editorial
“Nòstre enemic èra pas l’alemand”
Aqueste dimenge 11 de novembre, de capolièrs del Mond entièr se passejan per París, en seguissent Emmanuel Macron. Dins una cordelada de ceremònias, festejan l’armistici de l’11 de novembre de 1918 que metèt lo ponch final a una guèrra d’una cruseltat e d’una mortalitat ineditas fins alavetz. Mas en cap d’aquelas ceremònias s’es pas dich un sol mot del genocidi que lo patiguèt lo pòble occitan.
França trantalhèt pas per mandar de milièrs e de milièrs de joves occitans morir al front. Per las autoritats francesas, las vidas de milions de joves de tot l’Exagòn avián mens de valor que lo revenge de la guèrra francoprussiana de 1870, e que l’anexion d’Alsàcia e de Lorena, sens quitament pas demandar l’opinion dels alsacians e dels lorens.
Es enfin temps de far conéisser al Mond çò que signifiquèt aquela guèrra crusèla pel nòstre país. La guèrra portèt la mòrt a la majoritat dels joves occitans menats en primièra fila coma carn de canon, e devorèt las ressorsas naturalas d’Occitània que foguèt quitament descapitalizada amb sas bancas màgers transferidas a París. E sustot, portèt l’alienacion e signifiquèt lo còp màger contra nòstra lenga e a nòstra identitat. Per tant, cal condemnar l’instrumentalizacion d’aquela barbariá e exigir de l’estat francés una reparacion.
Joan Jaurés, lo vertadièr eròi
Après la badinada de Macron de rendre omenatge al marescal Pétain, e la consequenta responsa de Mélenchon d’exaltar lo marescal Joffre, la còla de Jornalet volèm revendicar lo vertadièr eròi d’aquela guèrra, un grand occitan que faguèt tot çò possible per l’evitar, çò que li costèt la vida.
Joan Jaurés èra assassinat a París lo 31 de julhet de 1914. Sa mòrt metèt fin a tot son trabalh e sos esfòrces contra lo chauvinisme e per evitar una guèrra que començariá tres jorns puèi; totes aqueles esfòrces qu’el aviá menats dempuèi l’atemptat de Sarajevo un mes abans (un atemptat qu’anava èsser la causa oficiala de la Primièra Guèrra Mondiala).
L’assassin de Jaurés, Raoul Villain, èra membre de la Liga dels Joves Amics d’Alsàcia-Lorena, un grop d’estudiants chauvinistas franceses partisans de la guèrra contra Alemanha. Villain declarèt aver agit solet per “eliminar un enemic de son país”. Lo jutgèron en 1919 e lo gracièron per una resolucion que disiá: “Se l’adversari de la guèrra Joan Jaurés aguèsse ben capitat, França auriá pas pogut ganhar la guèrra”. Villain s’exilièt a Eivissa, ont foguèt fusilhat per de milicians anarquistas lo 14 de setembre de 1936.
França trantalhèt pas per mandar de milièrs e de milièrs de joves occitans morir al front. Per las autoritats francesas, las vidas de milions de joves de tot l’Exagòn avián mens de valor que lo revenge de la guèrra francoprussiana de 1870, e que l’anexion d’Alsàcia e de Lorena, sens quitament pas demandar l’opinion dels alsacians e dels lorens.
Es enfin temps de far conéisser al Mond çò que signifiquèt aquela guèrra crusèla pel nòstre país. La guèrra portèt la mòrt a la majoritat dels joves occitans menats en primièra fila coma carn de canon, e devorèt las ressorsas naturalas d’Occitània que foguèt quitament descapitalizada amb sas bancas màgers transferidas a París. E sustot, portèt l’alienacion e signifiquèt lo còp màger contra nòstra lenga e a nòstra identitat. Per tant, cal condemnar l’instrumentalizacion d’aquela barbariá e exigir de l’estat francés una reparacion.
Joan Jaurés, lo vertadièr eròi
Après la badinada de Macron de rendre omenatge al marescal Pétain, e la consequenta responsa de Mélenchon d’exaltar lo marescal Joffre, la còla de Jornalet volèm revendicar lo vertadièr eròi d’aquela guèrra, un grand occitan que faguèt tot çò possible per l’evitar, çò que li costèt la vida.
Joan Jaurés èra assassinat a París lo 31 de julhet de 1914. Sa mòrt metèt fin a tot son trabalh e sos esfòrces contra lo chauvinisme e per evitar una guèrra que començariá tres jorns puèi; totes aqueles esfòrces qu’el aviá menats dempuèi l’atemptat de Sarajevo un mes abans (un atemptat qu’anava èsser la causa oficiala de la Primièra Guèrra Mondiala).
L’assassin de Jaurés, Raoul Villain, èra membre de la Liga dels Joves Amics d’Alsàcia-Lorena, un grop d’estudiants chauvinistas franceses partisans de la guèrra contra Alemanha. Villain declarèt aver agit solet per “eliminar un enemic de son país”. Lo jutgèron en 1919 e lo gracièron per una resolucion que disiá: “Se l’adversari de la guèrra Joan Jaurés aguèsse ben capitat, França auriá pas pogut ganhar la guèrra”. Villain s’exilièt a Eivissa, ont foguèt fusilhat per de milicians anarquistas lo 14 de setembre de 1936.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Villain s’exilièt a Eivissa, ont foguèt fusilhat per de milicians anarquistas lo 14 de setembre de 1936… Aquela, la me repetirai sovent, al nom de la Republica !
Passacarrièra, i anirai pas : vòstra bandièra, la vòli pas !
Pel Partit de la Nacion Occitana l'onze de novembre i a res a celebrar
http://lo.lugarn-pno.over-blog.org/2018/11/11-novembre-1918-faut-il-celebrer-la-victoire.html
Plan d'accòrd emben aquel article.
Qui a assassinat Henti IV, J. Kennedy, J. Jaures? Come dins tant d'autres assassinats de politics o de scientifics i auria qu'un sol assassin mas darrier l'assassin se cata totjorn de las fòrças obscuras.
Perqué dins aquela guerra los USA son intervenguts en favor de França aladonc que l'opinion americana era a l'epoca mai favorable a Allemanha?
Perque l'istòria nos a pas contat la Revolucion anarchica en Alsaça d'entre las doas guerras?
Coma lo dich lo scientific Jean Pierre Petit, la terra es malauda ecologicament, economicament,,socialament, psicologicament perque los terriens an pas compres a de que devia servir sciença e tecnologia, a s'entretuar en fabricar de las armas de mai en mai efficaças?
Que son venguts far tots aqueus caps d'estat : commemorar una guerra que los concerna pas o se reunir per de causas catadas, benleu una reinicialisacion dau noveu sistem monetari botat en plaçe fai un an dins de las reunions que devian parlar dau climat?
I a un appel daus sensdents sur internet per un armistice mondial au nom de tots los pòples de la planeta per que debuta una novela era de patz e de prosperitat. Lo trobaretz sur lo site " changera-blogspot, le grand changement en date du 11 de novembre de 2018.
Los maires ocitans se devan de legir lo discors de la tesa officiala mas dins lòr fòr interior o en public, quantben denonçaran l'ipocrisia e diran pus jamai aquò? per un armistice mondial?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari