editorial
Es pas una guèrra, es una catastròfa!
Los scientifics e lo personal sanitari de cò nòstre son vertadièrament a far un brave trabalh eroïc, malgrat la marrida gestion dels govèrns que pertòcan Occitània. En mai de sonhar los milièrs de malauts dins de condicions pietadosas a causa de cèrtas politicas budgetàrias ultraliberalas e criminalas, nòstres eròis quotidians se tròban davznt lo fach qu’aqueles govèrns transmeton pas las idèas de solidaritat e responsabilitat que nos cal dins una situacion talament grèva.
“Sèm en guèrra”, çò diguèt Emmanuel Macron almens cinc còps dins una declaracion solemna emesa per la television. Tanben parlèron de situacion de guèrra Giuseppe Conte e Pedro Sánchez, que quitament fa comparéisser son pòrtavotz de la santat, Fernando Simón, acompanhat de nauts comandaments de l’armada e de la polícia fòrt plan uniformats e decorats.
Las paraulas son fòrça importantas. Un virus es pas un èsser amb una consciéncia malvolenta e se pòt pas combatre amb un esperit bellicista. Las guèrras son provocadas per un casus belli e justifican la mòrt de fòrça èssers umans per una causa superiora. La guèrra pòrta implicitament un messatge masclista, violent, armat e se combat un enemic. Dins aquesta situacion, e jos la tension e la paur generadas, venèm insolidaris e mai nòstres vesins o las personas que tenon de tos venon d’enemics. O los chineses, o los malauts... Qui cal tuar? Los umans que pòrtan lo virus dins lor còrs?
Sèm a veire de policièrs a batre la populacion que respècta pas lo confinament, amb una violéncia insuportabla. Sèm a veire que se pausa d’impediments als scientifics que tròban de solucions, coma es lo cas del doctor Raoult, sèm a veire cossí l’armada e la polícia confiscan de material sanitari als mètges dins l’estat espanhòl....
Non, Sénher Macron, Sénher Conte, Sénher Sánchez. Es pas una guèrra. Es una catastròfa. Sèm dins una situacion qu’a pas res a veire amb una guèrra, tot al contrari. Es lo moment que l’armada, la polícia e los pompièrs se mobilizen per socórrer e non per combatre. La tòca es pas de tuar mas de salvar de vidas. Capitarem ben sonque s’obtenèm que i aja lo mens de mòrts possible.
“Sèm en guèrra”, çò diguèt Emmanuel Macron almens cinc còps dins una declaracion solemna emesa per la television. Tanben parlèron de situacion de guèrra Giuseppe Conte e Pedro Sánchez, que quitament fa comparéisser son pòrtavotz de la santat, Fernando Simón, acompanhat de nauts comandaments de l’armada e de la polícia fòrt plan uniformats e decorats.
Las paraulas son fòrça importantas. Un virus es pas un èsser amb una consciéncia malvolenta e se pòt pas combatre amb un esperit bellicista. Las guèrras son provocadas per un casus belli e justifican la mòrt de fòrça èssers umans per una causa superiora. La guèrra pòrta implicitament un messatge masclista, violent, armat e se combat un enemic. Dins aquesta situacion, e jos la tension e la paur generadas, venèm insolidaris e mai nòstres vesins o las personas que tenon de tos venon d’enemics. O los chineses, o los malauts... Qui cal tuar? Los umans que pòrtan lo virus dins lor còrs?
Sèm a veire de policièrs a batre la populacion que respècta pas lo confinament, amb una violéncia insuportabla. Sèm a veire que se pausa d’impediments als scientifics que tròban de solucions, coma es lo cas del doctor Raoult, sèm a veire cossí l’armada e la polícia confiscan de material sanitari als mètges dins l’estat espanhòl....
Non, Sénher Macron, Sénher Conte, Sénher Sánchez. Es pas una guèrra. Es una catastròfa. Sèm dins una situacion qu’a pas res a veire amb una guèrra, tot al contrari. Es lo moment que l’armada, la polícia e los pompièrs se mobilizen per socórrer e non per combatre. La tòca es pas de tuar mas de salvar de vidas. Capitarem ben sonque s’obtenèm que i aja lo mens de mòrts possible.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una catastròfa umana, catastròfa europenca, catastròfa econòmic
Mentre aquel temps atimbrat depintrat per un govèrn de sarnegas aluserpidas, lo CAC 40 contunha de caire. Fins ont ? Degun o sap !
Adreg de la catastròfa umana es pas plan causa.
2020 se crumís, sarà pièger que la crisa de 2008 que revertarà una timpla pichona d’aganit. 2020 sarà trasenlà de çò que nos podem imaginar enquèra auèi, sèm benlèu al bèrle del tomple :
Europa : Europa apara brica n’avèm confirmacion un còp mai, ajudèc cap de país europenc mentre la pandemia, mai d’aquò contribuiguèc a l’espandiment de la pandemia per sa caparruda culpabilitat de voler servar las termièras dubertas. Acarats a la crisa cada país s’es tornat a çò seu primièr vai t’en vai europa , la solidaritat se recampèc dins la desolaritat generala europenca.
Eissits de la pandemia, caldrà tornar comptes. Se poirà pas escapar a tornar pausar europa sus la taula e benlèu n’en sonar lo trescant dins sa forma actuala. Trentas annadas apèi lo tractat de Maastrchit (1992), s’es vist una desolidaritat europenca remirable. I a pas que los enjaurits que pensan qu’europa es estada facha per aparar, vèire lo perfil dels paires fondators auriá degut assabentar los esterlhes cèç. Es una descofida granda d’europa !
França : Lo govèrn trescamba salta, trepetja, comunica coma pòt ambe sa maquina que degun escota pus de tant ne sem asadolats saziats, bracejan coma simils dins los circs de la comunicacion pietadosa, s’es vista la cara de l’orror. L’orra error es venguda biais de capdelar!
Nos podem que trazanar ! S’un còp èra capdelar (governar) èra prevezir, desempuèi plan temps es vengut comunicar, tanben se capdela ren pus. Dentre vertats amagadas, messorgas publicas, lo govèrn bufa la buèrna per amagar son incapacitat e son manca grand d’anticipacionl.
Econòmicament aviam ja perdut volontarament d’unas produccions estrategicas : fabrica dels principis actius dels medicaments, fabrica dels mascas, fabricas dels respirators e aquò es qu’un escapolon pichonet.
Lo confinhament nos va trastolre dins un alentiment econòmic seriós benlèu passadís (recession) o pièger lo del depriment (alentissament econòmic permansiu la depression).
Los indicators son al rog e cadun de los tenir de velhat.
l’alentissament econòmic fusquessa causa normala dins los cicles econòmics : espandiment, tuc, Compriment, sarrament, recession de còps depriment tanben ( depression), se poriá que nos n’en quilharem pas aisidament.
Los indicators :
Lo PIB (trimestrial)
Lod PMI (purchasing managers index) L’indici dels endressaires(directors) de crompas.
Dins l’incidi PMI son recampats quatre indicis.
Indici compausat de l’activitat globala a caisut a 30,02, èra a 52,0 en febrier
Indici de l’activitat dels servicis a caisut a 29,0, èra a 52,6 en febrier es lo mai bas istoric
Indici de la produccion manufactièras a caisut a 35,6, èra a 49 en febrier es lo mai bas de 132 meses
Indici de l’industria manufacturièra. A caisur=t a 42,9, èra a 49,7 en febrier es lo mai bas de 86 meses
Per siègre lo PMI es aici :
https://fr.investing.com/economic-calendar/french-manufacturing-pmi-340
La corba del rendament de las obligacions, los taus terme cort/ terme long : maissanta limonada quora los taus a cort terme son mai naut que los a long terme
L’emplec que demesís, lo caumatge es a l’asuèlh
Los salaris
L’inflacion, los taus d’interest
Las casudas dels pretz sus los metals : coire, fer
La casuda dels pretz sul naulatge (fret)
La valor de l’aur que poja.
Avèm pès e mans ligadas amb’un dèute de 100% del PIB e que passarà segur a plan mai de 100%
Es una vistada de l’ensemble que nos confirmarà la recession qu’es ja segura e cal sap la depression.
La situacion econòmic ven de mai en mai sorna, mantunas societats an fach saber que lors previzions financièras èron ja pus tenables e que n’en caliá far pus compte. . Mantunas entreprezas s’en tornaràn pas quilhar en despièg de las ajudas de l’estat.
E ja dins las foganhas se parla d’un taus de caumatge que poriá pojar devèrs los 30%.
Lo mond d'apèi revertarà brica lo mond d'abans
Sabèm pas encara se Raoult a trobat una bona solucion amb la chloroquina. Aquò se pòt pas pretendre amb sonque 80 malauts agachats. Seria tant coma un sondatge nacional amb 100 personas dins lo pays: lo resutat es pas brica fisable. Cal esperar la fin de l'estudi europeana actuala per o faire.
« A mai de sonhar los milièrs de malauts dins de condicions pietadosas a causa de cèrtas politicas budgetàrias ultraliberalas e criminalas, los nòstres eròis quotidians se tròban qu’aqueles govèrns transmeton pas las idèas de solidaritat e responsabilitat que nos cal dins una situacion talament grèva.»
E ben aquí l'avètz, lo casus belli, per la luta de las classas ! E subre aqueste camp de batèsta : confinament non es sinonime de capitulacion !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari