editorial
Jonhèm la cauma feminista
Dins tres setmanas, Jornalet festejarà son 9n anniversari. Dins tot aquel temps avèm pas quitat de publicar un sol jorn. Mas aqueste 8 de març, l’endeman de la publicacion d’aqueste editorial, i aurà pas d’edicion normala de Jornalet. Pel primièr còp serem en cauma. Avèm decidit de jónher la cauma feminista per revendicar los dreches de las femnas, compte tengut que la situacion sanitària nos conselha pas de manifestar per carrièras. Pr’aquò, la redaccion d’aqueste jornal consagrarà sas oras de trabalh a organizar un obrador de feminisme e de nòvas masculinitats per la redaccion e totes los collaboradors de Jornalet que lo voldrián seguir.
Lo 6 de febrièr passat se tenguèt l’assemblada de legeires de Jornalet. Demest las conclusions remarquèrem que cap de femna i participèt pas e que la majoritat dels opinants d’aqueste jornal son d’òmes; es evident, doncas, que i a quicòm que truca e es urgent d’agir.
La superioritat morala que la cultura occidentala nos impausa, nos fa creire que sèm justes en comparason amb d’autras culturas, que denonciam lors injustícias dont lor masclisme. Tanben condemnam maitas violéncias masclistas de nòstre entorn que tenon de consequéncias esglasiantas. Mas i a tot plen d’actituds interpersonalas fòrça masclistas que son talament acceptadas socialament que passan per malha als uèlhs de tot plen de mond. Aqueles micromasclismes los volèm detectar. An ben luòc en Occitània coma endacòm mai. Son de petitas accions qu’escapan a las consciéncias de totes los qu’avèm de privilègis de genre. E pasmens son a l’origina de maltractaments emocionals, psicologics e quitament economics, fisics e sexuals.
La manca de femnas demest los collaboradors e amics de Jornalet mòstra clarament que i a quicòm que truca, e nosautres volèm ne prene consciéncia e far tot çò possible per o resòlver. A mai, del meteis biais que nos batèm per la diversitat lingüistica e culturala, volèm un avenir ont las diferéncias de genre sián pas res mai qu’una riquesa umana, sens cap de discriminacion ni privilègi en rason del genre.
Lo 6 de febrièr passat se tenguèt l’assemblada de legeires de Jornalet. Demest las conclusions remarquèrem que cap de femna i participèt pas e que la majoritat dels opinants d’aqueste jornal son d’òmes; es evident, doncas, que i a quicòm que truca e es urgent d’agir.
La superioritat morala que la cultura occidentala nos impausa, nos fa creire que sèm justes en comparason amb d’autras culturas, que denonciam lors injustícias dont lor masclisme. Tanben condemnam maitas violéncias masclistas de nòstre entorn que tenon de consequéncias esglasiantas. Mas i a tot plen d’actituds interpersonalas fòrça masclistas que son talament acceptadas socialament que passan per malha als uèlhs de tot plen de mond. Aqueles micromasclismes los volèm detectar. An ben luòc en Occitània coma endacòm mai. Son de petitas accions qu’escapan a las consciéncias de totes los qu’avèm de privilègis de genre. E pasmens son a l’origina de maltractaments emocionals, psicologics e quitament economics, fisics e sexuals.
La manca de femnas demest los collaboradors e amics de Jornalet mòstra clarament que i a quicòm que truca, e nosautres volèm ne prene consciéncia e far tot çò possible per o resòlver. A mai, del meteis biais que nos batèm per la diversitat lingüistica e culturala, volèm un avenir ont las diferéncias de genre sián pas res mai qu’una riquesa umana, sens cap de discriminacion ni privilègi en rason del genre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quora dins un airal i a cap de femnas, es que l’ambient i es pas socent, e l’aire pas sanitós !
Sèm al trescol deL’occitanisme, malastrudament tornarà pas naisser de sos cendres coma lo fèni.
Trenta annadas de luchas ferutges internas l'an acabat.
Son las maires que fan los pòbles, non pas los òmes !
Quora dins un airal i a cap de femnas, es que l’ambient i es pas socent, e l’aire pas sanitós !
Sèm al trescol deL’occitanisme, malastrudament tornarà pas naisser de sos cendres coma lo fèni.
Trenta annadas de luchas ferutges internas l'an acabat.
Son las maires que fan los pòbles, non pas los òmes !
E òc i a pas PLUS de femnas ! Ieu i èri au Jornalet e donèri pron d'articles. Partiguèri de desgost davant leis avalancadas d'agressivitats, insults, atacas bassas de coratjós anonims, tant còntra ieu coma còntra d'amics ò d'opinants que coneissiáu pas, mai que vesiáu espotits per lo plaser viciós d'espotir gratuitament.
E mai un article totalament neutre coma restituir leis estatisticas de l'usatge de "en + gerondiu" me valèt una avalancada de ràbia (d'anonims ò pas). Es dire l'immaturitat dau lectorat e sa convivialitat tota trobadoresca, ben segur.
Donc la conclusion s'impausa : nautrei femnas, avèm tant de causas de dire coma leis òmes, mai partatjam pas aquesta ràbia congenitala... E donc laissam tota la plaça ai rabiós per rabiosar entre elei.
Siam pas masoquistas !
"I a quicòm que truca" ? Te cresi. E que truca grèu !!
Per nosaus femnas occitanas de cap de biais es "We can do it"
Per nosaus o avèm fach
http://www.ethnophoto.fr/sites/all/modules/ethnophoto/data/Pasquetb003.jpg
https://france3-regions.francetvinfo.fr/image/1EG9kzb2unxvMpEs5zCHCvo_FyE/930x549//filters:format(webp)/regions/2020/06/09/5edf6aa24b962_99517866_o-3898118.jpg
E es pas l'autra sus l'imatge que nos farà rampèu !
mIna de ren un moment bravonèl de multiculturalisme :)
Las femnas participan pas a Jornalet. Mas, i a qu'unha ponhada d'òmes qu i participat e l'occitanisme fai pas fiera.
Sem a un cambiament istoric de mentalitats. Tot nòstre passat dempuei 2000ans veire mai es dominat per la competicion, la guerra, la malonestetat. Avem glorifiat daus triomfators militaris e defilat devant daus arcs de tiumf.
D'autras mentalitats arrieban que portan l'amor, la solidaritat, la patz au poder. Sem convidats a portar nòstre regard au dedins de nos e non pas vers l'autre que lo trobam totjorn pus cheitiu que nos.
Au dedins de nòstre i a las pensadas d'amor de patz, de jòia mas i a tanben de las pensadas negras e nos chau coneisser nòstra part d'ombre avant d'esser uros. Si a l'interior de nos botam la patz, la solidaritat, l'amor en nos alaidonc lo monde cambaria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari