editorial
Pel drech d'aculhença
Lo diluns 3 de setembre passat, la vila de Chemnitz, dins l’èst d’Alemanha, organizèt un concèrt solidari contra la xenofobia. Es atal que los ciutadans de Chemnitz se volguèron desmarcar de las manifestacions ultradrechistas qu’aviá viscut la vila dins los darrièrs jorns e qu’ocasionèron de rambalhs e de violéncias contra las personas immigradas. Ne publiquèrem una nòva sus Jornalet, e puèi i legiguèrem de comentaris que nos semblèron vergonhoses.
Es pas nòstra tòca de respondre a de comentaris racistas, e mai s'interpèlan dirèctament la redaccion d'aqueste jornal. Mas si que volèm remarcar, dins aqueste editorial, que l'avançada de l'ultradrecha en Euròpa es vertadièrament inquietanta. Mentre que la populacion es influenciada per una cèrta propaganda e comença de creire que los migrants son de marrits assalhidors violents, l'ultradrecha avança coma un lop vestit d’una pèl d'anhèl.
En Euròpa, las causas van mal. Grècia e Catalonha an demostrat que lo respècte de la democracia es pas una prioritat d'aquesta Union Europèa que prioriza las bancas e los elèits financièrs sus las vidas de las personas. E sembla qu'aqueles eleits sián contents d'aver de grops ultradrechistas que denóncien los migrants coma los responsables de totes los problèmas, en fasent oblidar las politicas neoliberalas. Atal, Itàlia e Ongria signan d'acòrdis antiimmigracion, e en Occitània se vòta lo Front Nacional del temps que l'occitanitat despareis.
Per astre, aquelas politicas xenofòbas s’embroncan a un cèrt refús popular. A Chemnitz, qualques manifestants antifaissistas afirmèron que volián pas pus "repetir 1933-1945", del temps qu'a Milan, mentre qu'Orban e Salvini escometián l'UE a barrar sas frontièras, de milièrs d’autres manifestants arboravan de bandeiròlas contra lo populisme xenofòb, dont una remarcava que “lo vertadièr enemic es lo que causís las personas que te cal odiar".
L'an passat, en Catalonha, la societat civila se mobilizèt per aculhir los refugiats, e la campanha “Cò nòstre, cò vòstre” mobilizèt mièg milion de personas e organizèt lo pus grand concèrt solidari de l'istòria amb los refugiats. De soslinhar que lo Front Nacional es minoritari al Bascoat, en Bretanha e Corsega. Alavetz, en Occitània, es la pèrda de l'identitat que dona de vam a l'ultradrecha?
Es pas nòstra tòca de respondre a de comentaris racistas, e mai s'interpèlan dirèctament la redaccion d'aqueste jornal. Mas si que volèm remarcar, dins aqueste editorial, que l'avançada de l'ultradrecha en Euròpa es vertadièrament inquietanta. Mentre que la populacion es influenciada per una cèrta propaganda e comença de creire que los migrants son de marrits assalhidors violents, l'ultradrecha avança coma un lop vestit d’una pèl d'anhèl.
En Euròpa, las causas van mal. Grècia e Catalonha an demostrat que lo respècte de la democracia es pas una prioritat d'aquesta Union Europèa que prioriza las bancas e los elèits financièrs sus las vidas de las personas. E sembla qu'aqueles eleits sián contents d'aver de grops ultradrechistas que denóncien los migrants coma los responsables de totes los problèmas, en fasent oblidar las politicas neoliberalas. Atal, Itàlia e Ongria signan d'acòrdis antiimmigracion, e en Occitània se vòta lo Front Nacional del temps que l'occitanitat despareis.
Per astre, aquelas politicas xenofòbas s’embroncan a un cèrt refús popular. A Chemnitz, qualques manifestants antifaissistas afirmèron que volián pas pus "repetir 1933-1945", del temps qu'a Milan, mentre qu'Orban e Salvini escometián l'UE a barrar sas frontièras, de milièrs d’autres manifestants arboravan de bandeiròlas contra lo populisme xenofòb, dont una remarcava que “lo vertadièr enemic es lo que causís las personas que te cal odiar".
L'an passat, en Catalonha, la societat civila se mobilizèt per aculhir los refugiats, e la campanha “Cò nòstre, cò vòstre” mobilizèt mièg milion de personas e organizèt lo pus grand concèrt solidari de l'istòria amb los refugiats. De soslinhar que lo Front Nacional es minoritari al Bascoat, en Bretanha e Corsega. Alavetz, en Occitània, es la pèrda de l'identitat que dona de vam a l'ultradrecha?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Alavetz, en Occitània, es la pèrda de l'identitat que dona de vam a l'ultradrecha?"
Non, es principalament leis inegalitats, que son una caracteristica forta dau nostre ribatge mediterraneu, de Vitrola cap a Besiers, per un molon de rasons. Veire aquesta infografia : https://static.ladepeche.fr/content/media/image/zoom/2008/11/01/200811011582.jpg
La situacion economica es forca mai tranquilla dins lo Bascoat o Bretanha (o en Alsacia tanben).
E la situacion de Corsega es un pauc complicada e particulara.
#22
Es curiós aquel rasonament...
Disètz que sètz pas responsable del mal que se faguèt abans vos (mas que representatz totjorn al uèlhs dels que lo patiguèron), mas acceptatz e aprofichatz sens tròp de problèma del ben que se faguèt quora se lutèt per vòstres drets (a un moment ont existissiatz pas segur), a mens que coma "i sètz per pas res" aquí tanben, per exemple a prepaus de çò de la libertat d'expression (qu'i a fòrça estrangièrs que moriguèron dins lo maquis nòstre per aquò), o del regime solidari de retreta, de la securitat sociala etc. ne volètz pas n'aprofiechar?
Es verai qu'avètz pas res fach, que sàpia, per qu'aquò existica...
Vocabulari politic: extrèma drèita, populisme,...
Un ensemble de páurs eteroclitas, realas o falsas se cristallizan a l'entorn de movements o partits dits, d'extrèma dreita o populistas, de per las altras sensibiletats politicas.
Aquells qualifificatius son criticables, que favorizan la convergència, e que semblan impròpris, que las gents i son pas necitament faissistas, e que populista desvaloriza le pòble, le pòble petit.
La pujada d'aquelles movements fa le jòc del ultra-liberalisme, que se désigna coma la razon e la via unenenca.
Se pòt pas assimilar páur de l'estrangièr e òdi de l'estrangièr, xenofobia e immigracion massisa, e cal admettre la rason d'una mesura.
Migrants e refugiats, an pas vocacion per migrar, s'avián pas de rasons seriosas, que s'i poiriá portar remedi. L'acculh es pas simplament individual mais collectiu, e causa un còst que se descute.
Le pòble menut se sènt esclafat, oblidat, e concurrenciat socialament e laboralament.
Le fenomène tòca pas Occitània, mais mais que mais Provença, que tot aquò pòt d'analisar e combattre o prendre en compte, sens anathèmas inutils e improductius.
Ramenti que soi pas d'aquelles movements...
Ieu diriái puslèu pel « drech d’aculhir ». Me sembla mai popular que lo sabent « aculhença ».
Podèm debatre tant que volèm d’aquelas migracions. La causa es qu’es plan una question de punt de vista. Ausissi plan mens de monde bramar contra « l’invasion » del monde de nòrd de França que pr’aquò parlan pas coma nosautres, qu’an un accent suspect, cosina plan curiosament, qu’aiman pas nòstras costumas e sabi pas que mai… tot aquò pr’amor que passan pas una frontièra estatala.
« L’estrangièr » (=aquel que coneissèm pas) estant una nocion relativa, coma la nocion de frontièra, la question deven plan diferenta dins una reflexion mondiala. Cal per aquò (e es un bocin malaisit de còps) se remembrar que sèm totes fraires (o cosins) los umans. E sembla plan normal a totes d’aculhir a l’ostal son cosin quand i a un aigat a son ostal o son fraire que lo vesin li a botat lo fuòc a l’apartament. Evidentament geina un pauc, l’ocupacion de la cambra d’amic, las quantitats pels sopars… mas enfin, sèm en familha, e son benlèu pas mai pica-sièta que lo filh que ne branda pas una dempuèi dos ans e que squata la cambra amb son amigueta e sos amics tamborinaires que dintran coma dins un molin e que tiran pas l’escampa als cagadors (quand pissan pas a costat).
Doncas, per ma part, se caliá acceptar las personas en foncion de la geina que provòcan, vos asseguri que seriá pas la nacionalitat mon primièr critèri !
#22 Ai pas dich que deuriatz èsser punit per çò d'autres fagueren, dise mas que los Occidentaus, nòstres aujòus, avem creat las causas daus problemas dau sud e que çò que se passa aura ne'n es per bona part la consequéncia. Que fau far? Refusar aqueu monde que fugissen la miséria e pas partejar las nòstras richesas, los laissar crebar qué? Ieu, m'es d'avís qu'avem larjament pro richesas per los aculir, n'en aculir fòrça mai que çò que fasem. A legir la premsa, avem l'impression que som davant una invasion çò qu'es pas verai, un pichon país coma Liban a aculit 20 còps mai de migrants que nautres. Tant qu'a la delinquéncia, qu'es un espauralh, l'i a penas mai de delinquéncia chas las populacions immigradas qu'en generau quand un pren la pena d'analisar las chifras correctament, e, tenetz, pensar que los migrants serián mai violaires que los autres, aquó, qu'es una idèa faussa, 80% daus violaires venen de la familha pròcha, los inconeguts representan ren mas 10% a pauc près, dijatz-me quantben son immigrats aquí dedins? Faudriá donc començar per rason gardar quand un parla daus migrants o immigrats. Tant qu'au modele francés assimilatòri, ne'n vòle pas, sabem ben çò qu'a balhat, seriá temps de trobar d'autres modeles d'integracion e de pensar a l'interculturau, au transculturau, lo monde de las termieras barradas es achabat, l'i se vai faler far que l'i aurá de mai en mai de flux emb lo problemas creats per lo liberalisme (climat, paubretat, fam...), ai pas la solucion mas crese que podem aculir força mai de gents e perqué pas renónciar au modele de societat monoculturala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari