editorial
Impossible d’o far pièger
Divendres passat, lo primièr ministre francés, Jean Castex, convoquèt los mèdias, après un conselh de defensa, coma s’anèsse anonciat quicòm, mas declarèt puèi que farián pas res mai contra la covid-19. Mentretant en Espanha, de nauts caps de l’armada se fan vaccinar d'escondons en entraïnant un escàndol, e lo ministre de la santat demissiona per se presentar a las eleccions regionalas de Catalonha. De soslinhar qu’aquelas eleccions, que se tendràn lo 14 de febrièr que ven, totes los partits franc del socialista las volián reportar al 30 de mai per de rasons sanitàrias, mas los jutges an decidit qu’aurián luòc lo 14 de febrièr. Son tanben los jutges que decidisson quines elegits pòdon pas governar en los mandar en preson, e qu’an destituit lo president de la Generalitat.
Dins tot aquel encastre, en Itàlia avèm una crisi de govèrn e las societats farmaceuticas complisson pas lors engatjaments amb l’Union Europèa en çò que tanh als vaccins anticovid-19 en priorizant d’autres territòris. Dins tot aquel encastre, la Comission Europèa destapa, per error, lo prètz del contracte de la Comission Europèa (CE) amb AstraZeneca.
Tot comptat e rebatut, vesèm que totas las administracions que govèrnan a l’ora d’ara en Occitània deurián far de vertadièrs esfòrces se volguèsson far de politicas pus marridas.
La pandemia a mes en evidéncia que nòstras administracions, que sián localas, regionalas, estatalas o europèas, son dependentas dels produches faches dins d’autres territòris per de societats privadas. Ara es mai evident que jamai que cal una indústria farmaceutica publica e revirar lo sistèma actual de brevets de medicaments. De veire dins quinas pòchas anarà l’argent que l’UE ten per combatre la pandemia. Mentretant, nosautres, avèm pas que de masquetas, e de gilets jaunes que portarem sens cap de dobte quand los professionals de la santat del país cridaràn a la mobilizacion.
Dins tot aquel encastre, en Itàlia avèm una crisi de govèrn e las societats farmaceuticas complisson pas lors engatjaments amb l’Union Europèa en çò que tanh als vaccins anticovid-19 en priorizant d’autres territòris. Dins tot aquel encastre, la Comission Europèa destapa, per error, lo prètz del contracte de la Comission Europèa (CE) amb AstraZeneca.
Tot comptat e rebatut, vesèm que totas las administracions que govèrnan a l’ora d’ara en Occitània deurián far de vertadièrs esfòrces se volguèsson far de politicas pus marridas.
La pandemia a mes en evidéncia que nòstras administracions, que sián localas, regionalas, estatalas o europèas, son dependentas dels produches faches dins d’autres territòris per de societats privadas. Ara es mai evident que jamai que cal una indústria farmaceutica publica e revirar lo sistèma actual de brevets de medicaments. De veire dins quinas pòchas anarà l’argent que l’UE ten per combatre la pandemia. Mentretant, nosautres, avèm pas que de masquetas, e de gilets jaunes que portarem sens cap de dobte quand los professionals de la santat del país cridaràn a la mobilizacion.
| fffff | fffff | |
| Assemblada de legeires de Jornalet De ramentar que dissabte que ven, 6 de febrièr, a partir de 15 oras per videoconferéncia, se convòca una assemblada dels legeires de Jornalet. L’idèa es de presentar als legeires las activitats de las associacions que rendon possible aqueste quotidian, las finanças, los projèctes... e tanben d'amassar d’idèas, de suggestions, de criticas e de proposicions de melhorament en sòrta que Jornalet siá un jornal de totes e per totes. Los que voldretz participar, sètz pregats de nos escriure a info@jorn... Divendres, mandarem per e-mail l’òrdre del jorn e totas las informacions que cal per se connectar | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Cal arrestar l'èrba, garri !
#3 En França, nos fasèm trucassar lo cap e gasar los uèlhs e las broncas tre que ne venèm a contestar qué que siá en manifestacions ! E adara, en mai d'aquò, nos vòlon ficar, filmar, susmelhar e ficar d'en pertot, per la mendra pensada dissidenta. E nos vòlon intedire de denonciar las exaccions de la polícia contra lo pòble. La "majoritat" macroniana es fondada subre 16% del còs electoral sonque. Las lengas autras que lo francés i son obèrtament programada per crebar lèu. Non pensi pas ged ni mica que siá melhor en Frnça ultraliberala qu'en Espanha franquista. Mas pertot ont las libertats ciutadanas e la justíca sociala son malsaquejadas, on denóncii, tant qu'o pòdi…
#2 Per'mor que credetz que sia miélher en França, on ei lo govèrn sol qui decidí de la data de las municipaus e qui decidirà de la de las regionaus ? Que va un moment de tractar l'Espanha de franquista; l'Espanha n'ei pas perfèita, a bèths còps qu'ei mensh democratica que los autes país d'Euròpa, mes ací que n'ei mei. Mei que la França, en tot cas.
« Mas los jutges an decidit qu’aurián luòc lo 14 de febrièr ».
Un jutge jutja d'un afar judiciari objectivament instuït mercés a de jutges d'instruccion, en seguida d'enquistas policiàrias.
Un jutge, non elegit pel pòble, non es abilitat a decidir de ges de biais politicament, se que non en país franquista.
Çò que caliá demostrar…
Podam far una medecina farmaceutica dins tots los cars d'Occitania. Sufis de laissar tombar l'industria farmaceutica e de se soenhar per las plantas. Las plantas son mai eficaças que los medicaments chimics e los vaccins perqu'an pas d'effets secondaris dangeiros si l'òm las coneis un pauç e colan belcòp mens char.
L'industria farmaceutica es obligeada d'interdire totas las autras medecinas que las chimicas. Si avian laissat developpar las autras medecinas auriam pas de Covid 19 ni de vaccinacions.
Lo problem es pas sanitari es economic.
Quand l'economic pòd pus en venir, quand lo politic pòd pus en venir, quand lo medecin pòd pus en venir alaidonc vai lo generau que banleva tot lo sistem. Lo generau quò es la Revolucion, un sistem que dich que l'ancian sistem pòd pus en venir e que chau lo banlevar.
Apres i a totjorn un Napoleon per retablir lo sistem dictatorial sur una fòrma pus aceptable. Apres la guerra chau tornr bastir e quò tòrna lançar l'economia.
E ben fasam la Revolucion en fasan attencion a qui recupera lo poder.
Per lo moment quò es una bancarota mondiala que nos espera e una panica dins los que governan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari