes, segon lo procuraire de la Republica. Los detenguts son tres òmes e doas femnas interpelats davant las Arenas de Nimes en plena Fèria de Pentacòsta, un eveniment ont an luòc de corsas de braus. Los acusan de “violéncias sus policièrs e rebellion”, e mai un d’eles es acusat de “pòrt e detencion d’arma e degradacion d’un ben public”.
L’arrestacion dels cinc activistas seguissiá la manifestacion contra la “tortura animala”. Segon qualques mèdias locals, los manifestants aurián ensajat d’intrar dins las arenas per evitar la corrida, e faguèron caire sièis policièrs que lor empedissián l’intrada. Los agents de polícia empleguèron de gases lacrimogèns. Lo rapòrt oficial parla de sièis policièrs nafrats.
En mai d’aquò, un jove militant anticorrida foguèt arrestat divendres al Martegue (País Marselhés), perseguit per de “menaças de mòrt”. Foguèt mes en gàrdia a vista e puèi plaçat jos contraròtle judiciari. Los elegits Marx Roustan e Jean-Paul Fournier an fach una denóncia per de menaças de mòrt contra eles publicadas sus Facebook. Se tracta de dos cònsols màgers de la Costièra de Nimes qu’an organizat de corridas dins lors vilas.
Pamela Anderson
La velha de la Fèria de Pentacòsta de Nimes, l’actritz estatsunidenca Pamela Anderson depausèt a la comuna de Nimes una peticion contra la corrida.
L’arrestacion dels cinc activistas seguissiá la manifestacion contra la “tortura animala”. Segon qualques mèdias locals, los manifestants aurián ensajat d’intrar dins las arenas per evitar la corrida, e faguèron caire sièis policièrs que lor empedissián l’intrada. Los agents de polícia empleguèron de gases lacrimogèns. Lo rapòrt oficial parla de sièis policièrs nafrats.
En mai d’aquò, un jove militant anticorrida foguèt arrestat divendres al Martegue (País Marselhés), perseguit per de “menaças de mòrt”. Foguèt mes en gàrdia a vista e puèi plaçat jos contraròtle judiciari. Los elegits Marx Roustan e Jean-Paul Fournier an fach una denóncia per de menaças de mòrt contra eles publicadas sus Facebook. Se tracta de dos cònsols màgers de la Costièra de Nimes qu’an organizat de corridas dins lors vilas.
Pamela Anderson
La velha de la Fèria de Pentacòsta de Nimes, l’actritz estatsunidenca Pamela Anderson depausèt a la comuna de Nimes una peticion contra la corrida.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 1) "beauf" : expression parisenca espandida per Cabu dins lo parisencàs jornal Charlie-Hebdo, que s'es de longa fach una jòia d'escopir sus leis occitans.
2) Per un "beauf" coma disètz, aquèu "Ventadorn, Buoù Camarguenc" parla puslèu plan e d'un biais tras que sensat. Es bensai aquò que vos enfada tant.
3) Per vos que coneissètz pas lo mond de la bovina, un buoù es çò que se ditz un "taure" en occitan estandart. "Ventadorn" èra un famos buoù de Camarga (un "taure" per vos) reputat dins leis corsas camarguèsas (los espectacles taurins de "beauf" per vos) qu'aprèp sa mòrt aguèt son estatua a Lunèu.
#7 Qu'es un plaser de me far insurtar per un "beauf" coma vos, laissaram pas jamai lo monopòli ni de l'occitanisme ni de la ruralitat a daus "beaufs" coma vos, sei lemosin dau monde rurau e me reconeisse p'unpiau dins vòstra pensada estereotipada e arrierada. E dire que vesetz pas lo sexisme que n'en fatz pròva devers Pamela Anderson, coma si 'na blonda tetonada venguda d'Hollywood podiá pas aver una pensada pròpa, urosament, setz en viá disparicion, bon debarràs.
Los assassins dels braus seran excomunicat segon lo Papa Pius I, e non podran pas anar a l'església . Aitals parlava lo papa de Roma fa molts de segles, referent a la tortura que patien los braus en las cursas. A la policia francesa sempre li fan faire aquests paperots las autoritats chovinistas. Que los molt hipocritas aprofitan puei per dire que los de Nimes son uns salvatges que los agrada las cursas de taures.
Caprici "branché" de bobotalha parisenca . Fiselament e pietadosament aprovat per d'escurs aparisenquits (seguir "JC D", sic!) en remirança extasiada, naivèta e esnobinarda per leis pimborlas d'Hollywood. Mancava pus que la Pamela Anderson ( e perque pas la Sue Helen, autra idòla dau JC D (re-sic!) ) e ben justament i-èra en dirècte de Malibu ! M'aguèsse melhor agradat qu'aquèsta popuda de la jet-set cridèsse al seu per defendre los negres d'America o venguèsse a Nimes per defendre la lenga nòstra. Te venguèt al contrari sens cap risca nos faire un faiç de rambalh per pas grand causa. La daissarèm d'aisida al besuquèt enamorat JC D (re-re-sic !) me damne !
#4 Quin parisianism, quin esnobism e quina naivetat de nistonèt !
PS : De qu'es aquèu JC D ? Jesus-Crist Dièu ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari