editorial
Los dos peses, doas mesuras de l’UE amb Catalonha e Bielorussia
Coma o publicàvem dijòus passat dins las paginas de Jornalet, lo president del Conselh Europèu, Charles Michel, a assegurat que l’Union Europèa reconeissiá pas la victòria electorala del president de Bielorussia, Aleksandr Lukashenko, e mai a anonciat l’aplicacion de sancions contra el e contra son govèrn per frauda e per la repression de las protèstas.
L’inquietud de Michel “es fòrça lausabla; mas se foguèsse sincèra, fa de temps qu’auriá consagrat de paraulas similaras a respècte de la violéncia, de la preson, de l’exili e de las represalhas contra l’expression politica e pacifica de la minoritat nacionala catalana”, çò li respondèt sul pic lo representant de la Generalitat de Catalonha a Madrid, Gorka Knörr. Dins sa letra dobèrta a Michel, lo representant bascocatalan ramenta que l’Union Europèa aplica “timidament” las valors de l’UE “quand son violadas en Ongria o Polonha” mas pas brica quand se tracta de Catalonha.
D’efièch, los elegits catalans en exili se son meses a la disposicion de las justícias de Belgica, de Soïssa, d’Alemanha e d’Escòcia, e los jutges de totes aqueles endreches an refusat de los liurar a la justícia espanhòla. A mai, los presonièrs politics catalans son condemnats e encarcerats jos de penas enòrmas per aver complit lo programa electoral de lors formacions politicas; de programas electorals que las autoritas judiciàrias de l’estat espanhòl coneissián e autorizèron.
Per l’Union Europèa, es illegal que se bata, s’arrèste e se torture de ciutadans bielorusses, mas tot aquò se pòt far quand los batuts, arrestats e torturats son d’independentistas catalans. E es aital que lo naut representant de l’UE pels afars estrangièrs e la politica de seguretat es Josep Borrell, un òme qu’es a l’origina de divèrses escàndols amb d’institucions internacionalas, qu’a quitament dich que vòl “desinfectar Catalonha” e que justifica la preson dels independentistas catalans.
Es normal, doncas, que los dos peses, doas mesuras de l’Union Europèa ajan indignat los catalans. Mas cresèm que nos devèm indignar totes los ciutadans europèus que non deuriam pas permetre que se violèsse la democracia dins l’UE. Per tant, donam rason a Giannis Varoufakis quand diguèt que “Catalonha es un problèma europèu qu’exigís una solucion europèa”.
L’editorial d’aquesta setmana lo voldriam clavar amb un vidèo de l’imne que cantan los manifestants bielorusses contra Lukashenko: una adaptacion de la famosa cançon de lucha catalana de Lluís Llach.
L’inquietud de Michel “es fòrça lausabla; mas se foguèsse sincèra, fa de temps qu’auriá consagrat de paraulas similaras a respècte de la violéncia, de la preson, de l’exili e de las represalhas contra l’expression politica e pacifica de la minoritat nacionala catalana”, çò li respondèt sul pic lo representant de la Generalitat de Catalonha a Madrid, Gorka Knörr. Dins sa letra dobèrta a Michel, lo representant bascocatalan ramenta que l’Union Europèa aplica “timidament” las valors de l’UE “quand son violadas en Ongria o Polonha” mas pas brica quand se tracta de Catalonha.
D’efièch, los elegits catalans en exili se son meses a la disposicion de las justícias de Belgica, de Soïssa, d’Alemanha e d’Escòcia, e los jutges de totes aqueles endreches an refusat de los liurar a la justícia espanhòla. A mai, los presonièrs politics catalans son condemnats e encarcerats jos de penas enòrmas per aver complit lo programa electoral de lors formacions politicas; de programas electorals que las autoritas judiciàrias de l’estat espanhòl coneissián e autorizèron.
Per l’Union Europèa, es illegal que se bata, s’arrèste e se torture de ciutadans bielorusses, mas tot aquò se pòt far quand los batuts, arrestats e torturats son d’independentistas catalans. E es aital que lo naut representant de l’UE pels afars estrangièrs e la politica de seguretat es Josep Borrell, un òme qu’es a l’origina de divèrses escàndols amb d’institucions internacionalas, qu’a quitament dich que vòl “desinfectar Catalonha” e que justifica la preson dels independentistas catalans.
Es normal, doncas, que los dos peses, doas mesuras de l’Union Europèa ajan indignat los catalans. Mas cresèm que nos devèm indignar totes los ciutadans europèus que non deuriam pas permetre que se violèsse la democracia dins l’UE. Per tant, donam rason a Giannis Varoufakis quand diguèt que “Catalonha es un problèma europèu qu’exigís una solucion europèa”.
L’editorial d’aquesta setmana lo voldriam clavar amb un vidèo de l’imne que cantan los manifestants bielorusses contra Lukashenko: una adaptacion de la famosa cançon de lucha catalana de Lluís Llach.
#BIELORÚSSIA La Filharmònica de Minsk interpreta L'Estaca de @lluis_llach com a protesta contra el govern Lukashenko. pic.twitter.com/zt2RqaFpOs
— Catalan Conflict News (@catalanconflict) August 19, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Varofakis considèra “Catalonha es un problèma europèu qu’exigís una solucion europèa”. E de problèmas aital, amb lo sieu estat aclapat per la dictatura financiarista nord-europèa, Varofakis ne sap al mens un autre !…
jornalet sortis en defesa de las revolucions jaunas, osca!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari