Entre Mentan e Lei Santei Marias de La Mar, un mòt d’òrdre. Lo cabanon sota los pins. Non.

La villa amb la pistòcha. Perqué?

Evitar de far la coa per anar a la mar. Los taps, se trobar un luec per la toalha o la toalheta.

Quin plaser a se far grasilhar tota la jornaia. Buei. Inutilitat. Per ieu, mens per los cancres de la pèl e autres. La crèma blanca que comença per Bia e s’acaba per fina, a breti.

Luec per discutre, gaire. Per jugar, òc. Per los enfants.

Lo melhor rèsta, per ieu, d’anar quora los toristas an partit e que se disnam sus la plaja quiets amb lo solelh colc.

Mas la piscina, es una causa que, amb de fòtos aerianas, se’n vei de’n pertot. En pista cartapista! Los enfants i passan d’oras es ver.

Mas l’entreten, l’electricitat de la pompa per filtrar, e... L’aiga.

Avans l’aiga al grifolet dins cada pèça de maison, l’aiga èra d’aur.

Los pinardiers disian que l’aiga èra marria perqué l’aiga polia èstre polluaia. Es quasi ver d’un temps que lo tractament de l’aiga èra... natural doncas tot èra possible totun.

Entorn de ieu ai ja sentit, tala sorsa es mai bassa que de costuma e las restriccions prefectoralas sus l’aiga o an ben marcat.

Las piscinas...

Es coma Las Vegas! Un futur caud caud. Plen d’aiga de la chavana amb la tempèsta Alex? E una radicalizacion de las sasons?

Avantatge de la piscina, quora los pompiers pompan l’aiga per amursir lo fuèc entorn...º