editorial
Un orizont negre per l’Infòc
La majoritat dels occitans, e maites legeires de Jornalet, benlèu o sabon pas, mas Barcelona Television (BTV) a dempuèi catòrze ans un programa d’antena en occitan. S’agís de l’espaci “Infos Idiomes”, es un programa que se compausa d’una seguida d’informatius brèus en un vintenat de lengas. Las associacions que representan los diferents collectius lingüistics de la vila de Barcelona realizavan de faiçon benevòla lor “info” e lo sostitolavan en catalan. Aital, divèrsas comunautats lingüisticas avián lor votz a la television de la capitala catalana e lo public autoctòn podiá conéisser las inquietuds e los interèsses d’aquelas comunautats. Los “Infos Idiomes” an ganhat los tres prèmis mai importants dins lo mond de l’audiovisual e de la cultura de Catalonha e foguèron presents en l’an 2007 a l’Input, lo salon mondial de la television, ont se presentèron en lenga occitana amb de sostítols en anglés.
Es la version occitana que causiguèron per representar lo programa a l’Input, per una rason: del vintenat de lengas, èra la mai seguida pels espectators e es ela qu’aviá l’audiéncia mai fidèla. Tota l’actualitat e los eveniments ligats a la lenga e la cultura occitanas a Barcelona s’emetián sus BTV, e tanben los grands eveniments coma las manfestacions de Carcassona, Besièrs e Tolosa, la polemica senhaletica de Vilanòva de Magalona, l’Estivada de Rodés, la corsa Aran per sa Lengua o lo procès parlamentari que s’acabèt amb l’aprobacion de la Lei de l’occitan, aranés en Aran.
Mas la crisi a provocat lo barrament de l’espaci “Infos Idiomes”. Ça que la, lo fach que l’occitan siá lenga oficiala en Catalonha, amb l’accion de qualques institucions coma lo Conselh General d’Aran, an incitat l’estacion de television a remandar la decision dins lo cas concret de l’informatiu occitan. Jornalet se vòl apondre a aquela campanha per evitar que la lenga occitana desaparesca definitivament de la television de la capitala de Catalonha; e esperam que lèu vos poirem donar de bonas nòvas a prepaus de l’afar.
Es la version occitana que causiguèron per representar lo programa a l’Input, per una rason: del vintenat de lengas, èra la mai seguida pels espectators e es ela qu’aviá l’audiéncia mai fidèla. Tota l’actualitat e los eveniments ligats a la lenga e la cultura occitanas a Barcelona s’emetián sus BTV, e tanben los grands eveniments coma las manfestacions de Carcassona, Besièrs e Tolosa, la polemica senhaletica de Vilanòva de Magalona, l’Estivada de Rodés, la corsa Aran per sa Lengua o lo procès parlamentari que s’acabèt amb l’aprobacion de la Lei de l’occitan, aranés en Aran.
Mas la crisi a provocat lo barrament de l’espaci “Infos Idiomes”. Ça que la, lo fach que l’occitan siá lenga oficiala en Catalonha, amb l’accion de qualques institucions coma lo Conselh General d’Aran, an incitat l’estacion de television a remandar la decision dins lo cas concret de l’informatiu occitan. Jornalet se vòl apondre a aquela campanha per evitar que la lenga occitana desaparesca definitivament de la television de la capitala de Catalonha; e esperam que lèu vos poirem donar de bonas nòvas a prepaus de l’afar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E perque pas sus Jornalet ? L'avantatge d'un jornau web es de poder difusir contienut audiovisuau (solide, necessitas quauques mejans...)
Ara per ara, Occitania sens Infòc seriá tan desprovesida e desamirada coma Catalonha sens TV3. Nos cal téner lo còp ! E òsca per tot lo trabalh complit, lo de Manel Zabala e lo Ferriòl Macip, e lo de las còlhas de jornalistas sovent fòrça joves qu'acompanhan aqueles eròis de la prensa militanta occitana pertot dins Barcelona, amb bona volontat, curiosetat intellectuala, obertura d'esperit e simpatia. Una polida capitada, vençuda per la maquina d'enfaissar çò cultural alternatiu a las escobilhas de çò pas pro capitalistament productiu ?
Espèri qu'aurem lo plaser de poder espiar tornarmai Infòc endacòm e lèu. Benlèu m'engani, mas seriá pas l'escasença per contunhar Infòc (perqué pas a una autra mòda ça que la ?) e prepausar (o vendre ?) aquela emission a de televisions de Catalonha o d'Occitània que fan pas de programas en occitan ?
interret a revolucionat la comunicacion, gràcia a aiçò, seguissèm l'Infòc sus Jornalet. Òsca !
B'ei trist qu'açò se succedeisha. E enqüera mès en un país on ethh occitan ei oficiau. Dilhèu se poirià auherir eth projecte tà City TV. B'i pòden éster interessats...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari