Gendarma ven de gents qu’an drech de portar d’armas. Coma carabinier la carabina. Nosautres occitanofònes coma dire que sèm... gendòc?

Quora anam qualque part polèm pensar sovent, dins un pargue: a qué ora barra? Avèm drech de far aquò o non? Caminar sus l’èrba? Far atencion al can, non s’aprochar de tròup per fugir de si far morsegar. Far atencion als autres. De còups sèm talament estonats d’una causa, d’una accion que la paraula nos es talhaia per respòndre. Se direm après, coma d’autres, aurio degut dire aiçò, lo còup que ven, se se produse qualqua ren ansin, dirai aquò.

L’aulivier es simbòl de patz a mai se degue esquichar las aulivas per far d’òli. Qué volètz...

Qué nos limita? En anglés i son dos tèrmes utilizats, liberty e freedom. Un vengut dal latin e l’autre dal germanic. Puslèu que de causir an gardat los dos. Nosautres avèm, astre, fortuna, chança, chabença, segon per dire parier. E n’avèm d’a besonh d’astre... Meme en cpreire conduches a la victòria.

Avèm d’a besonh d’un Zorro per l’occitan? Un Asteròc per resistir e non desaparéisser. Un eròi de BD positiu que capita de nos salvar coma un Capitani Occitània?

Qué s’empacham de far los defendeires de la lenga occitana? De parlar en occitan a un que supausam qu’o parla ren. Qué dire, parlar en forçar l’accent, d’expressions? Trobar una connivéncia que fa resson?

Avio un amic qu’un an de temps si metèt que de parlar occitan en societat. N’a jamai fach testimòni mas devia èstre totplen instructiu coma testimoniatge.

Cal partir ganhant, perdent o entre los dos amb l’occitan?

Èstre optimista es exagerat?

Mas idèas son bèlas mas la realitat mai dura? Sèm un pòple de poetas, de cigalas, cantaires e dançaires? E d’autra causa o de ren mai qu’aquò?