editorial
Mercés plan per la solidaritat que rend possible Jornalet
Jornalet es un jornal en linha que se finança sustot gràcias a la collaboracion de sos legeires. Tant los sòcis de l'associacion de drech francés Los Amics de Jornalet coma los de l'ADÒC, registrada a la Generalitat de Catalonha, finançan aqueste mèdia, que tanben recep de dons de legeires e de collectius occitans o occitanofils. Una autre encaissament important que rend possible Jornalet son las subvencions per la promocion de l'occitan qu'autreja la Direccion Generala de la Politica Lingüistica de la Generalitat de Catalonha.
La darrièra campanha de finançament solidari menada a bon tèrme se lancèt entre julhet e setembre e capitèt a amassar 3000 èuros en tres meses e a assegurar la vida d'aqueste jornal fins al començament de 2020. Mercés a totes los que nos avètz mandat d’argent, de messatges de solidaritat, de vam... e tanben mercés als qu’avètz partejat los articles publicats, qu’avètz prepausat d’articles per publicar, que nos avètz donat d’idèas, qu’avètz fach virar la campanha de sosten e l’avètz raportada endacòm...
Las finanças son totjorn magras e avèm besonh de lançar tornarmai una autra campanha de finançament solidari. Avèm lo vam e l'enveja de viure en occitan e de far viure l'occitan cada jorn amb un jornal en linha. Aquel vam e aquela enveja l'avèm gràcias a la solidaritat que nos arriba de totes.
Ongan, avèm perdut de publicitats importantas que nos ajudavan fòrça, coma la del Conselh General d'Aran, qu'esperam de poder recuperar un jorn del temps qu'esperam que l’ÒPLO reconsiderarà lèu sas politicas de finançament e nos poirà ajudar a far viure la lenga.
A l'ora d'ara, Jornalet es publicat cada jorn gràcias al sacrifici de cèrtas personas. Voldriam assegurar un petit salari simbolic pel cap-redactor e pel redactor-corrector. De pagas qu’esperam qu’un jorn poiràn èsser regularas e sustot mai dignas. D’autras despensas son lo servidor d’Internet, las despensas bancàrias, las indemnitats per desplaçaments, los servicis de gabinet juridic... Fins ara, avèm fach d’esfòrces per conténer tot aquò dins un budget minimal.
Al nivèl de las recèptas, Jornalet ten còp gràcias a las ajudas publicas, a la publicitat e, sustot als dons dels legeires e dels Amics de Jornalet.
Lo jornal que sètz a legir quitarà pas de paréisser cada jorn amb d’articles nòus e de nòvas opinions e quitarà pas d’èsser d’accès gratuit. La lenga occitana e l’espaci occitan de comunicacion son tròp fragils, uèi lo jorn, e i podèm pas metre mai d’obstacles. Ont arribarà pas l’argent i metrem mai d’oras panadas a la familha, al sòm e al trabalh. L’enòrma solidaritat dels legeires nos a donat de vam e de fòrças.
Mentretant, podèm pas far autrament que vos mercejar!
La darrièra campanha de finançament solidari menada a bon tèrme se lancèt entre julhet e setembre e capitèt a amassar 3000 èuros en tres meses e a assegurar la vida d'aqueste jornal fins al començament de 2020. Mercés a totes los que nos avètz mandat d’argent, de messatges de solidaritat, de vam... e tanben mercés als qu’avètz partejat los articles publicats, qu’avètz prepausat d’articles per publicar, que nos avètz donat d’idèas, qu’avètz fach virar la campanha de sosten e l’avètz raportada endacòm...
Las finanças son totjorn magras e avèm besonh de lançar tornarmai una autra campanha de finançament solidari. Avèm lo vam e l'enveja de viure en occitan e de far viure l'occitan cada jorn amb un jornal en linha. Aquel vam e aquela enveja l'avèm gràcias a la solidaritat que nos arriba de totes.
Ongan, avèm perdut de publicitats importantas que nos ajudavan fòrça, coma la del Conselh General d'Aran, qu'esperam de poder recuperar un jorn del temps qu'esperam que l’ÒPLO reconsiderarà lèu sas politicas de finançament e nos poirà ajudar a far viure la lenga.
A l'ora d'ara, Jornalet es publicat cada jorn gràcias al sacrifici de cèrtas personas. Voldriam assegurar un petit salari simbolic pel cap-redactor e pel redactor-corrector. De pagas qu’esperam qu’un jorn poiràn èsser regularas e sustot mai dignas. D’autras despensas son lo servidor d’Internet, las despensas bancàrias, las indemnitats per desplaçaments, los servicis de gabinet juridic... Fins ara, avèm fach d’esfòrces per conténer tot aquò dins un budget minimal.
Al nivèl de las recèptas, Jornalet ten còp gràcias a las ajudas publicas, a la publicitat e, sustot als dons dels legeires e dels Amics de Jornalet.
Lo jornal que sètz a legir quitarà pas de paréisser cada jorn amb d’articles nòus e de nòvas opinions e quitarà pas d’èsser d’accès gratuit. La lenga occitana e l’espaci occitan de comunicacion son tròp fragils, uèi lo jorn, e i podèm pas metre mai d’obstacles. Ont arribarà pas l’argent i metrem mai d’oras panadas a la familha, al sòm e al trabalh. L’enòrma solidaritat dels legeires nos a donat de vam e de fòrças.
Mentretant, podèm pas far autrament que vos mercejar!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Visibilitat financièra e organizacion messadièira dels dons
La contribucion via internet sul compte dirècte de Jornalet, l'AEDÒC en Espanha, inclùs una opcion de versament messadièr que pareis èsser de grand interès per Jornalet, e se poiriá recommandations e generalizar.
Jornalet poiriá bastir un plan annual de tesaureria entradas/sortidas e anticipar las condicions de l'equilibri global de l'annada e dintre l'annada.
Jornalet poiriá communicar subre una situacion financièra regularizada e non pas plus aleatòria.
#5 Anèm direct a la tòca, qu'avètz besonh de vesibiletat n 2020.
Suppausèm que reconduscam les escotissons del an passat, quant caleria bailar en mai en %atge per compensar la pèrda estimada de revenguts.
De quant èra l'escotisson mejan en 2019?
Vos cal recebre aquò debuta 2000 en vista de bastir un presuppòst 2020 fiable, totas causas de mai suppausadas demorant egalas fòra imprevist).
A partir de que un rappòrt financièr classic Presuppòst 2020/Realizat 2019, es presentable d'ora dins l'encastre de las demandas de subvencions.
#3#4 Toti es sòcis dera associacion ADÒC e des Amics de Jornalet qu'an eth dret de conéisher es finances ath detalh, e es burèus des respectives associacions les arreportaràn a qui les ac demane.
Ath delà d'açò, era redaccion de Jornalet qu'organize quauqui còps per an amassades informatives damb es legeires en diuersi lòcs deth país, se'n voletz organizar ua en çò vòste esitetz pas a escriuer-mos a info@jornalet.com
Es pas cap de solidaritat nimai de caritat, sonque de sostèn, una contribucion volentària normala dels legeires, sòcis de l'associacion. S'estimaria mai un rapport moral e financièr, com de costuma, convidant a la consciéncia de cadun, en luòc d'una crida de misèria non documentada.
Jornalet es respectable e viabilizable de manièra responsabla..
Longa vida a Jornalet!
pasmens seré interessant de sàber com son utilizats las zonzenas... un budgècte de 12000€ aquò's pas ridicule, sustot quand tots los colaborators son benevòles !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari