editorial
Lo coronavirus e las inegalitats
Del mai lo temps passa, del mai nos avisam que las autoritats sabon pas grand causa de la covid-19. D’un caire, sèm subresaturats d’informacions sus aquesta crisi sanitària mas de l’autre, totjorn aquelas informacions son contradictòrias. Mentretant, cada poténcia se precipita per far son vaccin e Russia n’a ja enregistrat un que l’a nomenat Sputnik V, un nom que nos ditz net e clar que cap dels participants de la corsa pel vaccin o fa pas per la sciéncia ni l'umanitat mas pel poder e per l’argent. Totun, lo virus es aquí e sembla pas que vòlga partir.
Demest las informacions sul coronavirus qu’arriban a la redaccion de Jornalet n’i a una que nos a atrach l’atencion. Ven de Barcelona mas podiá venir d’endacòm mai. Dins la banlèga de la capitala catalana an ensajat de far de tèstes massisses sus la populacion, mas dins los quartièrs pus paures —que son los mai afectats— fòrça mond an refusat de passar l’espròva. Las rasons son majoritàriament economicas; un fum de mond an d’emplecs precaris pagats al negre, o ben cèrcan de mejans de subsisténcia dins la venda ambulanta o amassan de ferralha o d’autras causas per carrièras. Tot aquel mond se pòdon pas permetre d’èsser en quarantena. “Me sembla plan que se fagan d’espròvas. Mas i a de gents sens papièrs e comptan sul trabalh al negre. S’eles se confinan, cossí viurà lor familha? Qual lor pagarà lo loguièr? Qual lor donarà de manjar? S’as d’enfants joves, lor pòdes pas dire que i a pas pus de pan”, çò respondiá un òme als jornalistas de TV3.
De remembrar que lo 30 de març passat raportàvem que Portugal aviá pres una mesura fòrça umana e intelligenta per combatre lo virus: tanlèu que se decretèt lo confinament se regularizèt sul pic totes los immigrants qu’avián pas encara lo permés de residéncia. Aquela decision la prenguèt lo conselh dels ministres entre una tièra de mesuras socialas e economicas. A partir d’aquel moment, totes los immigrants que lor regularizacion èra a l’espèra aguèron los meteisses dreches que los ciutadans portugueses; poguèron èsser sonhats pel servici de santat, signar de contractes d’emplec o sollicitar l’ajuda dels confinats a domicili e aver drech de recebre la prestacion de caumatge.
Encara i a una autra informacion que vos voldriam ramentar: als Estats Units los negres ne morisson dos còps mai que los blancs, çò publicàvem lo 7 de mai passat. Son las primièras victimas del caumatge e ara, amb la crisi derivada de la pandemia, es la populacion afroamericana que pèrd sos emplecs a un ritme pus naut.
Saique poiriam començar de pensar que lo biais per combatre la pandemia es la justícia sociala?
Demest las informacions sul coronavirus qu’arriban a la redaccion de Jornalet n’i a una que nos a atrach l’atencion. Ven de Barcelona mas podiá venir d’endacòm mai. Dins la banlèga de la capitala catalana an ensajat de far de tèstes massisses sus la populacion, mas dins los quartièrs pus paures —que son los mai afectats— fòrça mond an refusat de passar l’espròva. Las rasons son majoritàriament economicas; un fum de mond an d’emplecs precaris pagats al negre, o ben cèrcan de mejans de subsisténcia dins la venda ambulanta o amassan de ferralha o d’autras causas per carrièras. Tot aquel mond se pòdon pas permetre d’èsser en quarantena. “Me sembla plan que se fagan d’espròvas. Mas i a de gents sens papièrs e comptan sul trabalh al negre. S’eles se confinan, cossí viurà lor familha? Qual lor pagarà lo loguièr? Qual lor donarà de manjar? S’as d’enfants joves, lor pòdes pas dire que i a pas pus de pan”, çò respondiá un òme als jornalistas de TV3.
De remembrar que lo 30 de març passat raportàvem que Portugal aviá pres una mesura fòrça umana e intelligenta per combatre lo virus: tanlèu que se decretèt lo confinament se regularizèt sul pic totes los immigrants qu’avián pas encara lo permés de residéncia. Aquela decision la prenguèt lo conselh dels ministres entre una tièra de mesuras socialas e economicas. A partir d’aquel moment, totes los immigrants que lor regularizacion èra a l’espèra aguèron los meteisses dreches que los ciutadans portugueses; poguèron èsser sonhats pel servici de santat, signar de contractes d’emplec o sollicitar l’ajuda dels confinats a domicili e aver drech de recebre la prestacion de caumatge.
Encara i a una autra informacion que vos voldriam ramentar: als Estats Units los negres ne morisson dos còps mai que los blancs, çò publicàvem lo 7 de mai passat. Son las primièras victimas del caumatge e ara, amb la crisi derivada de la pandemia, es la populacion afroamericana que pèrd sos emplecs a un ritme pus naut.
Saique poiriam començar de pensar que lo biais per combatre la pandemia es la justícia sociala?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Explicatz-nos coma hèsen los çurgents per operar pendent òras en portant masques ? Pénsatz que sòrten sons clònes deu cabinet per los remplaçar quora fenìssen per se morir d'asfixia ? Aiaiai !
En tot cas, lo monde arrìban a portat un masque pendent un brave moment, ne'n èi hèit l'experiéncia haha e ne'n sui pas mòrt estofat ! E taplan i hasèva calor !
Les moleculas d'O2 e de CO2 (e deus auts gas de l'èrt : N2, H2O...) pàssan capvath los pòres deus masques en papèir o les malhas deus masques en teixut. Los pòres son pro larges per dixar passar les moleculas de gas (urosament) e pro estrets per arrestar los escopits.
#4
Sénher de l'Ausèl extremoriental vos avèm reconegut, òsca!
#1
O-es nos fau vertadierament lutar contra los medecins que nos sonhen e contra los scientifiques que fan avançar la recercha, vam anonçar la bona novela a saber que 'na novela civilisacion extraterrestra vai naisser leu e que los reptilians van apareisser e nos van tots minjar. Entau vendram daus mutants e auram pus mestier daus vaccins, enfin de tota maniera ne'n aviam pas besonh perque 'quò sufis de brostar de las erbas magicas qu'an frotjat dins de las còrnas de vachas dinamisadas en disent de las pregieras lo jorn de la plena luna.
Lo combat es pas la justicia sociala.
Lo combat, lo vrai, lo sol es la lucha contre la dictatura medicala e la dictatura politica.
Liure a vòstre de pas zo creire; liure a vòstre de dire que Trump e Potina pensen qu'a l'argent.
Liure a vòstre de creire que los medecins dissidents son pas credibles
Liures a vòstre de creire tots çò que los medias officiaus disan
Mas, i a una causa segura, la rentrada per los ensenhants e los eleves semblaran coma doas gotas d'aigas la scolaritat d'au temps ente Petain dirigeava l'estat frances : refus de tots les eleves que seran pas vacinats, denonciacion, passar mai de temps a far la disciplina qu'a ensenhar, sens oblidar que lo confinament , la distanciacion son stressantas. Chaça aus dissidents, aus complotistes. I a de que se pausar un fum de questions.
Lo masc empescha de respirar; quò es contrari a tot çò qu'a estat ensenhar: L'òm respire de l'oxygene per lo nas e expire dau gaz carbonic per la boca.
I a pas de pandemia per lo coronavirus. Tot aquò es orchestrat per instaurar la lei marciala en se servan de la paur e de las messonjas. Si la paur marcha pas emben lo coronavirus, nos dirigeants trobaran una autra paur : anonçar l'arribada de vaissaus extra-terrestres que vendrian emben de marridas intencions per nos far çò qu'avem fach aus indians d'America. Si, si... la propaganda es desjà presta e commença en septembre mas quò es mas una propaganda.
Imagina pas un sol moment que la tromparia continua. La Resistença es presenta, en prumier chas los medcins. Victoria de la Resistença e de la lutz.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari