editorial
Siam candes
Quand quicham un boton per far foncionar quicòm, e l'afar fonciona pas, una de las actituds pus umanas qu'avèm la majoritat de nosautres es de quichar lo boton maites còps e pus fòrt abans d'abandonar. Del meteis biais, quand s'intensifica los comentaris malvolents dins cèrts articles, lo comentator maliciós nos indica qu'es a mand d'abandonar son actitud malautissa. Parlam de personas que publican de comentaris provocadors o fòra subjècte amb la sola tòca de destorbar o provocar de reaccions emocionalas negativas dins los usatgièrs e legeires. Dins fòrça cases prenon de personalitats diferentas e semenan la discòrdia entre los legeires normals. Coma o sabètz, son de subjèctes pas brica escarrabilhats ni desgordits amb los quals lo dialòg es impossible. Lor sol besonh es de traire l'atencion, e atal son capables de publicar de desenats de comentaris dins un meteis jorn sens cap sòrta de reflexion.
Los tròls començan d'atacar d'un biais pausat. Quand son ignorats, normalament se retiran après un refortiment desesperat de lors atacas en cercant l’atencion. En cèrtas escasenças, quand la victima de lors atacas tomba dins l'error de lor respondre e, per tant, de los prene en compte, alavetz se refortís lor conducha e o trolatge se perlonga dins lo temps.
De còps, tombam dins l’atrapa d'ignorar pas lo tròl e d'ensajar de lo rasonar. Aquò nos es arribat aquesta setmana, e lo tròl s'es servit de las meteissas paraulas enviadas dins un corrièr electronic que li aviam mandat a el per usurpar l'identitat de la redaccion. De fach, l'usurpacion de l'identitat de maites collaboradors de Jornalet es tanben una conducha qu'an repetida los divèrses tròls qu'avèm agut suportats long de nòstres uèch ans de vida.
Ça que la, convidam totes los legeires de Jornalet a exprimir vòstres comentaris e criticas amb plena libertat mas tanben amb grand respècte. Del meteis biais, demandam de respondre pas a las provocacions dels tròls mas d'avertir la redaccion en quichant lo boton "comentari inadeqüat".
Coma o ditz nòstre lèma (legís, pensa, escriu), una de las tòcas fondamentalas d’aqueste jornal es l’interaccion amb los legeires e la relacion dialectica entre eles. Dins aquel sens, Jornalet vòl èsser un ponch d’amassada de totes los occitans e de totas las sensibilitats. Malastrosament, legir e escriure en occitan es pas una practica gaire frequenta, e per ansin sèm contents d’i portar nòstra pèira, e cap de tròl nos forçarà pas d’empachar la liura expression occitana.
Los tròls començan d'atacar d'un biais pausat. Quand son ignorats, normalament se retiran après un refortiment desesperat de lors atacas en cercant l’atencion. En cèrtas escasenças, quand la victima de lors atacas tomba dins l'error de lor respondre e, per tant, de los prene en compte, alavetz se refortís lor conducha e o trolatge se perlonga dins lo temps.
De còps, tombam dins l’atrapa d'ignorar pas lo tròl e d'ensajar de lo rasonar. Aquò nos es arribat aquesta setmana, e lo tròl s'es servit de las meteissas paraulas enviadas dins un corrièr electronic que li aviam mandat a el per usurpar l'identitat de la redaccion. De fach, l'usurpacion de l'identitat de maites collaboradors de Jornalet es tanben una conducha qu'an repetida los divèrses tròls qu'avèm agut suportats long de nòstres uèch ans de vida.
Ça que la, convidam totes los legeires de Jornalet a exprimir vòstres comentaris e criticas amb plena libertat mas tanben amb grand respècte. Del meteis biais, demandam de respondre pas a las provocacions dels tròls mas d'avertir la redaccion en quichant lo boton "comentari inadeqüat".
Coma o ditz nòstre lèma (legís, pensa, escriu), una de las tòcas fondamentalas d’aqueste jornal es l’interaccion amb los legeires e la relacion dialectica entre eles. Dins aquel sens, Jornalet vòl èsser un ponch d’amassada de totes los occitans e de totas las sensibilitats. Malastrosament, legir e escriure en occitan es pas una practica gaire frequenta, e per ansin sèm contents d’i portar nòstra pèira, e cap de tròl nos forçarà pas d’empachar la liura expression occitana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14
>Ai ben trobat estranh qu'una autra persona parla a ma plaça au nom de Lachaud.
'Quò-d'aquí es lu vòstre doble quantique, non ? 'Quò pòt pas ne'n estre autradament qu'una vibromassadoiria de las cordas energiticas dins los ciaus.
JPB
#19 Non pas qu'eran de tombar dins çò que tòca lo mai los mitans en "isme"... L'embarament...
Cabussèt mantunes còps, dins las atacas "ad nominem". La "private joke" (Té... daissi lo monde qu'an inventat "butabala" i trapar un equivalent en occitan dins cada parlar... Sera lo meu "butababala" als linguistes del dimenge).
Cal parlar de tot... òc
Cal riser de tot... òc mas del moment qu'es pas dins la mira de nhafrar (e se jamai... Ben n'en cal prener la mesura e sia diser "desencusatz, voliai pas nhafrar" sia assumir sa pausicion...
Trollejar e victimisar... Es mancar de respecte tant al monde sus lo qual òm tusta, coma als trolls vertadiers (los risoliers) e a las victimas vertadieras de causas grèvas
#18 Çò qui's passè dab " manaset" e " los grops d'ironia " qui mentaves?
Per la problematica seguenta...
Las criticas son plan pels media... Pels medias de lenga occitana, lo pati qu'avem es que dins lo fum de gens que nos seguisson... I'a pauc que gausan diser "nos agrada çò que fasètz", dos o tres que gauson aguer critica constructivas e fotuts d'escambiar sus aquelas criticas... E fòrça que critican sia per de que "pensan que sabon coma foncionan los medias per de que fintan BFM o son estats abonats al "Journal de Mickey" mentre lo moment onte sont sortits del ventre mairal, fins a aier passat" e que se permeton de te diser "fasètz causas pas professionalas" (Voei, e puei ieu te vau contar coma operar qualqu'un a còr dubert, sabi faire ai fintat totes los episòdis de Dr House)
Té i pensi, es pas per faire reclama, ai previst (me manca lo temps) dempuei qualques meses de faire qualques articles d'opinion aici per escambiar suls medias... Serètz los planvenguts per venir donar un vejaire (e per trollejar tanben... Los trolls m'espaurugan pas).
En breu, Jornalet, tant coma l'ensem dels medias occitans, tant coma l'ensem dels medias... Son pas perfachs... Totes sem duberts a la critica constructiva... Ca que la cal pas perdre doas causas de vista :
-L'occitan es embarat dins un "mitan" (l'occitanisme) que fa que lo segon gras, vira leu a "l'ataca personala" (cf las experiencias de Manaset e de grops d'ironia FB)
-Lo temps que los que trabalhan suls medias (d'oras e d'oras, amb paucs de miegjans e pauc de salaris) passan d'explicar al monde que nos acusan (amb mai o mens d'objectivitat) de pas "faire lo trabalh que caldria"... Ben lo passam pas de faire lo trabalh que caldria.... Benleu se volètz "melhorar" çò que se fa, cal botar las mans dins la fanga en plaça d'escupir ?
Acabarai amb una pensada per un vièl companh que ven de Marsilha, que m'aprenguèt bel temps fa que Troll... Ten la meteissa rasiga que "dròle"... De perpensar benleu non ?
Cresi que sem aici sus mantunas problematicas...
Ja lo biais de trolejar (soi plan plaçat per n'en parlar, m'agrada de còps de faire lo troll) i'a lo biais "caricatural" ( e sus aquò desfendi lo dreit a la caricatura) qu'a pas per tòca d'esser maissant (sem pas totes "Charlie" e tot "Charlie era pas maissant). I'a lo biais "ai mestier de me mostrar qu'existi" (coplat a mantunes còps amb lo "a mai ac disi, a mai lo monde van creire qu'ai rason"). I'a tanben lo (o la) que publica per nhafrar o per faire passar "una opinion"... Per ieu aquò es pas de troll... Es sia de maishanter, sia de manipulacion...
Per los que me coneisson, seriai mau plaçat per denonciar lo troll manhac, l'ironia, lo segond gras.... Ca que la la basa d'un troll es d'ironisar, de faire riser, pas de nhafrar... Disi pas qu'en practican aquò, arriva pas de nhafrar qualqu'un (e dins aquel cas cal assumir e se densencusar)
Se la tòca es de nhafrar... Es pas una trolejada... Es de maishanter o de volontat d'impausar una idea (seuna o sus la demanda de qualqu'un o d'un "sistem" que gausa pas atacar de front...
Aprep se charra d'usurpacion d'identitats de col-laboradors de Jornalet... M'estimaria n'en saber mai sus aquò per de que aquò me sembla greu...
Aquò es par la partida (trololo) pel de mai, rendètz vos dins lo messatge seguent
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari