editorial
Sant Valentin e los amoroses de l’occitan
Aqueste dimenge, vesèm a Tolosa una de las melhoras inciativas que se son menadas a bon tèrme per socializar l’occitan. Un collectiu d’associacions occitanistas en partenariat amb l’Universitat del Miralh an organizat una jornada per partejar l’amor en occitan amb los ciutadans. L’idèa es espelida jol lèma “Parla-me en occitan, m’agrada” e prepausa als tolosans de declaracions d’amor en occitan per rendre presenta la lenga nòstra e, a l’encòp, metre de costat l’aspècte consumaire de la fèsta. O an organitzat lo collectiu d’ensenhaires del CRÈO Tolosa, de l’Escòla Occitana d’Estiu, e d’Òsca, l’associacion occitana de l’Universitat de Tolosa Joan Jaurés e especialament de sa seccion d’occitan. Òsca per eles! Es amb una tièra de pichons gèstes d’aquela mena que farem que lo pòble occitan se torne enamorar de sa lenga.
Fa a penas dos meses, recordàvem dins un editorial qu’en Occitània avèm lo primièr dels elements clau pel recobrament de la lenga: que lo pòble la vòlga recobrar. O demòstra l’enquista sociolingüistica realizada per l’Ofici Public de la Lenga Occitana (ÒPLO) dins l’oèst d’Occitània que rebat que lo 90% dels abitants vòlon o volèm de politicas lingüisticas per l’occitan.
Per tant, se voldriá que se faguèsse de leis e d’estatuts per encoratjar l’usatge de la lenga per que foguèsse de mai en mai presenta dins l’ensenhament, dins los mèdias, la senhaletica e lo païsatge lingüistic. També se desirariá de politicas que sostenguèsson los combats socials dels que se baton dempuèi longtemps per exigir l’occitan dins la television publica o per combatre las leis que minimizan la preséncia de l’occitan a l’escòla, per los que dempuèi longtemps organizan de corses d’occitan per adultes o los que fan foncionar d’espacis d’occitanitat de tota sòrta coma l’Ostau dau País Marselhés, la Tor deu Borrèu o La Topina.
La fèsta de Sant Valentin en occitan d’aquesta dimenjada fa quicòm que cresèm fòrça important: aumentar la preséncia de l’occitan dins la vida sociala, per carrièras, e rebatre mai encara que lo pòble occitan a un vertadièr desir de recobrar la lenga raubada.
P.S. Lo sondatge de la setmana passada foguèt piratat. Se normalament los sondatges recebon las responsas d’unes 100 o 150 legeires, aquela setmana i aguèt mai de 500 responsas manipuladas per un meteis usatgièr que pensèt qu’èsser pas d’acòrdi li donava drech de sabotar.
Fa a penas dos meses, recordàvem dins un editorial qu’en Occitània avèm lo primièr dels elements clau pel recobrament de la lenga: que lo pòble la vòlga recobrar. O demòstra l’enquista sociolingüistica realizada per l’Ofici Public de la Lenga Occitana (ÒPLO) dins l’oèst d’Occitània que rebat que lo 90% dels abitants vòlon o volèm de politicas lingüisticas per l’occitan.
Per tant, se voldriá que se faguèsse de leis e d’estatuts per encoratjar l’usatge de la lenga per que foguèsse de mai en mai presenta dins l’ensenhament, dins los mèdias, la senhaletica e lo païsatge lingüistic. També se desirariá de politicas que sostenguèsson los combats socials dels que se baton dempuèi longtemps per exigir l’occitan dins la television publica o per combatre las leis que minimizan la preséncia de l’occitan a l’escòla, per los que dempuèi longtemps organizan de corses d’occitan per adultes o los que fan foncionar d’espacis d’occitanitat de tota sòrta coma l’Ostau dau País Marselhés, la Tor deu Borrèu o La Topina.
La fèsta de Sant Valentin en occitan d’aquesta dimenjada fa quicòm que cresèm fòrça important: aumentar la preséncia de l’occitan dins la vida sociala, per carrièras, e rebatre mai encara que lo pòble occitan a un vertadièr desir de recobrar la lenga raubada.
P.S. Lo sondatge de la setmana passada foguèt piratat. Se normalament los sondatges recebon las responsas d’unes 100 o 150 legeires, aquela setmana i aguèt mai de 500 responsas manipuladas per un meteis usatgièr que pensèt qu’èsser pas d’acòrdi li donava drech de sabotar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
E es la nèu que fa faire d'esqui es la nèu que tia l'occitan.
Moralitat :
L'esqui tia la lenga occitana e sa difusion.
E aqueste dimenge 14, pas d’emisions occitanas sus França-3 en raison dels campionato d’esqui. E dimenge que ven, tanpauc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari