editorial
Es pas qu’una gripa
Las informacions restacadas amb lo nòu coronavirus, sonat scientificament Covid-19, son en primièra pagina de totes los mèdias. Es impossible de legir un jornal, d’escotar las informacions per la ràdio o de veire quin telejornal que siá sens èsser negats d’informacions e de contrainformacions alarmantas sus aquela nòva malautiá, çò qu’a descadenat una campanha mediatica que semba de voler semenar la psicòsi.
Pasmens, volèm soslinhar que solament las personas vièlhas e las personas qu’an d’autras patologias coma de malautiás cardiacas, d’asma o de diabète desvolopan de cases grèus de la malautiá, qu’es una sòrta de gripa mens letala que la gripa comuna. Es atal qu’o raportèt dimars passat lo jornalista Lorenzo Mila a la television estatala espanhòla. De Milan estant, Milá profiechèt de sa connexion en dirècte per mandar un messatge de tranquillitat: “Es pas qu’una mena de gripa qu’afècta sustot de personas amb de defensas feblas, mai que mai de personas vièlhas, e qu’a un taus de mortalitat fòrça bas, quitament pus bas que la gripa comuna, a l’entorn d’un 2%”, çò remarquèt. “La majoritat dels infectats se’n remeton dins lor ostal coma s’agiguèsse d’una gripa comuna”, çò diguèt en tot precisar que “mens de la mitat son espitalizats e a pena 25 personas se tròban dins las unitats de suènhs intensius”. Enfin, diguèt que çò qu’el ditz es “çò que los mètges s’alassan pas de repetir” en conclusent que “s’estend pus l’alarmisme que las donadas”.
Vaicí la question que nos sèm pausats darrièrament la redaccion de Jornalet. Perqué tant de contraròtle, d’alarmisme, de confinaments, de barraments d’escòlas e de frontièras per una gripa mai leugièra que la gripa? Per ara, n’avèm pas la responsa mas contunharem de la cercar. Mentretant, ensajarem de raportar sus aquesta nòva malautiá del biais pus objectiu possible sens tombar dins d’autras donadas que las qu’ofriràn los mètges e los cercaires.
Pasmens, volèm soslinhar que solament las personas vièlhas e las personas qu’an d’autras patologias coma de malautiás cardiacas, d’asma o de diabète desvolopan de cases grèus de la malautiá, qu’es una sòrta de gripa mens letala que la gripa comuna. Es atal qu’o raportèt dimars passat lo jornalista Lorenzo Mila a la television estatala espanhòla. De Milan estant, Milá profiechèt de sa connexion en dirècte per mandar un messatge de tranquillitat: “Es pas qu’una mena de gripa qu’afècta sustot de personas amb de defensas feblas, mai que mai de personas vièlhas, e qu’a un taus de mortalitat fòrça bas, quitament pus bas que la gripa comuna, a l’entorn d’un 2%”, çò remarquèt. “La majoritat dels infectats se’n remeton dins lor ostal coma s’agiguèsse d’una gripa comuna”, çò diguèt en tot precisar que “mens de la mitat son espitalizats e a pena 25 personas se tròban dins las unitats de suènhs intensius”. Enfin, diguèt que çò qu’el ditz es “çò que los mètges s’alassan pas de repetir” en conclusent que “s’estend pus l’alarmisme que las donadas”.
Vaicí la question que nos sèm pausats darrièrament la redaccion de Jornalet. Perqué tant de contraròtle, d’alarmisme, de confinaments, de barraments d’escòlas e de frontièras per una gripa mai leugièra que la gripa? Per ara, n’avèm pas la responsa mas contunharem de la cercar. Mentretant, ensajarem de raportar sus aquesta nòva malautiá del biais pus objectiu possible sens tombar dins d’autras donadas que las qu’ofriràn los mètges e los cercaires.
| fffff | fffff | |
| Las mascas de proteccion Quant al pòrt de mascas de proteccion, volèm remembrar que l’OMS assegura qu’aqueles musèls evitan pas qu’òm s’infècte. Las mascas, las devon portar solament lo mond que sospièchan d’èsser infectats per evitar de contaminar los autres, coma se deuriá far quand se ten una gripa comuna. I a de malauts que patisson d’autras patologias e que n’an de besonh, e tròban que pertot son agotadas a causa de la psicòsi en cors. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Sèi absoludament d'acòrd embé lo fons de vòste comentari. Mas podètz pas reprochar quauque antisemitisme que siage a Jornalet ! Vòsta allusion embé DAVID-19 es curiosa e nècia !
Lo vòstre editorial es tot simplament escandalós. I a pas de campanha mediatica que vise a semenar la psicòsi. I a una campanha mediatica qu'a per tòca d'informar lo mond e d'evitar un maximom de contaminacions e de mòrts. Se lo virus tòca pas que las personas vièlhas que ja an un problèma grèu de santat, cossí explicatz que lo mètge chinés que se moriguèt al començament de l'epidemia en China non aviá pas qu'un trentenat d'annadas? E cossí podètz parlar de desinformacion mentre que donatz la paraula (e la vòstra cresença òrba) a un jornalista qu'es pas brica un especialista? Lorenzo Mila parla e lo cresètz sus paraula? Es la vòstra sorga unica d'informacion? I a pas d'autras sorgas d'informacion? Pas de sites bailejats per de mètges e de mètjas? Pas de comunicats de l'Ordre dels Medecins dins l'Estat francés? Cap site scientific que vos pòsca balhar una informacion scientifica? Quand L. Mila ditz que lo COVID19 es "pas qu’una mena de gripa qu’afècta sustot de personas amb de defensas feblas, mai que mai de personas vièlhas, e qu’a un taus de mortalitat fòrça bas, quitament pus bas que la gripa comuna, a l’entorn d’un 2%”, aquel paure òme non a pas que tres setmanas de retard e fa pas que repapiar un discors qu'es fals. Los mètges de Garona-Nauta venon d'aver una reünion, aqueste matin, lo 7 de febrièr, a l'Ordre dels Medecins, ont lor foguèt anonciat que lo COVID19 es plan mai de crénher que çò que se pensava al començament, que son immunizacion es mai bassa que la d'una gripa abituala (aquò vòl dire que lo còrs produsís mens d'anticòrses que contra la gripa), que l'epidemia es pas encara començada en França, que prevéson un 15% de morts demèst las personas de mai de 80 ans que seràn contaminadas, que - al contrari de çò que se passa cada an contra la gripa - degun non es vaccinat contra lo COVID19, etc. Vesètz que lo vòstre L. Mila es luènh de çò que sabon e dison ara los mètges! E diluns que ven, lo 9 de marts, los representants dels mètges de Garona-Nauta seràn recebuts pel prefècte,a Tolosa. Pensatz que lo governament fariá tot aquel rambalh per una gripa abituala? Pensatz que metriá l'economia del païs en perilh per una petita gripa? Pensatz que los patrons laissarián far, acceptarián de pèrdre d'argent, unicament pel plaser de desinformar lo mond e crear la panica, la psicòsi, l'isteria? Son pas lo rasonament e la soscadissa que vos estofan! Tant de professionalisme fa páur! Mas l'apoteosi es quand acabatz en disent : "Perqué tant de contraròtle, d’alarmisme, de confinaments, de barraments d’escòlas e de frontièras per una gripa mai leugièra que la gripa? Per ara, n’avèm pas la responsa mas contunharem de la cercar." D'efièit, aquesta conclusion sent a complotisme. Sètz pus intelligents que los autres, coma dison los francimands :"à vous on ne vous l'a fait pas!". Avètz rason: i a un complòt, es segur! Emai un complòt mondial! Benlèu la C. I. A., los Russes? Non, non pòt èsser que lo Mossad, i a pas que de sionistas per aver una idèa tan òrra e torçuda : lançar una "gripa mai leugièra que la gripa" (son vòstres quites mots) per ralentir l'economia chinesa, lèu las economias d'Euròpa e dels Estats-Units, far baissar lo torisme mondial, barrar escòlas, musèus, obrir cementèris, etc. D'alhors, aquel COVID19 lo deuriatz nomenar DAVID19, las causas serián mai claras! Siam serioses, per acabar : las masquetas permeton de contaminar pas los autres, avètz rason, mas permeton tanben d'èsser pas contaminat o contaminada se-meteis o se-meteissa. E, al contra de çò qu'afirmatz, las masquetas son pas totalament agotadas dins l'Estat francés : los mètges venon a penas de las recebre, e las farmacias ne van tornar aver, aital coma per los manugèls. Amigas e amics de Jornalet, se vos plai : sortiguètz del vòstre amatorisme, del vòstre complotisme, del vòstre esquerrisme ninòi! L'originalitat e l'independéncia d'esperit non empachan la racionalitat, la prudéncia e la modestia que consistisson a multiplicar las sorgas d'informacion e a préner lo temps de verificar çò qu'òm afirma. Per çò qu'es de las consideracions filosoficas de Batko : 1°) dire "la vertat absoluda existís pas " es pretendre balhar al mond una vertat absoluda ; 2°) la vertat scientifica existís, quitament s'es pas aisida a metre en plaça ; 3°) se cal préner en consideracion, coma disètz, un "aute biais de pensar, sustot s'es minoritari", aquò vòl dire que l'etica occitanista nos obliga a préner en consideracion lo biais de pensar del nazi que, pel moment (e urosament!), es minoritari? Paures de nosautres, los occitanistas, sèm tombats plan bas! Ajudatz-me, vòli davalar de la nau de la foliá!
#11 Los que crèsi son los especialistas del COVID 19. Los que practican lo virus e que lo coneissan. Aquelas causas se tractan ambe rigor.
#9 La vertat absoluda existís pas, es un aute vejaire, sèm pas obligat de créser tot al 100% d'un costat o de l'aute mes podèm prénguer en consideracion un aute biais de pensar, quitament (e benlèu sustot) s'es minoritari.
S'al mens aquesta gripa nos podia escrancar lo triumvirat Macron-Philippe-Castaner !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari