editorial
Un biais fòrça digne d’ajudar Jornalet
Ongan, pel 14 de julhet, si qu’avèm festejat quicòm: la còla dels Amics de Jornalet publicava aquel jorn sus aqueste quotidian una crida a la solidaritat amb la redaccion nòstra car ongan avèm patit plan grèvament la crisi economica producha per la covid-19. Uèi, 19 jorns puèi, sèm fòrça tocats per l’enòrme sosten qu’arriba: de chècs, de transferiments bancaris, de dons sus PayPal e sustot de messatges de sosten e de coratge. Es arribada una èrsa de solidaritat que nos a fòrça ajudats, mas, delà lo material, avèm sentit un banh d’amor que nos a esmoguts. Ara sèm a soscar çò que poiriam far per enviar un enòrme mercejament a totes. De la meteissa faiçon que los legeires fasètz ja partida de nòstra vida, volèm que sentatz que, mai que mai, Jornalet fa partida de la vòstra.
Avèm recebut de contribucions individualas e tanben de collectivas e una proposicion que nos a meravilhats. L’IEO d’Arièja a pensat de far un don generós a Jornalet mas d’un biais fòrça digne: en pagant una publicitat. Atal, nos sèm meses al trabalh per perpensar quina sòrta de bandièra publicitària poiriam publicar per l’IEO d’Arièja. Dins qualques jorns la trobaretz en linha. Aquela idèa la volèm soslinhar car nos a semblat una manièra de tresmudar la caritat en solidaritat e, per tant, un biais d’ajudar Jornalet fòrça digne.
Publicar una publicitat sus Jornalet es pas solament una faiçon magnifica d’ajudar aqueste jornal mas tanben l’escasença de se mostrar a una comunautat de legeires que meton en valor la lenga d’òc e la vida al país. Amb mai de 1000 legeires cada jorn e una difusion internacionala, Jornalet pòt far conéisser un festenal, un obrador, una exposicion, una entrepresa, un comèrci, un bar, un restaurant, una ostalariá o quin servici que siá. Consultatz los emplaçaments publicitaris e las tarifas.
P.S. Encara una darrièra bona nova pels ciutadans del sud de la frontièra politica. La Generalitat de Catalonha a inclús l’ADÒC (l’associacion que fa Jornalet) dins lo recensament d’entitats de promocion de l’occitan. Gràcias a aquò, los dons e los escotissons pagats a l’ADÒC se poiràn deduire de la declaracion annadièra dels revenguts (IRPF). En setembre, contactarem cada donador e cada sòci per l’informar.
Avèm recebut de contribucions individualas e tanben de collectivas e una proposicion que nos a meravilhats. L’IEO d’Arièja a pensat de far un don generós a Jornalet mas d’un biais fòrça digne: en pagant una publicitat. Atal, nos sèm meses al trabalh per perpensar quina sòrta de bandièra publicitària poiriam publicar per l’IEO d’Arièja. Dins qualques jorns la trobaretz en linha. Aquela idèa la volèm soslinhar car nos a semblat una manièra de tresmudar la caritat en solidaritat e, per tant, un biais d’ajudar Jornalet fòrça digne.
Publicar una publicitat sus Jornalet es pas solament una faiçon magnifica d’ajudar aqueste jornal mas tanben l’escasença de se mostrar a una comunautat de legeires que meton en valor la lenga d’òc e la vida al país. Amb mai de 1000 legeires cada jorn e una difusion internacionala, Jornalet pòt far conéisser un festenal, un obrador, una exposicion, una entrepresa, un comèrci, un bar, un restaurant, una ostalariá o quin servici que siá. Consultatz los emplaçaments publicitaris e las tarifas.
P.S. Encara una darrièra bona nova pels ciutadans del sud de la frontièra politica. La Generalitat de Catalonha a inclús l’ADÒC (l’associacion que fa Jornalet) dins lo recensament d’entitats de promocion de l’occitan. Gràcias a aquò, los dons e los escotissons pagats a l’ADÒC se poiràn deduire de la declaracion annadièra dels revenguts (IRPF). En setembre, contactarem cada donador e cada sòci per l’informar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
èri a te far repòsta, mas me trachi que n’ai una recrezuda de tot aquò, tanben damorarai remós,
La tracièra m’aganta !
De restrengements en restrengements n’en damorarà pas pronis d’occitans per tornar far un mond, es plegat !
I a d’embornhaments que pòdi pas tragir !
#3
èri a te far repòsta, mas me trachi que n’ai una recrezuda de tot aquò, tanben damorarai remós,
La tracièra m’aganta !
De restrengements en restrengements n’en damorarà pas pronis d’occitans per tornar far un mond, es plegat !
I a d’embornhaments que pòdi pas tragir !
Vertat que de mai en mai, nos cal comptar primièr, me sembla, sus nosautres:
. Per la dignitat:
Per çò que, avèm pas una basa sociala de sosten a la lenga, que pòsque fa pes dins las decisions politicas decisionàrias per l'obtencion de subvencions ( e donc, -me sembla de far ressègua-, nos caldriá nos dobrir al monde joves, sensibilizats a la biodiversitat, e far lo parallèl amb la culturodiversitat, menaçada, ela tanben, sus la planeta tota..) e donc sèm, per ara, condemnats a nos aplatussar, boca badanta, per amassar las qualques micas que nos vòlon escampar, e que, sens cap de dobte- ambe las difficultats economicas que s'endevinan, van venir de mai en mai teunhas e escassas.
Donc, per l'ora,... e sempre- se'n caldriá mainar,... nos cal comptar primièr sus nosautres
Una idèia- - sabi pas se se pòt far ( juridament e praticament ):
Per que pas d'annoncias personalas pagantas sul Jornalet?
Exemples:
- M'agradariá de logar un lotjament,se possible, a qualqu'un que parle o comprenga l'òc...
- Cèrqui una persona per s'ocupar de ma vièlha maire, d'un nenon..etc
- Cèrqui un amic(ga) occitanofòn(a) per partir en Patagonia en bicicleta
etc....etc...
# 1
N'es pas un ahar de subvencions .
Arren n'es a gratis ... A gratis es maishant : es esperar subvencions de monde que benlèu se'n foten, benlèu vodràn o benlèu vodràn pas...
NOSAUTS dívem saber çò que vòlem per la nòsta lenga . Ahar de dignitat ... Cadun que legís Jornalet cada jorn se deu sentir responsable deu sol media occitan que pòt legir cada jorn >> pagar una sòrta d'abonament .
Las "subvencions" son un "mei" , se n'i a . Se n'i a , tan milhor . Se n'i a pas , rai ! NOSAUTS dívem assumir .
Per ma fé es pas tant remirable que çò dig, sèm totjorn dins lo sistem de subvencions « mòrtas » mas de cap de biais dins un sistem d’escambi ambe los actors econòmics de la vida vidanta.
i a pas de qué èsser apagat d’aquò (subvencions mòrtas), lo malaut es jos assistencia e sens cap d’assistencia se morís. Pagam l’assistencia pas mai.
Apèi 50 annadas d'occitanisme los resultats son pas del melhor esperat, es una descofida ! Perdequé ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari