editorial
Dètz ans de Dètz
Demest las marridas nòvas que nos acompanhan darrièrament, ont las violéncias e la covid-19 prenon la una de totes los mèdias, aqueste dimenge avèm causit de far una edicion mai consagrada a la cultura nòstra en raportant lo sit web de l’Ostau Comengés sus “eth har” de Sant Joan en Comenge, anonciant l’omenatge de dijòus que ven a Joan Pau Verdier a Peireguers e parlant dels dètz ans del collectiu Dètz, que dins aqueste editorial volèm reconéisser e benastrugar de còr.
Fa uèch ans, quand Jornalet èra pas qu’un nenet, consagrèrem lo setzen editorial d’aqueste quotidian a l’Estivada de Rodés, qu’èra alavetz un ponch de rescontre indispensable de l’occitanisme. Lo 22 de julhet de 2012, manifestàvem publicament la nòstra reconeissença a l’arma de l’Estivada qu’èra Patric Roux: “Es un trabalhador infatigable e un occitanista convencut, que trabalha per dignificar la cultura e la lenga del país amb de critèris de rigor, modernitat e perfeccionisme que meritan tota nòstra reconeissença”, çò disiam. Puèi, en participant qualques annadas consecutivas al festenal, descobriguèrem lo secret de son succès: Roux sabiá causir e mobilizar los melhors.
Demest aqueles “melhors” i aviá la còla de Dètz que, guidada pel grand Amic Bedel, avián portat de vam al festenal e a tot lo mitan occitanofòn gràcias a lors frescor, professionalitat e umor. De soslinhar la Banana del Segalar, l’umor de la Topina e l’organizacion de las Cogordas Awards, los prèmis que guierdonan las resquilhadas mediaticas mai polidas, mespresantas e ignorantas envèrs las lengas e las culturas minorizadas.
Al sègle XIX, lo Felibritge faguèt una granda òbra per dignificar la lenga e la cultura occitanas dins lo domeni mai que mai literari. Mas avèm lo sentiment que se resignavan a la mòrt de l’occitan e que consagravan lor òbra a donar a la lenga nòstra de funeralhas subredignas. Per contra, gaireben dos sègles puèi, la còla de Dètz sap que la vièlha vòl pas morir e an donat de dignitat a l’occitan a l’epòca dels youtubaires en li autrejant una plaça, coma lenga viva e digna, sul web, sus Snapchat, Instagram, Tik Tok...
De legir la tribuna de Laurenç Revèst: "Nòva èrsa creativa audiovisuala en occitan"
Fa uèch ans, quand Jornalet èra pas qu’un nenet, consagrèrem lo setzen editorial d’aqueste quotidian a l’Estivada de Rodés, qu’èra alavetz un ponch de rescontre indispensable de l’occitanisme. Lo 22 de julhet de 2012, manifestàvem publicament la nòstra reconeissença a l’arma de l’Estivada qu’èra Patric Roux: “Es un trabalhador infatigable e un occitanista convencut, que trabalha per dignificar la cultura e la lenga del país amb de critèris de rigor, modernitat e perfeccionisme que meritan tota nòstra reconeissença”, çò disiam. Puèi, en participant qualques annadas consecutivas al festenal, descobriguèrem lo secret de son succès: Roux sabiá causir e mobilizar los melhors.
Demest aqueles “melhors” i aviá la còla de Dètz que, guidada pel grand Amic Bedel, avián portat de vam al festenal e a tot lo mitan occitanofòn gràcias a lors frescor, professionalitat e umor. De soslinhar la Banana del Segalar, l’umor de la Topina e l’organizacion de las Cogordas Awards, los prèmis que guierdonan las resquilhadas mediaticas mai polidas, mespresantas e ignorantas envèrs las lengas e las culturas minorizadas.
Al sègle XIX, lo Felibritge faguèt una granda òbra per dignificar la lenga e la cultura occitanas dins lo domeni mai que mai literari. Mas avèm lo sentiment que se resignavan a la mòrt de l’occitan e que consagravan lor òbra a donar a la lenga nòstra de funeralhas subredignas. Per contra, gaireben dos sègles puèi, la còla de Dètz sap que la vièlha vòl pas morir e an donat de dignitat a l’occitan a l’epòca dels youtubaires en li autrejant una plaça, coma lenga viva e digna, sul web, sus Snapchat, Instagram, Tik Tok...
De legir la tribuna de Laurenç Revèst: "Nòva èrsa creativa audiovisuala en occitan"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari