S'anóncia en Catalonha un auton caud. Fa dos ans, se faguèt l'encarceracion preventiva dels presidents de las doas principalas associacions independentistas, qualque temps abans l'encarceracion, tanben preventiva, de la presidenta del Parlament de Catalonha e del govèrn regional elegit democraticament. Ara, dos ans puèi, los jutges prononciaràn lor senténcia del temps que lo pòble catalan se prepara per respondre a aquela agression amb de nòvas mobilizacions.
 
L'estat espanhòl ven d'agir un còp de mai amb fòrça, violéncia e messòrgas. Diluns passat, cinc cents agents de la Gàrdia Civila foguèron mobilizats per detenir nòu joves mentre que las televisions de l'estat espanhòl retransmetián las detencions gaireben en dirècte e mostravan de reportatges qu'avián alestits per l'ocasion. Los nomenavan "terroristas" e disián qu'èran a mand d'alestir d'atemptats. I aviá de jornalistas que disián quitament qu'avián de plans de sits sensibles e de bombas. La polícia a presentat coma pròvas una saca de posca, una ola e de material pirotecnic d'una còla qu'organizan los tradicionals correfocs, un espectacle festiu ont de diables e d'èssers mitologics que pòrtan d'espleches pirotecnics se passejan e dançan per carrièras amb lo public. Sèt dels nòu detenguts son dins una preson de Madrid, embarrats e jutjats per la dicha Audiéncia Nacionala, un tribunal d'excepcion especializat en delictes de terrorisme. Se nomenan Germinal, Edu, Ferran, Xavi, Alexis, Txevi e Jordi.

En Catalonha, i a pas de terrorisme e quitament pas de violéncia. I aguèt pas tanpauc de rebellion ni mai de sedicion, mas los representants del pòble son en preson o en exili per aquelas acusacions. Del meteis biais que i a de rebellion sens violéncia e de sedicion sens soslevament, ara i a de terroristas sens terrorisme.
 
Mentretant, cap de cort de justícia espanhòla a pas dobèrt d’enquista sus un fach extrèmament grèu denonciat solament pel jornal Público, que publiquèt en julhet passat de documents escriches que demostrarián la relacion dirècta entre los  servicis secrets de l’estat espanhòl e lo cervèl dels atemptats terroristas que los patiguèron Barcelona e Cambrils en agost de 2017.
 
E Euròpa, coma en 1936, agacha endacòm mai.

 

#VÍDEO La @guardiacivil presenta el magatzem de les festes de #Sabadell com si fos un 'zulo' terrorista ple d'explosius #CDR#Catalunya#criminalitzacióhttps://t.co/HyzoO3zVKQ

— Diari de Balears (@dbalears) September 24, 2019

 

Vídeo Roda de premsa " Llibertat #Detingudes23S "
Fem una crida a tota la ciutadania a no defallir i seguir dempeus, a mobilitzar-se, a seguir expressant les seves idees i a participar políticament.
Josep Busqueta https://t.co/No6i2zNiPEhttps://t.co/jNjZJ7Kkau

— Detingudes23S (@Detingudes23S) September 26, 2019