editorial
La libertat d'expression
L’òrre assassinat d’un ensenhaire a esmogut nòstra societat que s’es mobilizada per condemnar un tal crime. E mentre que nòstras emocions èran tocadas per aquela tragèdia, los especialistas en covid-19 dels bars, de las ràdios e de la television son venguts d’expèrts en religion, sustot en islam, e de grands defensors de la libertat d’expression.
A! La libertat d’expression. Aqueles defensors de la libertat an pas fach absoludament res per defendre lo darrièr president de la Generalitat de Catalonha destituit precisament per sa libertat d’expression. Sembla que pel 100% d’aqueles especialistas, la libertat d’expression se limita a difondre pertot de dessenhs que nafrarián una comunautat religiosa del país, pr’amor qu’es çò que provòca los terroristas, coma se los terroristas aguèsson de besonh d’un pretèxt per tuar.
E nos pausam de questions. Quina libertat d’expression defendon los elegits que vòlon enebir l’arabi a Besièrs o que se trufan de l’occitan al conselh municipal de Tolosa? Quina autoritat ten per parlar de libertat d’expression una republica qu’a fach calar l’occitan e d’autras lengas pròprias de sos ciutadans?
Aquestes jorns, avèm vist tot plen de mond qu’an manifestat contra un crime òrre en cantant de cançons que parlan d’alçar un estandard sagnós e que crida los ciutadans “a las armas”. E remarcam amb granda tristor e indignacion que certans politics vòlon tirar profièch d’aquela tragèdia.
P.S. En 2016, publicàvem un article de Vicent Partal sul wahhabisme, un movement fondamentalista qu’es vengut lo sistèma sòciopolitic oficial en vigor en Arabia Saudita e que dempuèi los ans 1960 finança çò que poirián èsser de centres de jihadisme en Euròpa. Vos en recomandam la lectura e convidam los legeires a se demandar perqué França ten de bonas relacions amb l’Arabia Saudita.
A! La libertat d’expression. Aqueles defensors de la libertat an pas fach absoludament res per defendre lo darrièr president de la Generalitat de Catalonha destituit precisament per sa libertat d’expression. Sembla que pel 100% d’aqueles especialistas, la libertat d’expression se limita a difondre pertot de dessenhs que nafrarián una comunautat religiosa del país, pr’amor qu’es çò que provòca los terroristas, coma se los terroristas aguèsson de besonh d’un pretèxt per tuar.
E nos pausam de questions. Quina libertat d’expression defendon los elegits que vòlon enebir l’arabi a Besièrs o que se trufan de l’occitan al conselh municipal de Tolosa? Quina autoritat ten per parlar de libertat d’expression una republica qu’a fach calar l’occitan e d’autras lengas pròprias de sos ciutadans?
Aquestes jorns, avèm vist tot plen de mond qu’an manifestat contra un crime òrre en cantant de cançons que parlan d’alçar un estandard sagnós e que crida los ciutadans “a las armas”. E remarcam amb granda tristor e indignacion que certans politics vòlon tirar profièch d’aquela tragèdia.
P.S. En 2016, publicàvem un article de Vicent Partal sul wahhabisme, un movement fondamentalista qu’es vengut lo sistèma sòciopolitic oficial en vigor en Arabia Saudita e que dempuèi los ans 1960 finança çò que poirián èsser de centres de jihadisme en Euròpa. Vos en recomandam la lectura e convidam los legeires a se demandar perqué França ten de bonas relacions amb l’Arabia Saudita.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a un problema amb l'Islam en Occitània. E la Sinistra vòl pas veire aquò.
Degun ne remarquèt aquò :
lo terrorista ne lo TUÈT pas simplament, li tirèt lo CAP, lo son crimi èra de PENSAR .
Aqueths terroristas son contra los que pensan de per eths solets .
Eths ( e tanben mantuns autes ...., ailàs ! ), les.i agradan gents shens cervèths , qu'AUBESISSEN com aulhas , shens motar ni motejar .
Com uns seguidors de ua religió poden creure tenir una força moral per treure la vida a un altre esser umà de la manera mes horrible.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari