editorial
Lo monument de Vielha
S’inaugurèt dimenge passat a Vielha un monument als militars de l’anciana casèrna de la nomenada “Legion Blanca”. Se tracta de la companhiá d’esquiaires e escalaires, una unitat d’elèit de l’armada espanhòla fondada en 1961 e que sa casèrna se trobèt al capluòc aranés entre 1962 e 2000. Lo monument l’inaugurèron a l’ocasion del desen rescontre de l’associacion dels ancians veterans d’aquela anciana casèrna qu’un còp per an s’amassan a Vielha.
Aquel fach agradèt pas a totòm. D’un caire, la politiciana aranesa Mireia Boya publiquèt un fil sus Twitter ont criticava la decision del cònsol socialista de Vielha e deplorava sa causida de rendre omenatge a la violéncia militara d’origina franquista sens demandar als araneses se se senton un pòble de patz. E mai, Boya ramentava que, dos jorns abans, lo govèrn socialista espanhòl aviá decidit exumar lo cadavre de Franco e de lo retirar del Valle de los Caídos. “A Franco lo cau trèir des institucions a on ei encara viu”, çò declarèt Boya. De son caire, l’èx-cònsol màger de Vielha e ara cap de l’oposicion del consistòri, Àlex Moga, diguèt sus Twitter que “ua causa ei remembrar ua estapa dera istòria dera vila, coma s’a hèt en d’auti ans, e ua auta ei de hèr un omenatge ara Legion Blanca”. En consequéncia, Moga diguèt net e clar que lo monument s’inaugurava pas en son nom.
Coma reaccion al messatge de Twitter de Moga, lo cònsol màger de Vielha, Juan Antonio Serrano, publiquèt una nòta sus Facebook fòrça critica amb Moga. Serrano defendiá l’importància que l’aguèt aguda la casèrna per Vielha als nivèl social e economic, e acusava Moga de cercar la polemica per semenar lo conflicte. Dins aquel sens, Serrano qualifica la fiulada de Moga d’inapropriada e jutja que manca de respècte e tolerància amb “ua clara volontat de conflicte, quauquarren d’indigne de qui ostente o preten ostentar un cargue public”. Lo messatge de Serrano es seguit d’un fum de comentaris dont qualques unes fòrça agressius.
A la còla de Jornalet nos a semblat fòrça desmesurat l’atac de Serrano contra Moga. Cresèm que lo cap de l’oposicion a drech de dire son vejaire, e mai que mai se s’agís d’un monument que representa un soldat amb un fusilh e que rend omenatge a una companhiá militara franquista. Es verai que la casèrna contribuiguèt a l’economia de la Val d’Aran, e que portèt de ligams personals e per ansin de remembres romantics. Mas es permés d’èsser pas d’acòrdi, mai que mai quand òm es lo cap de l’oposicion del consistòri. De respectar pas aquel drech e d’acusar lo dissident d’irrespecte e d’intolerància nos recòrda la politica incendiària que Ciutadans es a entamenar en Catalonha.
Tanben protestèt contra aquel monument, la deputada aranesa al Parlament de Catalonha, Anna Geli. Ela publiquèt sus Twitter un sondatge que portam al sondatge setmanièr de Jornalet.
Aquel fach agradèt pas a totòm. D’un caire, la politiciana aranesa Mireia Boya publiquèt un fil sus Twitter ont criticava la decision del cònsol socialista de Vielha e deplorava sa causida de rendre omenatge a la violéncia militara d’origina franquista sens demandar als araneses se se senton un pòble de patz. E mai, Boya ramentava que, dos jorns abans, lo govèrn socialista espanhòl aviá decidit exumar lo cadavre de Franco e de lo retirar del Valle de los Caídos. “A Franco lo cau trèir des institucions a on ei encara viu”, çò declarèt Boya. De son caire, l’èx-cònsol màger de Vielha e ara cap de l’oposicion del consistòri, Àlex Moga, diguèt sus Twitter que “ua causa ei remembrar ua estapa dera istòria dera vila, coma s’a hèt en d’auti ans, e ua auta ei de hèr un omenatge ara Legion Blanca”. En consequéncia, Moga diguèt net e clar que lo monument s’inaugurava pas en son nom.
Coma reaccion al messatge de Twitter de Moga, lo cònsol màger de Vielha, Juan Antonio Serrano, publiquèt una nòta sus Facebook fòrça critica amb Moga. Serrano defendiá l’importància que l’aguèt aguda la casèrna per Vielha als nivèl social e economic, e acusava Moga de cercar la polemica per semenar lo conflicte. Dins aquel sens, Serrano qualifica la fiulada de Moga d’inapropriada e jutja que manca de respècte e tolerància amb “ua clara volontat de conflicte, quauquarren d’indigne de qui ostente o preten ostentar un cargue public”. Lo messatge de Serrano es seguit d’un fum de comentaris dont qualques unes fòrça agressius.
A la còla de Jornalet nos a semblat fòrça desmesurat l’atac de Serrano contra Moga. Cresèm que lo cap de l’oposicion a drech de dire son vejaire, e mai que mai se s’agís d’un monument que representa un soldat amb un fusilh e que rend omenatge a una companhiá militara franquista. Es verai que la casèrna contribuiguèt a l’economia de la Val d’Aran, e que portèt de ligams personals e per ansin de remembres romantics. Mas es permés d’èsser pas d’acòrdi, mai que mai quand òm es lo cap de l’oposicion del consistòri. De respectar pas aquel drech e d’acusar lo dissident d’irrespecte e d’intolerància nos recòrda la politica incendiària que Ciutadans es a entamenar en Catalonha.
Com ex Alcalde, ara a l'oposició a l'Ajuntament de #VielhaeMijaran una cosa és recordar una etapa de la història del poble (s'ha fet altres anys) i una altra es homenatjar a la "legión blanca". No en el meu nom!!! #VielhaNoEsDeToti@VilaWebhttps://t.co/FimzpfGDrf
— Alex Moga i Vidal (@alexmoga) 26 d’agost de 2018
Tanben protestèt contra aquel monument, la deputada aranesa al Parlament de Catalonha, Anna Geli. Ela publiquèt sus Twitter un sondatge que portam al sondatge setmanièr de Jornalet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aran se prend d'un vam pellas estatuas de tota mèna! De que se passa en aquella vall?
Mercés plan Jornalet
Soi plan content de veire qu'en seguida de mas remarcas e de la de quauques autres legeires, lo tèxt de la question del sondatge setmanièr es estat cambiat per lo rendre de bon comprene per totes.
#6 Op ! Perdon mossur ! Se « idiosincrasia » es comprés per tot lo monde en Aran, demandi plan lo perdon d’aver derengat qualqu’un. Soi pas d’Aran e malgrat qualques convèrsas en Comenge e Aran aviái pas encara ausit aquel mot. Ara, coma soi un pauc nèci e que l’aviái pas trobat dins los tres diccionaris consultats ai pensat a una utilizacion d’un mot medical per un concèpte sociologic (es un pauc aquò fin finala, vist que d’una reaccion individuala se ne fa una reaccion de grope). Lo còp que ven consultarai lo Larousse puslèu que lo Robèrt!
Per contra « particularitats » es plan comprés, me sembla, quitament al « país de l’egalitat jacobina » ;)
D’uèi tanben aurem aprés quicòm !
#3 "Idiosincrasia" ei un mot que tota persona damb un shinhau de cultura en Aran coneish e quitament emplegue.
Un mot tanben existent en francés. Segon Larousse, "idiosyncrasie": nom féminin (grec idiosugkrasia, tempérament particulier). Définitions: Manière d'être particulière à chaque individu qui l'amène à avoir tel type de réaction, de comportement qui lui est propre.
Mès non ei estranh qu'en país dera "egalité" comprenuda ara jacobina non se coneishe pas aqueth mot.
Cal pas aver páur de parlar coma lo pòble.
Per afinar los sondatges, se poiriá pas ajustar una rubrica "M'en foti" ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari