editorial
Lo gèst politic de cremar una bandièra
Las bandièras son de simbòls nacionals e sentimentals. Un occitan sentís pas çò meteis quand vei la bandièra occitana que quand vei una bandièra francesa o una bandièra russa. De la meteissa manièra qu’un francés sentís pas çò meteis quand vei la tricolor republicana o la bandièra d’Irlanda. Las bandièras simbolizan de sentiments nacionals e los sentiments nacionals son una causa absoludament personala que cada persona viu d’una faiçon desparièra. Mas cal pas desmembrar una causa fondamentala: una bandièra es pas qu’un tròç de teissut de colors.
Aquò, o cal remembrar ara que sèm a la velha del jutjament contra un ciutadan que, l’11 de novembre passat, cremèt doas bandièras francesas dins la vila de Fois. L’òme, pendent que las cremava, proclamèt “Visca Occitània, a bas l’Estat francés”. Aquela accion es pas brica abituala, malgrat los problèmas endemics de França per rapòrt a las siás nacions reprimidas. Per tant, una cèrta polemica s’es levada e lo responsable de la cremason de las bandièras serà jutjat lo 18 de decembre que ven, per un possible delicte de degradacion volontària, per incendi e otratge a la bandièra francesa.
Aquel debat sus la cremason de bandièras es pas nòu. Los Estats Units, un país plan gelós dels sieus simbòls nacionals, autorizèt la cremason de bandièras estatsunidencas perque la siá Cort Suprèma considerèt que la libertat d’expression es en dessús d’autras interpretacions politicas. Cresèm qu’aquela dralha es corrècta. Lo Jornalet a totjorn defendut la via politica e democratica per far progressar l’occitanisme. Tanben, dins certans cases, avèm defendut qualques accions revendicativas per metre la question occitana al centre del debat politic e mediatic.
Amb aquò volèm pas dire qu’aprovem la cremason de bandièras francesas. Ça que la, la repression judiciala francesa ajuda pas brica a afrontar lo debat de fons amb serenitat.
Aquò, o cal remembrar ara que sèm a la velha del jutjament contra un ciutadan que, l’11 de novembre passat, cremèt doas bandièras francesas dins la vila de Fois. L’òme, pendent que las cremava, proclamèt “Visca Occitània, a bas l’Estat francés”. Aquela accion es pas brica abituala, malgrat los problèmas endemics de França per rapòrt a las siás nacions reprimidas. Per tant, una cèrta polemica s’es levada e lo responsable de la cremason de las bandièras serà jutjat lo 18 de decembre que ven, per un possible delicte de degradacion volontària, per incendi e otratge a la bandièra francesa.
Aquel debat sus la cremason de bandièras es pas nòu. Los Estats Units, un país plan gelós dels sieus simbòls nacionals, autorizèt la cremason de bandièras estatsunidencas perque la siá Cort Suprèma considerèt que la libertat d’expression es en dessús d’autras interpretacions politicas. Cresèm qu’aquela dralha es corrècta. Lo Jornalet a totjorn defendut la via politica e democratica per far progressar l’occitanisme. Tanben, dins certans cases, avèm defendut qualques accions revendicativas per metre la question occitana al centre del debat politic e mediatic.
Amb aquò volèm pas dire qu’aprovem la cremason de bandièras francesas. Ça que la, la repression judiciala francesa ajuda pas brica a afrontar lo debat de fons amb serenitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
responsa al comentari 9
Avètz plan rason sénher Artur Martin de Fois.
Nos cal gardar un Mèstre tant bon coma lo qu'avèm dempuèi tant de sègles.
Un Mèstre qu'escana cada jorn la nòstra lenga e la nòstra cultura e que per pura generositat nos ensenha sa lenga a gratis dins d'escòlas que financiam amb las nòstras talhas.
Aqueste Mèstre tant bon que nos balha d'emplègs de soldats per sas guèrras e de foncionaris (per temps de patz) plan luènh del pais amb lo dreit de nos'n tornar un pauc abans la retirada o per la retirada.
Per nos grandmercejar d'èsser tant gents amb èl, fa venir del seu pais de monde que son e seràn linguisticament e culturalament docils. Lo sol bilinguisme que demandaràn serà lo bilinguisme Français-Français.
Avètz plan rason sénher Artur Martin de Fois se lo masoquisme e la resignacion son dins vòstre biais de viure, un Mèstre tant bon lo vos cal servar. Lo vos daissi ...
Es lo negacionisme ''ego-centralisaire'' que fòrabandis .
Es lo meteis qu'engendra lo desesper e buta sus leis dralhas del extrèm .
O lo tipe qu'a cremat la banièra es un irresponsable, alavetz lo cal sonhar. O ben es responsable, alavetz li caldrà pagar per çò que faguèt. Es normal, aquò. Aurà pas qu'a far una collecta auprèp dels militants antifrancés e de convéncer son deputat per tal que càmbie la lei. Francament, nautres, la majoritat que se sentisson plan dins la republica francesa, se'n contrafotèm.
Amb aquò volètz pas dire qu’aprovètz la cremason de bandièras francesas. Ieu, si. E puèi lo problèma es de saber s'es delictuós de cremar una bandièra o non. Qué nos pòt plan far que siá francesa o non ?
Cremar una bandoèra es pas un jòc per far Carnaval. Es una expression politica. O interdire es trepejar la libertat d'expression.
I a un moment privilegiat de l'annada que tot es autorizat. S'exprimir liurament, gausar dire lo seu confle, amassar de monde per far clantir de frasas que tustan e tot aquò en tota legalitat.
E òc es lo bon e brave temps de Carnaval.
Imaginem un Rèi Carnaval que semblaria la Torre Eiffel entornejada de milierats de bandièras francesas fabricadas per aquel moment e tot aquò va cremar dins l'allegrança generala ... en tot legalitat
Lo militantisme occitan es a portada de confetti .........
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari