editorial
Per un occitanisme feminista
Uèi es l’8 de març! O foguèt divendres passat, cèrtas, mas o es tanben uèi e o deu èsser totes los jorns de l’annada. Quita pas d’èsser ofensant que las femnas del Mond ajan un jorn consagrat a elas, coma se foguèsse lo Jorn Internacional de la Tèrra o lo Jorn Internacional de la Lucha contra lo Càncer. De consagrar un jorn a una causa es un simptòma indubitable qu’aquela causa se tròba dins una situacion delicada. Per exemple, i a pas cap de Jorn Internacional del Comèrci ni cap de Jorn Internacional de la Guèrra. Que las femnas ajan un jorn consagrat es, lamentablament, la pròva evidenta d’una trista realitat.
Se poiriá pensar que las femnas occitanas, coma totas las europèas, an pas de problèmas grèus. Almens se comparam amb d’autras culturas ont lo masclisme nos sembla mai evident. Mas a cada 8 de març remarcam que las manifestacions son mai nombrosas del temps qu’o son tanben las revendicacions. Del mai avançam, del mai sabèm que i a de camin de far per l’egalitat de genre. E atencion! Cal pas comprene lo mot egalitat a la francesa, es a dire coma sinonim d’uniformitat, mas coma sinonim d’equitat. Lo combat feminista cèrca d’aténher l’egalitat en tot manténer la reconeissença de la diferéncia. Vol dire egalitat d’escasenças e egalitat de condicions e de dreches. E ne sèm luènh. En mai d’aquò, lo combat feminista l’an jonch los collectius LGTBI e totes los que se senton victimas de la societat patriarcala.
Lo feminisme se bat per una societat egalitària e justa, e es per aquela rason que la còla de Jornalet cresèm qu’es solament dins un encastre feminista que lo pòble occitan recobrarà sa consciéncia e sa libertat nacionala. Mentretant, volèm mercejar totas las femnas qu’entamenan cada jorn lo combat feminista, perque luchan per una societat justa e egalitària al profièch de totes los qu’aimam la justícia sociala e la libertat. E mercejam tanben totas aquelas militantas car lor combat nos ajuda a prene consciéncia e a combatre aqueles masclismes socialament normalizats (o micromasclismes) que fòrça cometèm abitualament.
Enfin, esperam qu’un jorn poirem escafar del calendièr lo Jorn Internacional de las Femnas e consagrar lo 8 de març a festejar lo Jorn de l’Egalitat dels Genres. Mentretant, cresèm que cada jorn deu èsser l’8 de març.
Se poiriá pensar que las femnas occitanas, coma totas las europèas, an pas de problèmas grèus. Almens se comparam amb d’autras culturas ont lo masclisme nos sembla mai evident. Mas a cada 8 de març remarcam que las manifestacions son mai nombrosas del temps qu’o son tanben las revendicacions. Del mai avançam, del mai sabèm que i a de camin de far per l’egalitat de genre. E atencion! Cal pas comprene lo mot egalitat a la francesa, es a dire coma sinonim d’uniformitat, mas coma sinonim d’equitat. Lo combat feminista cèrca d’aténher l’egalitat en tot manténer la reconeissença de la diferéncia. Vol dire egalitat d’escasenças e egalitat de condicions e de dreches. E ne sèm luènh. En mai d’aquò, lo combat feminista l’an jonch los collectius LGTBI e totes los que se senton victimas de la societat patriarcala.
Lo feminisme se bat per una societat egalitària e justa, e es per aquela rason que la còla de Jornalet cresèm qu’es solament dins un encastre feminista que lo pòble occitan recobrarà sa consciéncia e sa libertat nacionala. Mentretant, volèm mercejar totas las femnas qu’entamenan cada jorn lo combat feminista, perque luchan per una societat justa e egalitària al profièch de totes los qu’aimam la justícia sociala e la libertat. E mercejam tanben totas aquelas militantas car lor combat nos ajuda a prene consciéncia e a combatre aqueles masclismes socialament normalizats (o micromasclismes) que fòrça cometèm abitualament.
Enfin, esperam qu’un jorn poirem escafar del calendièr lo Jorn Internacional de las Femnas e consagrar lo 8 de març a festejar lo Jorn de l’Egalitat dels Genres. Mentretant, cresèm que cada jorn deu èsser l’8 de març.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per un occitanisme feministe, per un occitanisme vegan, per un occitanisme LGBT...Tsss... Tot es bon per far de publicitat a l'utopia occitana, passada de moda dempuèi bèl temps. Un oportunism ineficaç que fa plan rire. Patetic.
#3 e ben "Per un feminisme occitanista" ...
Las lengas mairalas son passadas de per las fèmnas.
Las darrièiras fèmnas que parlan "patoés", mai que le passen! Còsta pas rèn nimai d'esfòrt...
Sem feministes e volan botar au poder una femna que devendra benleu una viragò? Aquo vai pas. Nos chau anar un pauç pus lonh dins la natura umana.
Lo masculin e lo feminin son de las qualitats que chacun pòrta en se. L'òme exteriorise son masculin e interiorise son feminin. La femna exteriorisa son feminin e interiorisa son masculin.
Lo masculin quò es la fòrça, la defensa dau clan, la justiça, la reparticion equitable per tots los membres de la familha (e totas las qualisats valorisadas dau temps dau trobador).
Lo feminin quò es l'intuicion, l'amor maternala, la creativitat, (pas belcòp de valorisacion per elas au temps daus trobadors?)
Un òme coma una femna devan equilibrar lòr masculin e lòr feminin per esser plan dins lòr peu. Dins nòstra societat fasam cople per cerchar dins l'autre l'equilibre que troban pas sovent per que l'equilibre es a l'interior de se.
Una femna pòd aver un masculin plan important e jugar lo rotle dominant. E un òme pòd esser una femeleta.
L'òm revendica daus dreits per chacun mas sufis pas d'aver per esser uros. Fau tanben esser uros, esser uros en familha o dins la vita; esser en bona santat pus leu qu'aver una sentat. Aquela teoria exiçge d'aver de las qualitats umanas e nòstre societa a devalorisat las qualitats per privilegiar un materialisme que jamai porra rendre uros.
Sofia Rielh (que trobaretz sur internet en tapant aquel nom) a demandat dins un stage "qualas son vos qualitats". Chacun a fach una lista de çò qu'estimavan esser sas qualitats las pus positivas. Sofia a solament dich " sei mervelhosa". Perque tot lo temps se devalorisat per rappòrt a l'autre, au patron, au saber, a que?. Prenam consciença que sem pas solament una fòrça de trabalh!
Quauqu'un que de sas duas camas una es mei corta, ne ranqueja pas aqueth ? Las doas camas ne li dolen pas a caminar de longa ? la mei longa tan coma la mei corta ? E l'esquia , e los rens ? Lo còs tot ne patís , l'empacha de marchar .
Drets egaus per cadun , aquò n'es pas un "present'' bravolet per las hemnas, es tornar a la santat per la societat tota, que los òmes tanben ne malautejan , shens se'n avisar .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari